རྒྱ་ཆེའི་མདོ་དབུས་ཁམས་གསུམ་དང་རྒྱལ་ཕྱི་ནང་གི་རིགས་གཅིག་སྤུན་རྣམས་པ་ལགས་ ངེད་ཨ་ལ་ཡེ་འཕྲིན་སྟེགས་འདིའི་ནང་དུ་བཀའ་ཆོས་དང་སློབ་གསོ་ལོ་རྒྱུས་གླུ་གཞས་གསར་རྙིང་ཁ་པར་དང་མཉེན་ཆས་བརྙན་འཕྲིན་གསར་རྙིང་སོགས་ངོ་སྤྲོད་གང་མང་ཞིག་ཉིན་རེ་བཞིན་སྤེལ་གཞིན་ཡོད་པས་ཚང་མས་དོ་ཁུར་དང་བརྒྱུད་སྐུར་གང་མང་གནང་རོགས་མི།།

ཡུག་རེན་མཁའ་དམག་གིས་ཁྱབ་བསྒྲགས་བྱས་པར་གཞིགས་ན། ཟླ་11ཚེས་24ཉིན་གྱི་ཐོ་རེངས་སུ་ཨུ་རུ་སུའི་དམག་དཔུང་གིས་ཡུག་རེན་གྱི་ས་ཁོངས་སུ་ཧྲ་ཧོ་ཏེའི་མི་མེད་གནམ་གྲུ་73འཕངས་པ་དང་། ཡུག་རེན་དམག་དཔུང་གི་མཁའ་ཟོན་དཔུང་སྡེས་ ཅི་ཕུའུ་དང་། ཆེའར་ཁ་སེ། ཅི་ལོ་ཨོ་ལ་ཏེ། ཆེའར་ཉི་ཀེ་ཧྥུའུ། སུའུ་མེ། པོའར་ཐ་ཝ། རི་ཐོ་སྨིའར་བཅས་ས་ཁུལ་གྱི་མཁའ་དབྱིངས་སུ་གནམ་གྲུ་50གཏོར་བ་དང་ གློག་རྡུལ་དམག་འཐབ་མ་ལག་མི་མེད་གནམ་གྲུ19ས་ལ་ཕབ་པ་རེད།

ཨུ་རུ་སུའི་རྒྱལ་སྲུང་པུས་ཡོངས་བསྒྲགས་བྱས་པར་གཞིགས་ན། ཟླ་11ཚེས་24ཉིན་གྱི་ཐོ་རེངས་སུ་ཨུ་རུ་སུའི་མཁའ་ཟོན་དཔུང་སྡེས་ ཡུག་རེན་གྱི་མི་མེད་གནམ་གྲུ་ཁྱོན་34གཏོར་སྐྱོན་གཏང་ཡོད་པ་དང་ ཁུའར་སི་ཁེ་ཀྲོའུ་ཡི་མཁའ་དབྱིངས་སུ་མི་མེད་གནམ་གྲུ་27གཏོར་སྐྱོན་གཏང་བ་དང་། ལི་ཕེ་ཚེ་ཁེ་ཀྲོའུ་ཡི་མཁའ་དབྱིངས་སུ་མི་མེད་གནམ་གྲུ་4བཀག་པ། པེའར་ཀོ་ལུའོ་ཏེ་ཀྲོའུ་ཡི་མཁའ་དབྱིངས་སུ་མི་མེད་གནམ་གྲུ་2གཏོར་སྐྱོན་གཏང་བ་དང་ ཨའོ་ལེའོ་འར་ཀྲོའུ་ཡི་མཁའ་དབྱིངས་སུ་གནམ་གྲུ་1གཏོར་བ་བཅས་རེད།

ཡུག་རན་དྲག་དཔུང་གི་སྤྱི་ཁྱབ་ཚན་མོའུ་པུའུ་ཡིས་དམག་འཐབ་གནས་ཚུལ་གྱི་ཆ་འཕྲིན་ཁྱབ་བསྒྲགས་བྱས་ནས་ ཉིན་དེར་གཡུལ་སའི་ས་ཁུལ་དུ་དམག་འཐབ་ཐེངས་122བརྒྱབ་ཀྱང་ གཡུལ་སའི་དུས་བབ་སྔར་བཞིན་ཛ་དྲག་པོ་ཡོད་པ་དང་ ལྷག་པར་དུ་ཁུའུ་ལ་ཧུའོ་ཝོ་དང་ པོ་ཁེ་ལོ་ཧྥུ་སི་ཁེའི་ཕྱོགས་སུ་ ཛ་དྲག་ཆེ་ཤོས་ཡོད་པས་ཡུ་རན་གིས་བྱེད་ཐབས་ཡོད་ཚད་སྤྱད་དེ་ ཨུ་རུ་སུའི་དམག་དཔུང་འགག་སྒོ་སྒྲོལ་མི་ཡོང་བ་བྱས་ཡོད་ཅེས་བཤད་པ་རེད། དེ་ལས་གཞན་པ་ལ། ཁུའུ་ཨེར་སི་ཁུ་ས་ཁུལ་གྱི་འགུལ་སྐྱོད་ནི་སྔར་བཞིན་མུ་མཐུད་དུ་བྱེད་གྱིན་ཡོད།

ཟླ་11ཚེས་22ཉིན་སྨྱན་སྦྱོར་གྱིས་གནས་ཚུལ་སྤེལ་ནས་ ཨུ་རུ་སུའི་འཕུར་མདེལ་གསར་པས་འཇབ་རྒོལ་བྱས་རྗེས་ཡུག་རེན་གྱིས་ཨ་རིར་ལ་ ས་ཏེ་མཁའ་ཟོན་མ་ལག་རོགས་སྐྱོར་བྱ་རྒྱ་དང་ དེ་སྔོན་ཡོད་པའི་རྒྱལ་གཅེས་མཁའ་ཟོན་མ་ལག་རིམ་སྤར་བྱ་དགོས་པའི་རེ་བ་གཏོན་གྱི་ཡོད་པ་རེད།

 རྒྱལ་སྤྱིའི་གསར་འགྱུར། 

ཡོ་རོབ་གྲོས་ཚོགས་ཀྱི་ཀྲུའུ་ཞི་ མའེ་སུའོ་ལ་ཡིས་ འཇར་མན་གྱིས་ཡུག་རེན་ལ་ཅིན་ཉིའུ་ཙོ་རྟགས་ཅན་གྱི་སྐོར་ཞིབ་འཕུར་མདེལ་ནང་བཤུག་གཏོང་བར་ཡོངས་བསྒྲགས་ངང་རྒྱབ་སྐྱོར་བྱ་རྒྱུ་ཡིན་པ། མའེ་སུའོ་ལ་ཡིས་ འཇར་མན་སྨྱན་སྦྱོར་གྱི་བཅར་འདྲི་དང་ལེན་བྱེད་སྐབས་ ཨུ་རུ་སུས་ཡུག་རེན་ལ་ཚུར་རྒོལ་བྱེད་ཤུགས་ཉིན་བཞིན་ཆེ་རུ་འགྲོ་བའི་མདུན་དུ་ ཡུག་རེན་ལ་འཇར་མན་གྱི་ཅིན་ཉིའུ་ཙའོ་འཕུར་མདེལ་གྱི་རོགས་སྐྱོར་དགོས་གལ་ཤིན་ཏུ་ཆེ་བ་དང་འབྲེལ་ ཡོ་རོབ་གྲོས་ཚོགས་ཀྱི་གྲོས་མི་མང་ཆེ་བས་ལངས་ཕྱོགས་དེར་ལ་རྒྱབ་སྐྱོར་བྱ་རྒྱུའི་ནན་བཤད་བྱེད་ཀྱི་ཡོད་ཅེས་བརྗོད་པ་རེད། ཁོང་གིས་འཇར་མན་གྱིས་གནད་དོན་དེའི་ཐད་འཛིན་པའི་རྣམ་འགྱུར་རྒྱལ་ཕྲན་མཉམ་འབྲེལ་གྱི་གྲོས་ཚོགས་འདེམས་བསྐོ་བྱས་རྗེས་འགྱུར་ལྡོག་ཕྲན་བུ་ཡོང་སྲིད།

དབྱིན་ཇིའི་ཕྱི་འབྲེལ་བློན་ཆེན་ ལ་སྨི་དང་ ཧྥ་རན་སེའི་ཕྱི་འབྲེལ་བློན་ཆེན་ པ་ལུའོ་ཐེས་ གོ་ལ་ཧྲིལ་པོའི་གཉིས་གིས ཕུའུ་ཅིང་ཅན་གྱི་འཇིགས་སྐུལ་ལ་སེམས་ཁྲལ་བྱེད་ལུགས་ཐུན་མོང་ཐོག་བཤད་པ་རེད། ཁོང་ཚོས་ཕུའུ་ཅིང་གིས་ཡུག་རེན་ལ་བསླངས་པའི་ཁྲིམས་འགལ་དམག་འཁྲུག་གིས་ཡོ་རོབ་ཀྱི་བདེ་འཇགས་ལ་ཉེན་ཁ་བཟོ་བ་མ་ཟད། ད་དུང་གོ་ལ་ཧྲིལ་པོའི་བརྟན་ལྷིང་ལ་འཇིགས་སྐུལ་བཟོས་ཡོད། ཁོང་ཚོས་ཨུ་རུ་སུས་རྒྱལ་སྤྱིའི་བཅའ་ཁྲིམས་ལས་འགལ་བར་རྒོལ་གཏམ་བཏང་བ་དང་ ཕུའུ་ཅིང་གིས་རྒྱལ་སྤྱིའི་སྒྲིག་སྲོལ་ལ་འགྱུར་བ་གཏོང་རྩིས་བྱས་ཚེ་ གོ་ལ་ཧྲིལ་པོའི་ཁྱབ་ཁོངས་སུ་བརྟན་ལྷིང་མེད་པའི་གནས་ཚུལ་ཐོན་སྲིད་ཅེས་ནན་བཤད་བྱས་པ་རེད། ཁོང་ཚོས་བློ་བརྟན་འགྱུར་མེད་ཀྱི་སྒོ་ནས་རྒྱལ་སྤྱིའི་སྒྲིག་ལམ་དང་ ཁྲིམས་སྐྱོང་སྲུང་སྐྱོང་ཧུར་ཐག་བྱེད་རྒྱུ་ཁས་ལེན་བྱས་ཡོད་ཅེས་གསུངས་པ་རེད།

ཨ་རིས་ཡུག་རེན་དང་གྲོས་མཐུན་བཞག་ནས་རྒྱང་ཁྲིད་JASSMསྐོར་གཡེང་འཕུར་མདེལ་མཁོ་འདོན་བྱ་རྒྱུ་ཡིན་མོད། འོན་ཀྱང་ཡུ་རན་ནས་ཨ་རིས་ལག་རྩལ་གྱི་གནད་དོན་ཐག་གཅོད་བྱས་རྗེས་གཞི་ནས་རྩིས་སྤྲད་ཆོག་གི་ཡོད་པ་རེད། གནས་ཚུལ་སྤེལ་བར་གཞིགས་ན། བྱེད་ཐབས་དེས་གདོང་ཐུག་གི་རྣམ་པར་འགྱུར་ལྡོག་མངོན་གསལ་དོད་པོ་འགྲོ་སྲིད། གང་ལགས་ཤེ་ན།JASSMའཕུར་མདེལ་འཕེན་ཐག་ཨུ་རུ་སུའི་མངའ་ཁོངས་ས་ཆ་མང་ཆེ་བར་ཁྱབ་ཐུབ་པས་རེད། དབྱེ་ཞིབ་མཁན་བཤད་པ་JASSMའཕུར་མདེལ་གྱིས་བར་ཐག་སྤྱི་ལེ་300ཡོད་པའི་དམིགས་ཚད་ལ་རྡུང་རྡེག་གཏོང་ཐུབ་པ་དང་ ཨུ་རུ་སུའི་ཕར་རྒོལ་ནུས་པ་ཧ་ཅང་ཞན་དུ་གཏོང་ཐུབ་ཅེས་བཤད་པ་རེད། མིག་སྔར།JASSMནི་ཨ་རིའི་དམག་འཐབ་གནམ་གྲུ་ཁོ་ན་ཡིན་མོད། འོན་ཀྱང་ཡུག་རེན་གྱིས་F-16རྟགས་ཅན་གྱི་དམག་འཐབ་གནམ་གྲུ་སྤྱད་ནས་འཕུར་མདེལ་འཕེན་ཆོག་གི་ཡོད་པ་རེད།