2024ལོའི་ཟླ10པའི་ཚེས30ཉིན་ཝུའུ་ཁེ་ལན་རྒྱལ་སྲུང་དམག་འཁྲུག་བྱས་ནས་ཉིན 979ཟིན་ཡོད།  ཝུའུ་ཁེ་ལན་གྱི་སྤྱི་ཁྱབ་དྲག་ཇུས་པུའུ་ཡིས་གསར་བསྒྲགས་བྱས་པ་ལྟར་ན། ཨུ་རུ་སུའི་དམག་མི་རིང་རྩིས་བྱས་ན་ཤི་རྒྱུ་མི་ཁྲི 69.36 ལས་བརྒལ་ཡོད་པ་དང་ འདས་ཟིན་པའི་ཉིན་གཅིག་ནང་ལ་ཨུ་རུ་སུའི་དམག་མི1560ཤི་ཡོད། 

གཞན་ཡང་ ཝུའུ་ཁི་ལན་པས་ད་དུང་དགྲ་ཕྱོགས་ཀྱི་ ཐན་ཁེ་8དང་། ཁྲབ་ལྡན་དམག་འཐབ་རླངས་འཁོར་29 མེ་སྒྱོགས་38 མི་མེད་གནམ་གྲུ་40  སྐྱེལ་འདྲེན་ཁ་གསབ་རླངས་འཁོར་།91 ཁ་གསབ་བྱེད་པའི་སྒྲིག་ཆས་དམིགས་བསལ་ཅན་1 བཅས་རྩ་གཏོར་བཏང་བ་རེད།

ཆ་འཕྲིན་ཁུངས་མང་པོ་ཞིག་གི་ཁྱབ་བསྒྲགས་བྱས་པའི་དཔྱད་གཞི་ལས་ ཨུ་རུ་སུའི་དམག་དཔུང་ལ་པོ་ཁེ་ལུའོ་ཕུའུ་སི་ཁེ་ཕྱོགས་སུ་གྱོང་གུན་ཚབས་ཆེན་ཕོག་པ་ར་སྤྲོད་བྱུང་ཡོད། བརྙན་ལམ་ཐོག་ནས་ཨུ་རུ་སུའི་རྐང་དམག་བླུགས་པའི་་བྱེ་ཐང་བྱེས་འགྲོལ་གྱི་ ས་དབྱིབས་རླངས་འཁོར་ཞིག་ ཡུག་རེན་གྱི་རྒྱལ་སྲུང་དམག་གིས་པོ་ཁེ་ལུའོ་ཕུའུ་སི་ཁེ་ཕྱོགས་སུ་ ས་འོག་སྦས་ཡོད་པའི་ཐན་ཁེར་ངོ་རྒོལ་བྱེད་པའི་ས་འོག་འབར་མདེལ་དང་ཐུག་ནས་ འབར་གས་བྱུང་བ་མངོན་ཡོད།  རླངས་འཁོར་ཐོག་གི་ཨུ་རུ་སུའི་དམག་མི་6རང་སར་རྐྱེན་ལམ་དུ་ཤོར་བ་རེད། འོན་ཏེ་དེ་དག་ཚང་མ་ཡུག་རེན་གྱི་མི་མེད་མྱུལ་ཞིབ་གནམ་གྲུའི་ལྟ་ཞིབ་ཚོད་འཛིན་ཁྲོད་ཐོན་པ་དང་ བསམ་ཡུལ་ལས་འདས་པ་ཞིག་ནི་གསང་འཕྲིན་ཐད་ཀྱི་ལེགས་ཆར་བརྟེན་ནས་ཡུག་རེན་གྱི་རྒྱལ་དམངས་ཉེན་སྲུང་ལུའེ་14པ༙འི་སྲུང་སྐྱོབ་པ་4ལ་བརྟེན་ནས་རང་དམག་གི་དམག་ཤུགས་ལས་ལྡབ་ཁ་ཤས་ཀྱིས་མང་བའི་ཚུར་རྒོལ་ཕྱིར་བཟློགས་པ་དེ་རེད། དེ་མིན་ཨུ་རུ་སུའི་དམག་དཔུང་གིས་ཁུའུ་ལ་ཧུའོ་ཧྥུའི་ཤར་རྒྱུད་དུ་ཚུར་རྒོལ་བྱས་པ་དེའང་ཕམ་ཉེས་ཚབས་ཆེན་བྱུང་བ་རེད། 

ཡུག་རེན་ཕྱོགས་ཀྱི་གསང་འཕྲིན་ནང་ ཁྲའོ་ཞན་གྱི་དམག་མི་རྣམས་ཡུག་རེན་གྱི་མཐའ་མཚམས་དབར་སྤྱི་ལེ་50ལས་མེད་ཅེས་འཁོད་ཡོད་པ་རེད། མིག་སྔར་ཁྲའོ་ཞན་གྱི་དམག་མི་3000ཡུག་རེན་གྱི་མཐའ་མཚམས་དང་བར་ཐག་སྤྱི་ལེ་50ཙམ་ཡོད་པའི་དམག་སྒར་དུ་བཀོད་སྒྲིག་བྱས་ནས་ཨུ་རུ་སུའི་བཀོད་འདོམས་པུའི་སྔར་བས་དམག་འཐབ་བྱ་རྒྱུའི་བཀའ་བསྒུགས་ནས་བསྡད་ཡོད་པ་རེད། ཡུག་རེན་གྱི་གསང་འཕྲིན་དཔོན་རིགས་ཀྱིས་ཁྲའོ་ཞན་གྱི་དམག་མི་དེ་དག་གི་དམག་འཐབ་ནུས་པར་དོགས་འདྲི་བྱས་ནས་ཁོང་ཚོ་མང་ཆེ་བ་ནི་ཉམས་མྱོང་མེད་པའི་དམའ་རིམ་རྐང་དམག་རེད་ཅེས་བཤད་ཡོད་པ་རེད། མི་༣༠༠༠ནང་གི་མི་བརྒྱ་ལྷག་ནི་ཆེད་ལས་དམག་ཡིན་པ་དང་།གཞན་ཚང་མ་ནི་རྒྱུན་ལྡན་གྱི་དམག་དཔུང་ཡིན།

ཡུག་རེན་གྱི་ཙུང་ཐུང་ཙེ་ལན་སི་ཅི་ཡིས་ སུའེ་ཏེན་གྱི་དབུ་བཞུགས་བློན་ཆེན་ ཁེ་ལི་སི་ཐེ་སུང་དང་ ཐུག་འཕྲད་བྱས་པ་དང་རྒྱལ་ཁའི་འཆར་གཞི་ནི་གྲོས་དོན་གཙོ་བོའི་གྲས་ཤིག་ཏུ་གྱུར་ཡོད། གནས་ཚུལ་སྤེལ་བར་གཞིགས་ན། ཕྱོགས་གཉིས་པོས་ཡུག་རེན་བྱང་ཆིངས་ནང་ཞུགས་རྒྱུའི་གདན་ཞུ་བྱེད་པ་དང་འབྲེལ་ ཁོང་ཚོས་རྒྱང་རིང་མཚོན་ཆ་སྤྱད་དེ་ཨུ་རུ་སུའི་དམིགས་ཚད་ལ་རྡུང་རྡེག་གཏོང་ཆོག་པའི་གལ་ཆེའི་རང་བཞིན་ལ་གྲོས་བསྡུར་བྱས་པ་རེད་ ཙེ་ལན་སི་ཅི་ཡིས་ སུའེ་ཏེན་གྱིས་ ཡུག་རེན་ལ་་ཡུན་རིང་བདེ་འཇགས་ལ་རྒྱབ་སྐྱོར་བྱས་པར་ཐུགས་རྗེ་ཆེ་ཞུས་པ་དང་འབྲེལ་ཡུག་རེན་གྱི་མཁའ་ཐོག་གི་འགོག་སྲུང་ལ་ཤུགས་སྣོན་རྒྱག་རྒྱུའི་ཐད་འཕེལ་རྒྱས་གསར་པ་ཡོང་རྒྱུའི་རེ་སྒུག་ཀྱང་བྱས་པ་རེད།

ཡོ་རོབ་བསྐྱར་དར་གསར་སྤེལ་དངུལ་ཁང་གིས་དངུལ་བཏང་ནས་ཡུག་རེན་ལ་སྒུལ་ཤུགས་གཉིས་ལྡན་གྱི་གློག་ཤུགས་མེ་འཁོར་གྱི་རླངས་འཁོར་རུ་ཁག་གསར་བརྗེས་བྱ་རྒྱུ་དང་ སྔོན་དཔག་བྱས་ན་གློག་ཤུགས་མེ་འཁོར་50ཉོ་རྒྱུ་ཡིན་པ་རེད། ཡུག་རེན་སྡེ་ཁུལ་དང་མངའ་ཁོངས་འཕེལ་རྒྱས་པུའི་པུའུ་ཀྲང་གཞོན་པ ་ཐེ་ཁ་ཆིན་ཁོ་ཡིས་ མིག་སྔར་ཡོ་རོབ་བསྐྱར་དར་གསར་སྤེལ་དངུལ་ཁང་གིས་དངུལ་བུན་ཡོ་སྒོར་དུང་ཕྱུར་3བཏང་ནས་གློག་ཤུགས་མེ་འཁོར་ཨ་མ་50ཉོ་རྩིས་ཡོད་ཅེས་ནན་བཤད་བྱས་པ་རེད། དེ་དང་ཆབས་ཅིག་འཛམ་གླིང་དངུལ་ཁང་གི་རོགས་སྐྱོར་ལས་ཡུག་རེན་གྱིས་སླར་ཡང་གློག་ཤུགས་མེ་འཁོར་ཨ་མ་30ཉོ་སྲིད་པ་དེའི་རིན་ཐང་བསྡོམས་འབོར་ཨ་སྒོར་དུང་ཕྱུར་1.9ཟིན་རྒྱུ་རེད། 

 ནས་ཟླ་10ཚེས་28ཉིན་བར་གྱི་ཆ་སྙོམས་དམངས་འདོད་བརྟག་དཔྱད་ལས་མངོན་པར།ཐེ་རོན་ཕུས་ཧ་ལི་སི་ལ་བརྒྱ་ཆའི་གྲངས་0.2ཀྱི་ཉམས་ཞན་ལྡན་ཡོད། མི་གཉིས་ཀྱིས་རྒྱབ་སྐྱོར་བྱེད་ཚད་48.6%དང་48.4%སོ་སོར་ཟིན་ཡོད་པ་རེད། ཟླ10པའི་