قوعام حاۋىپسىزدىگى مەكەمەسى اماندىق قورعاۋ جاعىنداعى جاعداي كۇردەلى وڭىرلەردە جونگە سالۋ ارەكەتىن شوعىرلى تۇردە ورىستەتەدى
قوعام حاۋىپسىزدىگى مينيسترلىگى جۋىردا مەملەكەت بويىنشا قوعام حاۋىپسىزدىگى ورگاندارىنىڭ اماندىق قورعاۋ جاعىنداعى جاعداي كۇردەلى وڭىرلەردە شوعىرلى تۇردە اداقتاپ تەكسەرۋ جۇرگىزۋ جانە جونگە سالۋ ارەكەتىن ورىستەتۋى، ”قىس مەزگىلىندەگى ارەكەتتى“ ىشكەرىلەي ىلگەرىلەتۋى، حاۋىپ – قاتەردەن ساقتانۋ، كومەسكى قاتەردى الاستاۋ، حاۋىپسىزدىكتى ساقتاۋ قىزمەتىن كۇش سالا ورىستەتۋى، اماندىق قورعاۋ جاعىندا حالىق جۇرتشىلىعىنىڭ كوكتەم مەرەكەسىن كوڭىلدى وتكىزۋىنە حاۋىپسىز، ورنىقتى، جاراسىمدى قوعامدىق ورتانى جاراتىپ بەرۋى جونىندە ورنالاستىرۋ جاسادى.
قوعام حاۋىپسىزدىگى مينيسترلىگى مىنانى تالاپ ەتتى: قازىرگى تاڭداعى قوعام اماندىعىن قورعاۋ جاعدايىنىڭ زاڭدىلىعىمەن، ەرەكشەلىگىمەن ۇشتاستىرا وتىرىپ، اماندىق قورعاۋ جاعىنداعى جاعداي كۇردەلى وڭىرلەر، ادامدار شوعىرلانعان ورىندار قاتارلى جەرلەردى باستى ءتۇيىن ەتىپ، ساقشى كۇشتەرى مەن كوپشىلىكتىڭ كۇشىن تولىق ۇيىمداستىرىپ، اداقتاپ تەكسەرۋ جانە جونگە سالۋ ارەكەتىن توپقا ءبولىپ ورىستەتىپ، حاۋىپسىزدىككە ساياتىن كومەسكى قاتەرلەر مەن اماندىق قورعاۋ جاعىنداعى قالتارىستاردى الاستاۋ كەرەك. ادامدار شوعىرلانعان ورىنداردى اداقتاپ تەكسەرىپ جانە جونگە سالىپ، دەنە تاربيە الاڭى، كورمە ورتالىعى قاتارلى ورىندار مەن ءىرى تيپتى ساۋدا الاڭدارى، ەرەنبازارلار، ساۋدالىق جاياۋلار كوشەسى، كەشكى جايما بازارى قاتارلى ساۋدا الاپتارىنا، سونداي – اق، ساياحات كورىنىس رايوندارىنا، ”ينتەرنەتتە تانىمال“ كورىنىس رايوندارىنا باعىتتاي وتىرىپ، حاۋىپسىزدىكتى باسقارۋ شارالارىن قاتاڭ تياناقتاندىرىپ، ءتارتىپتى قورعاۋدى كۇشەيتىپ، كيمەلەۋ، تاپتاۋ شىرعالاڭدارىنىڭ تۋىلۋىنان قاتاڭ ساقتانىپ، حاۋىپسىزدىك پەن تارتىپكە كەپىلدىك ەتۋ كەرەك. ءتۇيىندى ورىنداردى شوعىرلى اداقتاپ تەكسەرۋ، ورتا، باستاۋىش مەكتەپتەر مەن بالالار باقشالارى، ەمحانا مەن پويەز بەكەتى، اۋەجاي، كەمەجاي، قالاداعى قاتىناس وزەگى قاتارلى جەرلەرگە باعىتتاي وتىرىپ، حاۋىپسىزدىك جاعىنداعى ساقتىق قۇرىلىسىن كۇشەيتىپ، شارلاۋ جۇرگىزۋ مەن ساقتانۋ – قورعاۋدى كۇشەيتىپ، قايشىلىقتار مەن داۋ – جاڭجالداردى ءبىر – بىرلەپ تەكسەرۋدى، جاراستىرۋدى جانە ءبىرجاقتى ەتۋدى كۇشەيتىپ، تاماشا ءتارتىپتى قورعاۋ كەرەك. (باس ستانسيا ورتالىق تەلەۆيزيا ءتىلشىسى چىن يۇي)
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
