ۋيشين شوعىرىندا مىناداي مازمۇندى جولداعان ادام قولدا ۇستاپ تۇرۋعا الىندى
حابارلاندىرۋعا قاراعاندا، 1 – ايدىڭ 2 – كۇنى ساعات 21 دە، تيان X ەسىمدى توراپتاس ءمالىم ۋيشين شوعىرىندا ”جەر سىلكىنىسىنەن ساقتانۋ مەكەمەسىندە قىزمەت ىستەيتىن جەزدەم جاڭا عانا ماعان تەلەفون سوعىپ، تاڭ ءسارى ساعات ۇشتە جەر سىلكىنەتىنىن ايتتى“ دەگەن ءسوزدى جولداعان سوڭ، بۇل مالىمەت ينتەرنەتتە جەدەل تارالىپ، جۇرتشىلىقتى ۇرەيلەندىرىپ، قوعامدىق الەۋمەتتىك تارتىپكە اۋىر دارەجەدە ىقپال جاساعان.
شىزۇيشان قالالىق ينتەرنەت حاۋىپسىزدىگى تاراۋلارى بۇل جاعدايدى بايقاعان سوڭ، دەرەۋ تەكسەرۋ قىزمەتىن ورىستەتكەن. تەكسەرۋگە قاراعاندا، 1 – ايدىڭ 2 – كۇنى ساعات 19 دا، تيان X ەسىمدى توراپتاستىڭ اكەسى تاڭ سارىدە ساعات ەكىدەن ۇشكە دەيىنگى ارالىقتا جەر سىلكىنەدى دەگەن بولجام جاساپ، ۋيشيندا بەينە كەسكىنمەن حابارلاسۋ ارقىلى تيان X كە كەشتە وتە قاتتى ۇيىقتاماۋدى ەسكەرتكەن. ىلە – شالا تيان X اكەسىنىڭ بولجامىنا نەگىزدەلىپ، ۋيشين شوعىرىندا ”جەر سىلكىنىسىنەن ساقتانۋ مەكەمەسىندە قىزمەت ىستەيتىن جەزدەم، جاڭا عانا ماعان تەلەفون سوعىپ، تاڭ ءسارى ساعات ۇشتە جەر سىلكىنەتىنىن ايتتى“ دەگەن مازمۇندا جەر سىلكىنىسىنە قاتىستى وسەك – اياڭ تاراتقان.
كەيىن كەلە راستاۋعا قاراعاندا، ونىڭ جەزدەسى جەر سىلكىنىسى مەكەمەسىندە قىزمەت ىستەمەيدى، تيان X جەزدەم جەر سىلكىنىسى مەكەمەسىندە قىزمەت ىستەيدى دەپ وتىرىك ايتسام سوزىمەن ەل سەنەدى دەپ ويلاعان. تيان X تىڭ ارەكەتى جالعان مالىمەت بەرىپ، الەۋمەتتىك ءتارتىپتى بۇلدىرۋگە جاتادى، «جۇڭحۋا حالىق رەسپۋبليكاسىنىڭ اماندىق قورعاۋدى باسقارۋ جاعىنداعى جازالاۋ زاڭىنىڭ» 25 – تارماعىنىڭ 1 - تارماقشاسىنداعى، 20 - تارماعىنىڭ 4 – تارماقشاسىنداعى بەلگىلەمەگە ساي، تيان X كە اكىمشىلىك جاقتان ون كۇن قولدا ۇستاپ تۇرۋ ءارى اكىمشىلىك جاقتان 300 يۋان اقشالاي ايىپ سالۋ جازاسىن بەرگەن.
ساقشى جاق مىنانى ەسكەرتەدى:
ينتەرنەت زاڭ – تۇزىمنەن تىسقارى جەر ەمەس، ەلدىڭ نازارىن اۋدارىپ، كورىلىمگە يە بولۋ ماقساتىندا قاساقانا جالعان مالىمەت جاريالاعانداردى ساقشى جاق زاڭ بويىنشا قاتاڭ جازالايدى. كوپشىلىكتىڭ قاتىستى زاڭ – تۇزىمدەرگە قاتاڭ بويسۇنۋىن، ينتەرنەتتە ءوزىنىڭ ءسوز – ارەكەتىن سانالىلىقپەن جۇيەگە ءتۇسىرۋىن، وسەك – اياڭ شىعارماۋىن، وسەك – اياڭعا سەنبەۋىن، وسەك – اياڭدى تاراتپاۋىن، تىزە قوسا وتىرىپ، ينتەرنەتتەگى پاك مەكەندى بىرگە جاراتۋىن ءۇمىت ەتەمىز.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
