རྒྱ་ཆེའི་མདོ་དབུས་ཁམས་གསུམ་དང་རྒྱལ་ཕྱི་ནང་གི་རིགས་གཅིག་སྤུན་རྣམས་པ་ལགས་ ངེད་ཨ་ལ་ཡེ་འཕྲིན་སྟེགས་འདིའི་ནང་དུ་བཀའ་ཆོས་དང་སློབ་གསོ་ལོ་རྒྱུས་གླུ་གཞས་གསར་རྙིང་ཁ་པར་དང་མཉེན་ཆས་བརྙན་འཕྲིན་གསར་རྙིང་སོགས་ངོ་སྤྲོད་གང་མང་ཞིག་ཉིན་རེ་བཞིན་སྤེལ་གཞིན་ཡོད་པས་ཚང་མས་དོ་ཁུར་དང་བརྒྱུད་སྐུར་གང་མང་གནང་རོགས་མི།།

2024 ལོའི་ཟླ 10 པའི་ཚེས 18 ཉིན། ཨ་རིའི་ཙུང་ཐུང་པཱ་ཏེང་། ཧྥ་རན་སིའི་ཙུང་ཐུང་མཱ་ཁི་ལུང་། དབྱིན་ཇིའི་དབུ་བཞུགས་བློན་ཆེན་སི་ཐ་མོ་ཏ་པའེ་ལིན་དང་འཇར་མན་གྱི་ཙུང་ལི་ཧོར་ཚིས་སོགས་ དམིགས་བསལ་མཐོ་རིམ་གྲོས་ཚོགས་འཚོགས་ནས་ཝུའུ་ཁི་ལན་དང་དབུས་ཤར་གནད་དོན་ལ་གྲོས་བསྡུར་བྱས་པ་རེད།

ཟླ་10ཚེས་19ཉིན་གྱི་ཐོ་རེངས་སུ་ཨུ་རུ་སུའི་དམག་དཔུང་གིས་ཝུའུ་ཁི་ལན་མངའ་ཁོངས་སུ་གཞི་ཁྱོན་ཆེན་པོའི་མཁའ་རྒོལ་བྱས་པ་དང་། ཝུའུ་ཁི་ལན་གྱི་མཁའ་ཟོན་སྟོབས་ཤུགས་ཅུས་ཀྱི་གནས་ཚུལ་སྤེལ་བ་ལྟར། ཨུ་རུ་སུའི་དམག་དཔུང་གིས་འཕུར་མདའ་6དང་ཧྲ་ཧི་ཏི་མི་མེད་གནམ་གྲུ98བཏང་བ་རེད། ཝུའུ་ཁི་ལན་གྱི་མཁའ་ཟོན་སྟོབས་ཤུགས་ཀྱིས་འཕུར་མདའ་4དང་ མི་མེད་གནམ་གྲུ་42་ལ་འཇབ་རྒོལ་བྱས་པ་དང་དང་ གཞན་ཡང་མི་མེད་གནམ་གྲུ་46ལ་གློག་རྡུལ་མ་ལག་གིས་མནན་རྗེས་རྩ་མེད་དུ་བཏང་བ་རེད་ ཉིན་དེ་ཐོ་རེངས་ཆུ་ཚོད་2པ་ནས་6པའི་བར་རྒྱལ་ས་ཅི་ཕུའུ་ལ་མཁའ་ཟོན་མ་ལག་རྒྱུན་མཐུད་ངང་ལས་ཀ་བྱས་ཏེ་མི་མེད་གནམ་གྲུ་མང་པོ་འཇབ་རྒོལ་གཏང་བ་རེད། གནས་སྐབས་སུ་མི་སྣ་ཤི་རྨས་ཀྱི་ཆ་འཕྲིན་མེད་པ་རེད་འདུག

ས་གནས་དེ་གའི་དུས་ཚོད་ཟླ 10 ཚེས 16 ཉིན་ཨ་རིའི་ཕོ་བྲང་དཀར་པོའི་ནང་གི་་ཨ་རིའི་ཙུང་ཐུང་པའེ་ཏེང་གིས་ཉིན་དེར་ཝུའུ་ཁེ་ལན་གྱི་ཙུང་ཐུང་ཙེ་ཙེ་སི་ཅི་དང་ཁ་པར་བཏང་ནས་ཝུའུ་ཁི་ལན་ལ་རྒྱབ་སྐྱོར་བྱེད་པའི་འབྲེལ་ཡོད་གནད་དོན་ལ་གྲོས་བསྡུར་བྱས་པ་རེད།  དེ་བཞིན་པའེ་ཏེང་ཨ་རིས་ཙུང་ཐུང་གིས་འགན་ཁུར་ཡུན་དུས་ཚོད་ཐུང་ཐུང་མ་གཏོགས་མེས་པས་དེ་ཡི་ནང་དུ་ ཝུའུ་ཁི་ལན་གྱི་བདེ་འཇགས་རོགས་སྐྱོར་ཇེ་མང་དུ་གཏོང་བར་འབད་བརྩོན་བྱེད་རྒྱུ་ཡིན་ཟེར།

གསལ་བསྒྲགས་བྱས་ལྟར་ན། པའེ་ཏེང་གིས་ཉིན་དེར་ཨ་རིའི་སྒོར་མོ་དུང་ཕྱུར 4 . 25 ཡི་ཝུའུ་ཁི་ལན་གྱི་བདེ་འཇགས་རོགས་སྐྱོར་བྱེད་རྒྱུ་འཆར་གཞིའི་ཡོད་པ་རེད་འདུག་ལ་ དེ་ཡི་ནང་དུ་ཚད་ལས་བརྒལ་བའི་མཁའ་ཟོན་ནུས་པ་དང་། ས་སྟོང་གི་རྫས་མདེལ། ཁྲབ་ལྡན་འཁོར་ལོ་དང་འགག་རྩའི་རྫས་མདེལ་ ཝུའུ་ཁི་ལན་གྱི་ཛ་དྲག་ཆེ་བའི་དགོས་མཁོ་སྐོང་ཆེད། མ་འོངས་པའི་ཟླ་འགའི་ནང་ཨ་རིས་ཝུའུ་ཁི་ལན་ལ་མཁའ་ཟོན་ཡོ་བྱད་བརྒྱ་ལྷག་འདོན་སྤྲོད་བྱ་རྒྱུ་དང་། ཚད་ལས་བརྒལ་བའི་མེ་སྒྱོགས་མ་ལག་དང་། རྫས་མདེལ་འབོར་ཆེན་དང་། ཁྲབ་ལྡན་སྐྱེལ་འདྲེན་རླངས་འཁོར་བརྒྱ་ཕྲག་ཁ་ཤས་དང་ རྐང་དམག་གི་དམག་འཐབ་རླངས་འཁོར་དང་དེ་བཞིན་ཚད་ལས་བརྒལ་གྱི་ཁྲབ་ལྡན་འཁོར་ལོ་ཁ་ཤས་སོགས་ཀྱི་རོགས་སྐྱོར་རབ་དང་རིམ་པ་བྱེད་རྒྱུ་རེད་འདུག

གསར་བསྒྲགས་བྱས་པ་ལྟར་ན། ཨ་རིའི་ཙུང་ཐུང་པའེ་ཏིན་གྱིས་རྒྱལ་སྤྱིའི་མཉམ་ལས་གྲོགས་པོ་རྣམས་ལ་འབོད་སྐུལ་བཏང་། ཝུའུ་ཁི་ལན་ལ་རྒྱང་ཁྲིད་ཀྱི་མཚོན་ཆར་འདོད་སྤྲོད་བྱེད་རྒྱུ་ཐུན་མོང་གི་བློ་མཐུན་བྱུང་མེད་རུང་། མི་འགྱངས་པར་སླེབས་ལ་ཉེ་བའི་དགུན་ཁར་རུ་མུ་མཐུད་དུ་ཝུའུ་ཁི་ལན་ལ་རྒྱབ་སྐྱོར་བྱེད་དགོས་བཤད་པ་རེད།  པའེ་ཏིན་གྱིས་འཇར་མན་ལ་འཚམས་འདྲི་བྱེད་པའི་སྐབས་སུ་བསྟན་དོན་ ཝུའུ་ཁི་ལན་གྱི་མདུན་དུ་དཀའ་ཚེགས་ཆེ་བའི་དགུན་ཁ་ཞིག་ལྷགས་ཡོད་པར་མ་ཟད། རྒྱལ་སྤྱིའི་སྤྱི་ཚོགས་ཀྱིས་ངེས་པར་དུ་ཝུའུ་ཁི་ལན་ལ་བློ་བརྟན་འགྱུར་མེད་ཀྱིས་རྒྱབ་སྐྱོར་བྱེད་དགོས་པ་ནན་བཤད་བྱས། པའེ་ཏེང་གིས་ཇར་མན་ནས་ཁ་མ་བྲལ་གོང་གསར་འགོད་པ་ལ་བཤད་པར། མིག་སྔར་རྒྱ་སྤྱིའི་མཉམ་ལས་གྲོགས་པོ་རྣམ་ནས་  ད་དུང་ཝུའུ་ཁི་ལན་ལ་རྒྱང་རིང་གི་མཚོན་ཆ་འདོན་སྤྲོད་བྱས་ནས་ཨུ་རུ་སུའི་མངའ་ཁོངས་ཀྱི་དམིགས་འབེན་ལ་རྡུང་རྡེག་གཏོང་བའི་བསམ་བློ་གཅིག་མཐུན་བྱུང་མེད་ཟེར།