ཉེ་ཆར་འཛད་སྤྱོད་པ་མང་པོ་ཞིག་གིས་སྤྱི་ཚོགས་འབྲེལ་བའི་སྨྱན་སྦྱོར་ཐོག་（简爱酸奶）ཅན་ཨའེ་ཞོ་འཐུང་ན་མིད་པ་ཚ་བ་དང་ཁྱུར་མིད་པར་གཏོང་དཀའ་བ། དུག་སེལ་སྨན་ཆུའི་དྲི་མ་ཁ་བ་སོགས་ཀྱི་གནས་ཚུལ་ཐོན་ནས། བཟས་རྗེས་ཕོ་བར་ཚ་ཤུར་རྒྱག་པ་དང་རུལ་བའི་ཚོར་བ་བྱུང་བ་མ་ཟད། ཐ་ན་སྐྱུག་པ་ཤོར་བའི་སྣང་ཚུལ་ཡང་ཐོན་གྱི་ཡོད་ཚུལ་བརྗོད་ཡོད།
སྤྱི་ཚོགས་འབྲེལ་བའི་སྨྱན་སྦྱོར་ཐོག་ཅན་ཨའེ་ཞོ་ལ་ཐེར་འདོན་བྱེད་པའི་ཡིག་གེ་འབོར་ཆེན་སྤེལ་བ།
ཟླ་8ཚེས་21ཉིན། ཅན་ཨའེ་ཞོ་ཡི་ཁོངས་གཏོགས་ཀུང་སི་ཕེའོ་ཁྲེང་དཀར་ཆུ་(ཚོགས་པ་)ཚད་ཡོད་ཀུང་སིས་(གཤམ་དུ་ཕེའོ་ཁྲེང་དཀར་ཆུ་ཞེས་བསྡུ་རྒྱུ་)གསལ་བསྒྲགས་སྤེལ་ནས་འབྲེལ་ཡོད་ཐོན་རྫས་ཚུར་བསྡུ་བྱ་རྒྱུ་ཡིན་ཞེས་འཁོད་ཡོད། ཕེའོ་ཁྲེང་དཀར་ཆུའི་ལས་རིགས་ནས་འཛད་སྤྱོད་པས་ཐོན་རྫས་ལ་ཚུར་ལན་བྱས་པ་ཤེས་རྗེས། འཕྲལ་དུ་འབྲེལ་ཡོད་བཟོ་གྲྭ་དང་མཁོ་སྤྲོད་ཚོང་པ་དང་ཕྱོགས་ཡོངས་ནས་གྲལ་བཤེར་སྤེལ་ཡོད། རྒྱལ་ཁབ་ཀྱི་ཚད་གཞི་ལྟར་ཐོན་རྫས་ཚང་མར་ཞིབ་དཔྱད་ཚད་ལེན་བྱས་པའི་མཇུག་འབྲས་ལས་མངོན་པར་གཞིགས་ན་རྒྱུན་ལྡན་མིན་པའི་གནས་ཚུལ་གང་ཡང་མེད་པ་རེད།
མིག་སྔར། ཕེའོ་ཁྲེང་དཀར་ཆུའི་ལས་རིགས་ཀྱིས། བུ་རམ་མེད་པའི་ཕོར་གཟུགས་ཁེ་135ཅན་ཁྲོད་དུ་ཨང་རྟགས་A20240805DG03དང་A20240809DG29 A20240810DG25 A20240805DH33 A20240806DH16 A20240809DH13བཅས་དང་འབྲེལ་བ་ཡོད་པའི་ཐོན་རྫས་ཁག་དྲུག་ཚུར་བསྡུ་ཕྱིར་སློག་གི་ཐག་གཅོད་བྱས་པ་མ་ཟད། འཛད་སྤྱོད་པར་གལ་སྲིད་ཉོས་ཟིན་པའི་ཐོན་རྫས་ཀྱི་བྲོ་བ་ཞིམ་པོ་མེད་ཚེ་གཞུང་ཕྱོགས་འཛད་སྤྱོད་ཞབས་ཞུའི་ཐབས་ལམ་བརྒྱུད་ཚོང་ཟོག་ཕྱིར་སློག་ཆོག་པའི་ཁས་ལེན་བྱས་པ་རེད།
