ساۋدا مينيسترلىگىنىڭ مالىمدەمەشىسى ا ق ش – نىڭ جۇڭگونىڭ ناقتى تۇلعالارىن يمپورت – ەكسپورتتى باسقارۋ – تەجەۋ جاعىنداعى ”ناقتى تۇلعالار تىزىمدىگىنە“ ەنگىزگەنى جونىندە تىلشىلەردىڭ سۇراۋىنا جاۋاپ قايتاردى
ءتىلشى بىلاي دەپ سۇرادى: ا ق ش – نىڭ شىعىس بولىك ۋاقىتى بويىنشا 2025 – جىلى 1 – ايدىڭ 3 – كۇنى ا ق ش – نىڭ ساۋدا مينيسترلىگى جۇڭگونىڭ ءبىرتالاي ناقتى تۇلعاسىن يمپورت – ەكسپورتتى باسقارۋ – تەجەۋ جاعىنداعى ”ناقتى تۇلعالار تىزىمدىگىنە“ ەنگىزگەن. جۇڭگو جاق بۇل جونىندە قانداي پىكىر بىلدىرەدى؟
جاۋاپ: جۇڭگو جاق قاتىستى جاعدايلارعا نازار اۋدارۋدا. ا ق ش جاق اتالمىش اسكەري ىستەرگە قاتىستى دەگەن سىلتاۋمەن جۇڭگونىڭ 11 ناقتى تۇلعاسىن يمپورت – ەكسپورتتى باسقارۋ – تەجەۋ جاعىنداعى ”ناقتى تۇلعالار تىزىمدىگىنە“ ەنگىزگەن، جۇڭگو جاق بۇعان باتىل قارسى تۇرادى. ۇزاق ۋاقىتتان بەرى، ا ق ش جاق مەملەكەت حاۋىپسىزدىگى ۇعىمىنىڭ كولەمىن كەڭەيتىپ، يمپورت – ەكسپورتتى باسقارۋ – تەجەۋ شارالارىن الباتى قولدانىپ، باسقا مەملەكەتتەردىڭ ناقتى تۇلعالارىنا قىسىم كورسەتتى جانە ولاردى تەجەدى، قاتىستى ناقتى تۇلعالاردىڭ زاڭدى ۇقىق – مۇددەسىنە اۋىر دارەجەدە زيان جەتكىزدى، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ حاۋىپسىزدىگى مەن ورنىقتىلىعىن ءبۇلدىردى، دۇنيە ءجۇزى ەكونوميكاسىنىڭ قايتا جاندانۋى مەن دامۋىنا كەدەرگىلىك جاسادى. جۇڭگو جاق ا ق ش جاقتى بۇل قاتە ءتاسىلىن دەرەۋ توقتاتۋعا قۋزايدى ءارى قاجەتتى شارالاردى قولدانىپ، جۇڭگونىڭ ناقتى تۇلعالارىنىڭ زاڭدى ۇقىق – مۇددەسىن باتىل قورعايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
