اشكەرەلەگەندەرگە سيلىق بار! شينجياڭ بازار باقىلاۋ ـ باسقارۋ تاراۋى 17 اشكەرەلەۋدى قابىلداۋ تەلەفونىن جاريالادى
بىرنەشە كۇننىڭ الدىندا شينجياڭ 17 اشكەرەلەۋدى قابىلداۋ تەلەفونىن جاريالاپ، ازىق - تۇلىك وندىرەتىن كاسىپورىندارىنداعى (ازىق – تۇلىك ءوندىرۋ رۇقساتىن العان نەمەسە شاعىن شەبەرحانالاردا تىزىمگە الدىرعان ازىق - تۇلىك وندىرۋشىلەر) ىشكى قىزمەتكەرلەردى قوعامدىق باقىلاۋعا ىرىقتىلىقپەن قاتىناسۋعا شابىتتاندىرىپ، ازىق – تۇلىك ءوندىرۋ سالاسىنداعى زاڭعا قايشى ەلەۋلى ارەكەتتەر مەن حاۋىپ - قاتەر ماسەلەلەرىن بەلسەنە اشكەرەلەپ، قوعام بولىپ بىرگە جونگە سالۋ ورتاسىن كۇش سالا قالىپتاستىردى.
2024 ـ جىلى 12 ـ ايدىڭ 26 ـ كۇنى، «شينجياڭ ۇيعۇر اۆتونوميالى رايوننىڭ بازار باقىلاۋ ـ باسقارۋ سالاسىنداعى ەلەۋلى زاڭعا قايشى ارەكەتتەردى اشكەرەلەۋدى سيلاۋ ناقتى ەرەجەسى (سىناق رەتىندە اتقارىلادى)» رەسمي اتقارىلدى. اشكەرەلەۋ، سيلاۋ، شابىتتاندىرۋ ءۇش دارەجەگە بولىنەدى، سيلاۋدىڭ ناقتى سوماسى جەكە - جەكە ايىپ سالۋ، ءمۇسادىرالاۋ سوماسىنىڭ %5، %3 جانە %1 بويىنشا بولىپ، ەڭ تومەنگى سيلىق سوماسى جەكە - جەكە 5000 يۋان، 3000 يۋان جانە 1000 يۋان، اشكەرەلەۋ، سيلاۋ سوماسىنىڭ جوعارى شەگى ءبىر ميلليون يۋان، سونداي - اق زاڭعا قايشىلىق جاساعان سۋبيەكتيۆ تۇلعا قىزمەتكەرلەرىن اشكەرەلەگەندە، سول دارەجەلى حالىق ۇكىمەتىنىڭ ماقۇلداۋىنان وتكەننەن كەيىن سيلاۋ ولشەمىن لايىقتى جوعارىلاتۋعا بولادى دەپ بەلگىلەنگەن.
شينجياڭ ۇيعۇر اۆتونوميالى رايوندىق بازار باقىلاۋ ـ باسقارۋ مەكەمەسى ازىق ـ تۇلىك ءوندىرۋ باسقارماسىنىڭ قاتىستى جاۋاپتىسى مىنالاردى ءبىلدىردى: زاڭعا قايشى ارەكەتتەردى اشكەرەلەۋدە ازىق ـ تۇلىك وندىرەتىن كاسىپورىنداردىڭ ىشكى قىزمەتكەرلەرىنىڭ باسىمدىلىعى زور، ۇنامدى جاقتان شابىتتاندىرۋ ارقىلى ىشكى قىزمەتكەرلەردىڭ كاسىپورىنداردىڭ زاڭعا، بەلگىلەمەگە قايشى ارەكەتتەرىن اشكەرەلەۋ بەلسەندىلىگىن جوعارىلاتۋعا بولادى، بازاردى باقىلاۋ - باسقارۋ تاراۋلارى دا اشكەرەلەۋشىنىڭ جەكە قۇپيالىعىن قاتاڭ قورعاپ، دەرەكتەردى دەر كەزىندە قابىلداپ، ازىق - تۇلىك وندىرىسىندەگى زاڭعا قايشى ارەكەتتەرگە زاڭ بويىنشا قاتاڭ سوققى بەرۋى كەرەك.
مالىمدەۋ تەلەفونى جانە ادرەسى:
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
