རྒྱ་ཆེའི་མདོ་དབུས་ཁམས་གསུམ་དང་རྒྱལ་ཕྱི་ནང་གི་རིགས་གཅིག་སྤུན་རྣམས་པ་ལགས་ ངེད་ཨ་ལ་ཡེ་འཕྲིན་སྟེགས་འདིའི་ནང་དུ་བཀའ་ཆོས་དང་སློབ་གསོ་ལོ་རྒྱུས་གླུ་གཞས་གསར་རྙིང་ཁ་པར་དང་མཉེན་ཆས་བརྙན་འཕྲིན་གསར་རྙིང་སོགས་ངོ་སྤྲོད་གང་མང་ཞིག་ཉིན་རེ་བཞིན་སྤེལ་གཞིན་ཡོད་པས་ཚང་མས་དོ་ཁུར་དང་བརྒྱུད་སྐུར་གང་མང་གནང་རོགས་མི།།

ཐེ་རོན་ཕུ་སྲིད་གཞུང་གི་དཔོན་རིགས།

 རྒྱལ་སྤྱིའི་གསར་འགྱུར། 

ཉེ་ཆར་ཡུག་རེན་གྱི་ཙུང་ཐུང་ཙེ་ལན་སི་ཅི་ཡིས་ ཡུག་རེན་ལ་མིག་སྔར་ཨ་རིས་ཁས་ལེན་བྱས་པའི་མཚོན་ཆའི་ཕྱེད་ཀ་ཙམ་ལས་འབྱོར་མེད་ལ་ ཡོ་རོབ་ཀྱི་རོགས་སྐྱོར་ཡང་འདང་གི་མེད། ཙེ་ལན་སི་ཅི་ཡིས་ཡུག་རེན་རླུང་འཕྲིན་ལས་ཁུངས་ཀྱི་བཅར་འདྲི་དང་ལེན་གནང་སྐབས་ ཨ་རིས་གོ་མཚོན་ཐོན་སྐྱེད་བྱེད་ཤུགས་ཆེ་རུ་བཏང་ཡོད་མོད། འོན་ཀྱང་ཡུག་རེན་ལ་སྔོན་དཔག་གི་རོགས་སྐྱོར་རྦད་དེ་ཐོབ་མེད་ཅེས་ནན་བཤད་གནང་བ་རེད། ཁོང་གིས་ད་དུང་ཡོ་རོབ་ཀྱི་རོགས་སྐྱོར་ཡང་མི་འདང་བས་སྔོན་དཔག་གི་ཚད་ལ་སླེབས་མེད་ཅེས་བརྗོད་པ་རེད། ཙེ་ལན་སི་ཅི་ཡིས་རོགས་སྐྱོར་གྱི་གྲངས་འབོར་དང་དུས་ཐོག་རང་བཞིན་དེ་ཡུག་རེན་གྱི་དམག་དོན་ནུས་པའི་ངོས་ནས་བརྗོད་ན་གལ་འགངས་ཤིན་ཏུ་ཆེ་བ་ཞིག་ཡིན་པའི་ངོས་འཛིན་བྱེད་ཀྱི་ཡོད།

རི་པིན་གྱི་ཕྱི་འབྲེལ་བློན་ཆེན་ ཡན་ཝུའུ་དབྱིས་ ཉེ་ཆར་འཕྲལ་དུ་ཡུག་རེན་ལ་འཚམས་འདྲི་བྱས་པ་དེ་ཐོག་ནས་རི་པིན་གྱིས་ཡང་ གཡུ་རེན་ལ་རྒྱབ་སྐྱོར་བྱེད་པ་མཚོན་གྱི་ཡོད་པ་རེད། ཡན་ཝུའུ་དབྱི་ ས་ཁོངས་ཀྱི་དཔལ་འབྱོར་ཚོགས་འདུར་ཞུགས་རྗེས་ ཕོ་ལན་ནས་མེ་འཁོར་དུ་བསྡད་དེ་ཡུག་རེན་དུ་འབྱོར་བ་རེད། དེའང་རི་པིན་གྱི་དབུ་བཞུགས་བློན་ཆེན་ ཧྲི་པའོ་མའོ་ཡིས་ ལས་འགན་ཁུར་ཚུན་ རི་པིན་གྱི་ཕྱི་འབྲེལ་བློན་ཆེན་ཡུག་རེན་དུ་འཚམས་འདྲི་བྱེད་ཐེངས་དང་པོ་ཡིན་པ་རེད། གནས་ཚུལ་སྤེལ་བར་གཞིགས་ན། ཡན་ཝུའུ་དབྱིས་ཀྱི་ ཡུག་རེན་གྱི་ཕྱི་འབྲེལ་པུའུ་ཀྲང་ཤིས་པི་ཧ་དང་ཐུག་འཕྲད་བྱ་རྒྱུའི་འཆར་གཞི་ཡོད་པ་དང་འབྲེལ་ ཡུག་རེན་གྱི་ཙུང་ཐུང་ཙེ་ལན་སི་ཅི་དང་གྲོས་མོལ་བྱེད་སྲིད་ཅེས་བཤད་པ་རེད། ད་ཐེངས་ཀྱི་འཚམས་འདྲི་ལས་ རི་པིན་གྱིས་ཡུག་རེན་གྱི་ལངས་ཕྱོགས་ལ་བློ་བརྟན་འགྱུར་མེད་ངང་རྒྱབ་སྐྱོར་བྱེད་པ་མཚོན་ཡོད།

ཡུག་རེན་གྱི་རྒྱལ་སྲུང་པུའུ་ཀྲང་ ཝུའུ་མེ་ལུའོ་ཕུའུ་ཡིས་ ནོར་ཝེའི་གྲོས་ཚོགས་ཀྱི་ཕྱི་འབྲེལ་ལས་དོན་དང་རྒྱལ་སྲུང་ཨུ་ཡོན་ལྷན་ཁང་གི་འཐུས་མི་དང་གྲོས་མོལ་བྱས་ནས་ ཡུག་རེན་བྱང་ཆིངས་ནང་ཞུགས་རྒྱུར་སྐུལ་འདེད་གཏོང་བའི་གོ་རིམ་དང་དེ་བཞིན་ཡུག་རེན་གྱི་རྒྱལ་སྲུང་བཟོ་ལས་ལ་སྔར་བས་རྒྱབ་སྐྱོར་བྱེད་པའི་བྱ་ཐབས་ལ་གྲོས་བསྡུར་བྱས་པ་རེད། ཝུའུ་མའེ་ལུའོ་ཕུའུ་ཡིས་ སྤྱི་ཚོགས་འབྲེལ་བའི་སྨྱན་སྦྱོར་ཐོག་ནོར་ཝེ་སྲིད་གཞུང་དང་མི་དམངས་ཀྱིས་ ཡུག་རེན་ལ་ཁྱོན་ཡོངས་ནས་རྒྱབ་སྐྱོར་དང་ ཙུང་ཐུང་ཙེ་ལན་སི་ཅིར་རྒྱལ་ཁ་ཐོབ་པའི་འཆར་གཞིར་ནུས་ཤུགས་ཡོད་རྒུས་རྒྱབ་སྐྱོར་གནང་བར་ཐུགས་རྗེ་ཆེ་ཞུ་རྒྱུ་ཡིན། ཨུ་མེ་ལུའོ་ཕུའུ་ཡིས་ ད་དུང་ནོར་ཝེས་ཏེན་མག་གི་རྣམ་པར་བསྒྱུར་ནས་ཡུག་རེན་གྱི་རྒྱལ་སྲུང་ཐོན་རྫས་ཉོ་སྒྲུབ་ཐད་མ་དངུལ་གྱི་རྒྱབ་སྐྱོར་བྱ་རྒྱུའི་གཏན་འབེབས་བྱས་ཡོད་ཅེས་ནན་བཤད་བྱས་པ་རེད།

ཨུ་རུ་སུས་ཡུག་རེན་ལ་ཁྱོན་ཡོངས་ནས་བཙན་འཛུལ་བྱས་ཚུན་ ཡུག་རེན་ལ་ཨ་སྒོར་དུང་ཕྱུར་1000ལས་བརྒལ་བའི་ཕྱི་ཕྱོགས་རྒྱལ་ཁབ་རྣམས་ཀྱི་རྒྱབ་སྐྱོར་ཐོབ་ཡོདཔ་རེད། ཡུག་རེན་ནོར་སྲིད་པུའི་ཡི་གྲངས་གཞིར་གཞིགས་ན། 2022ལོར་ཡུག་རེན་ལ་ཨ་སྒོར་དུང་ཕྱུར་311དང་། 2023ལོར་ཨ་སྒོར་དུང་ཕྱུར་425 དང་ 2024ལོ་ནས་ཟླ་11ཚེས་14ཉིན་བར་ཨ་སྒོར་དུང་ཕྱུར་272བཅས་འབྱོར་ཡོད་པ་རེད།  མ་དངུལ་རོགས་སྐྱོར་བྱེད་མཁན་ཆེ་ཤོས་གྲས་སུ་ཡོ་རོབ་མནའ་འབྲེལ་ནས་ ཨ་སྒོར་དུང་ཕྱུར་405ཟིན་པ་དང་། ཨ་རིའི་ནས་ ཨ་སྒོར་དུང་ཕྱུར་282ཟིན་པ་དང་ རྒྱལ་སྤྱིའི་དངུལ་ལོར་ཐེབས་རྩ་རྩ་འཛུགས་ནས་ ཨ་སྒོར་དུང་ཕྱུར་114ཟིན་པ་དང་ རི་པིན་ནས་ ཨ་སྒོར་དུང་ཕྱུར་63་དང་ ཁ་ན་ཏ་ནས་ ཨ་སྒོར་དུང་ཕྱུར་54བཅས་ཚུད་ཡོད་པ་དང་ ཞལ་འདེབས་ཕུལ་མཁན་རྒྱལ་ཁབ་ཆེན་པོ་ལྔ་པོ་དེས་མ་དངུལ་90%ལྷག་ཙམ་ལེགས་སྐྱེས་སུ་ཕུལ་ཡོད།