كىرىم ئون مىليارد يۈەندىن ئاشتى! بۇلتۇر شىنجاڭنىڭ پوچتا كەسپىدە يېڭى سۈرئەت بارلىققا كەلدى
دىققەتنى يۇقىرى سۈپەتلىك تەرەققىياتتىن ئىبارەت باش ۋەزىپىگە مەركەزلەشتۈرۈپ ئەمەلىي ئىشلەپ جاسارەت بىلەن ئالغا ئىلگىرلىتىلدى، تىيانشاننىڭ جەنۇبى-شىمالىدا ھاياتىي كۈچ ئۇرغۇتۇلۇپ، ھەممە جايدا تەرەققىيات، قۇرۇلۇشنىڭ قىزغىن دولقۇنى مەۋج ئۇردى...
2024-يىلى، شىنجاڭنىڭ پوچتا كەسپىنىڭ يۇقىرى سۈپەتلىك تەرەققىياتىدا يېڭى سۈرئەت يارىتىلىپ، پوچتا كەسپى تاماملىغان ئەۋەتىش-يەتكۈزۈش كەسىپ مىقدارى 983 مىليون پارچىگە، ئورۇندىغان كەسىپ كىرىمى 10 مىليارد 275 مىليون يۈەنگە يېتىپ، ئالدىنقى يىلىنىڭ ئوخشاش مەزگىلىدىكىدىن %14.4 ۋە %11.2 ئاشتى. بۇنىڭ ئىچىدە، تېز يەتكۈزۈش كەسىپ مىقدارى، كىرىمى 459 مىليون پارچە، 7 مىليارد 393 مىليون يۈەن ئورۇندىلىپ، بۇلتۇرقى ئوخشاش مەزگىلدىكىدىن %39.2 ۋە %15.3 ئاشقان.
تېز يوللانما مىقدارىنىڭ تېز سۈرئەتتە ئېشىشىغا تاقابىل تۇرۇش ئۈچۈن، جىتۇ تېز يوللانمىسى يەكەن ناھىيەسىدە يېڭىدىن قەشقەر ۋىلايىتى جەنۇبىي رايونىدىكى ئايرىپ تارقىتىش مەركىزىنى قۇردى. شۈ چياڭ فوتوسى
مۆلچەرلىنىشىچە، 2025-يىلى شىنجاڭنىڭ پوچتا كەسپى يەنىلا مۇقىم ئېشىش ھالىتىنى ساقلايدىكەن، پوچتا كەسپىنىڭ كىرىمى 10 مىليارد 890 مىليون يۈەن ئورۇندىلىپ، ئېشىش سۈرئىتى %6 ئەتراپىدا بولىدىكەن؛ تېز يەتكۈزۈش كەسىپ مىقدارى، كەسىپ كىرىمى ئايرىم-ئايرىم ھالدا 528 مىليون پارچە، 7 مىليارد 984 مىليون يۈەن ئورۇندىلىپ، ئېشىش سۈرئىتى %15 ۋە %8 ئەتراپىدا بولىدىكەن.
مەزمۇن《网信新疆》دىن تەرجىمە قىلىندى
تەرجىمە قىلىپ تەھرىرلىگۈچى: دىلمۇرات دىلشات
ھەمبەھىرلىنىڭ
تەۋسىيەلەر
ئىمتىھانغا ئاز قالغاندا پىسخىك ھالىتىنى قانداق تەڭشىشى كېرەك
ئايروپىلان بېلىتىنىڭ يېقىلغۇماي قوشۇمچە ھەققى يەنە تۆۋەنلىتىلىدۇ
