ཉེ་ཆར། སྐད་འཕྲིན་གཞུང་ཕྱོགས་ནས་སྐད་འཕྲིན་གྱི་གྲོགས་ཚོམས་སུ་འགུལ་རྣམ་འདྲ་པར་སྤེལ་ཆོག་ཅེས་སྤེལ་འདུག
ཞིབ་ཕྲའི་བཀོལ་སྤྱོད་བྱེད་སྟངས་གཤམ་གསལ་ལྟར་ཏེ།
གྲོགས་ཚོམས་ཀྱི་ཁ་ཕྱེ་རྗེས་ལག་ཐོགས་ཁ་པར་གྱི་འདྲ་པར་ཉར་ས་ནས་འགུལ་རྣམ་འདྲ་པར་བདམས་ནས་སྤེལ་ཆོག་ཅིང་། འགུལ་རྣམ་གཟུགས་བརྙན་དང་སྐད་སྒྲ་གཉིས་ཀ་སྤེལ་ཆོག་གི་འདུག གྲོགས་ཚོམས་སུ་འདྲ་པར་སྤེལ་སྐབས་འགུལ་རྣམ་གྱི་རྣམ་པ་མི་སྤེལ་ཡང་ཆོག་ལ། འཇགས་རྣམ་འདྲ་པར་དང་འགུལ་རྣམ་འདྲ་པར་མཉམ་བསྲེས་ངང་སྤེལ་ཡང་ཆོག་གི་འདུག
ཤེས་རྟོགས་བྱུང་བར་གཞིགས་ན། མིག་སྔར། བྱེད་ནུས་དེ་iOS 8.0.51དང་། དེ་ཡན་གྱི་པར་གཞིར་རིམ་བཞིན་སྤྱོད་ཐུབ་ཀྱི་ཡོད་པས། པར་གཞི་གསར་སྒྱུར་བྱས་རྗེས་བེད་སྤྱོད་གཏོང་ཆོག་གི་འདུག
དྲ་གྲོགས་ཀྱིས་ཨན་ཀྲོ་ལག་ཐོགས་ཁ་པར་ཐོག་བྱེད་ནུས་འདི་ག་དུས་བཀོལ་སྤྱོད་བྱེད་ཐུབ་བམ་ཞེས་དྲིས་པར། སྐད་འཕྲིན་གཞུང་ཕྱོགས་ཀྱིས་ད་དུང་ཏོག་ཙམ་སྒུག་རོགས་ཞེས་ལན་བཏབ་འདུག
