مايتاغ-كۇچا يۇقىرى سۈرئەتلىك يول قۇرۇلۇشىدا بۇ يىل ئىش باشلىنىدۇ
1-ئاينىڭ 19-كۈنى چۈشتىن بۇرۇن، شىنجاڭ ئۇيغۇر ئاپتونوم رايونلۇق 14-نۆۋەتلىك خەلق قۇرۇلتىيى 3-يىغىنى شىنجاڭ خەلق سارىيىدا ئېچىلدى. ئاپتونوم رايوننىڭ رەئىسى ئەركىن تۇنىياز ئاپتونوم رايونلۇق خەلق ھۆكۈمىتىگە ۋاكالىتەن يىغىنغا ھۆكۈمەت خىزمىتىدىن دوكلات بەردى.
1-ئاينىڭ 19-كۈنى، شىنجاڭ ئۇيغۇر ئاپتونوم رايونلۇق 14-نۆۋەتلىك خەلق قۇرۇلتىيى 3-يىغىنى شىنجاڭ خەلق سارىيىدا ئېچىلدى.
دوكلاتتا مۇنداق دېيىلدى: بۇ يىل شىنجاڭ «ئون تور»نى يېتەكچى قىلغان چوڭ-چوڭ ئۇل ئەسلىھە قۇرۇلۇشلىرىنى پۈتۈن كۈچ بىلەن ئالغا سىلجىتىپ، «شىنجاڭنىڭ توكىنى سىرتقا يەتكۈزۈش» 3-يولى، G0711 لىنىيەسى ئۈرۈمچى-لوپنۇر يۇقىرى سۈرئەتلىك يولى قاتارلىق بىر تۈركۈم چوڭ-چوڭ تۈرلەرنىڭ پۈتۈپ ئىشقا كىرىشتۈرۈلۈشىگە تۈرتكە بولىدۇ. «شىنجاڭنىڭ توكىنى سىرتقا يەتكۈزۈش» 4-يولى، لوپنۇر-چاقىلىق تۆمۈريولى، جياڭجۈنمياۋ-نوم تۆمۈريولى 2-لىنىيەسى، تارباغاتاي 660000 × 2 كىلوۋاتلىق كۆمۈر بىلەن ئېلېكتىرنى بىر گەۋدىلەشتۈرۈش تۈرى قاتارلىق بىر تۈركۈم چوڭ-چوڭ تۈرلەرنى قۇرۇش تېزلىتىلىدۇ. نوم- ۋۇتۇڭشۇي تۆمۈريولى، غۇلجا-ئاقسۇ تۆمۈريولى، لىنخې-قومۇل تۆمۈريولىنىڭ ئىقتىدارىنى كېڭەيتىپ، ئۆزگەرتىش، G3033 لىنيەسى كۇيتۈن-مايتاغ-كۇچا يۇقىرى سۈرئەتلىك يولى(مايتاغ-كۇچا يۇقىرى سۈرئەتلىك يولى)، چياۋنو سۇ ئامبىرى، غۇلجا ئايرودۇرۇمىنى كۆچۈرۈش قۇرۇلۇشى، كورلا ئايرودۇرۇمىنى ئۆزگەرتىپ، كېڭەيتىش قۇرۇلۇشى قاتارلىق تۈرلەردە ئىش باشلىنىدۇ.
مەنبە: تىيانشان تورى
·تەۋسىيە·
ئاپتونوم رايونلۇق پارتىيە كومىتېتى دائىمىي كومىتېتى يىغىن ئاچتى
يەر تەۋرەش توغرىسىدا پىتنە-ئىغۋا تارقاتقانلار بىرتەرەپ قىلىندى
نى بېسىپ كۆرۈڭ«阅读原文» ئاستىدىكى
