རྒྱ་ཆེའི་མདོ་དབུས་ཁམས་གསུམ་དང་རྒྱལ་ཕྱི་ནང་གི་རིགས་གཅིག་སྤུན་རྣམས་པ་ལགས་ ངེད་ཨ་ལ་ཡེ་འཕྲིན་སྟེགས་འདིའི་ནང་དུ་བཀའ་ཆོས་དང་སློབ་གསོ་ལོ་རྒྱུས་གླུ་གཞས་གསར་རྙིང་ཁ་པར་དང་མཉེན་ཆས་བརྙན་འཕྲིན་གསར་རྙིང་སོགས་ངོ་སྤྲོད་གང་མང་ཞིག་ཉིན་རེ་བཞིན་སྤེལ་གཞིན་ཡོད་པས་ཚང་མས་དོ་ཁུར་དང་བརྒྱུད་སྐུར་གང་མང་གནང་རོགས་མི།།

2024ལོའི་ཟླ་10ཚེས་18ཉིན་ཨུ་རུ་སུའི་དང་ཡུག་རན་གཉིས་དམག་འཁྲུག་ལངས་ནས་ཉིན་967ཟིན་ཡོད། ཝུའུ་ཁི་ལན་གྱི་སྤྱི་ཁྱབ་དྲག་ཇུས་པུའུ་ཡིས་ཁྱབ་བསྒྲགས་བྱས་པ་ལྟར་ན། ཨུ་རུ་སུའི་དམག་དཔུང་གིས་ཁྱོན་བསྡོམས་དམག་མི་ཤི་ཚད་མི་ཁྲི་67.58ལས་བརྒལ་ཡོད་པ་དང་། འདས་ཟིན་པའི་ཉིན་གཅིག་གི་ནང་དམག་མི་1530་ཤི་ཡོད་ཅེས་ཁྱབ་བསྒྲགས་བྱས་ཡོད།

10ཚེས་18ཉིན་ ་ཝུའུ་ཁི་ལན་ནས་ཨུ་རུ་འི་ཕྱོགས་ཀྱི་ཐན་ཁེ་13དང་། ཁྲབ་ལྡན་དམག་འཐབ་རླངས་འཁོར་51དང་། མེ་སྒྱོགས་23། མི་མེད་གནམ་གྲུ་48བཅས་དང་ཁ་གསབ་བྱེད་པའི་སྒྲིག་ཆས་དམིགས་བསལ་ཅན་23བཅས་རྩ་གཏོར་བཏང་འདུག

ཝུའུ་ཁི་ལན་གྱི་གསང་འཕྲིན་ཅུས་ཀྱི་ཅུས་ཀྲང་པུའུ་ཏ་ནོ་ཧྥུས་བཤད་པ་ལྟར་ན་ ཨུ་རུ་སུར་བཅའ་སྡོད་བྱེད་པའི་ཁྲའོ་ཞན་དང་བླངས་དམག་དཔུང་ནི་ གསར་འགོད་པ་ཁ་ཤས་ཀྱིས་བཤད་པ་ལྟར་་མི3000ཙམ་ཡོད་པ་་རེད་ཟེར་ ཡིན་ཡང་དོན་དངོས་ཐོག་མི3000ཚད་མི་འདུག་ དོན་དངོས་ལ་མི་11100ལ་ཉེ་བ་དང་། ཁྲའོ་ཞན་གྱི་དམག་དཔུང་དེ་དག་ཟླ་11པའི་སྔོན་ལ་ཝུའུ་ཁི་ལན་ཕྱོག་གཡུལ་སར་དམག་འཐབ་བྱེད་པར་འགྲོ་རྒྱུ་རེད་འདུག

ཟླ་10ཚེས་17ཉིན།བྱང་ཆིངས་རྩ་འཛུགས་དང་ཝུའུ་ཁི་ལན་གྱི་རྒྱལ་སྲུང་པུའུ་ཀྲང་རིམ་པའི་གྲོས་ཚོགས་པུའུ་ལུའུ་སེར་དུ་འཚོགས་རྗེས། ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅི་ཡིས་འཕྲལ་ཐག་ཆོད་པོ་དང་མཐུན་སྒྲིལ་བྱེད་དགོས་པའི་འབོད་སྐུལ་བཏང་། ཕུའུ་ཅིན་གྱིས་དམག་འཁྲུག་ལ་སྐུལ་འདེད་སྔར་ལས་ལྷག་པར་གཏོང་བར་བཀག་འགོག་བྱེད་དགོས་ ཙི་ལེན་སི་ཅིས་སྤྱི་ཚོགས་ཀྱི་འབྲེལ་གཏུག་སྨྱན་སྦྱོར་ཐོག་ཡིག་ཆ་བཀྲམ་ནས་ ཨུ་རུ་སུར་མཉམ་འབྲེལ་ཐོག་གནོན་ཤུགས་སྤྲད་ན་མ་གཏོགས་དྲང་གཞག་གི་ཞི་བདེའི་དམིགས་འབེན་མངོན་འགྱུར་ཡོང་མི་ཐུབ་ཅེས་བཤད་པ་རེད། ཙེ་ལེན་སི་ཅིས་ཀྱི་ད་དུང་ཝུའུ་ཁི་ལན་གྱིས་ཡོ་རོབ་གླིང་གི་བདེ་འཇགས་ལ་བྱས་རྗེས་བཞག་ཡོད་པ་དེ་བྱང་ཆིངས་རྩ་འཛུགས་ཀྱི་ཁོངས་མི་33པས་ཤེས་དགོས།

ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅི་ཡིས་ཨ་མེ་རི་ཁའི་ཙུང་ཐུང་པའེ་ཏིན་དང་ཁ་པར་གཏོང་སྐབས་མཉམ་འབྲེལ་མཚོན་ཆ་ཐོན་སྐྱེད་ལ་ཤུགས་སྣོན་པའི་སྲིད་ཕྱོད་ལ་གྲོས་བསྡུར་བྱས་པ་དང་ ཁོང་གཉིས་ཀྱིས་ཝུའུ་ཁི་ལན་གྱི་དམག་མིའི་གསོ་སྦྱོང་ལ་གྲོས་བསྡུར་བྱས་པ་མ་ཟད། འཚོག་གྲབས་ཡོད་པའི་ལྷ་མོ་ཐའེ་ཐའེ་གྲོས་ཚོགས་ལ་དོ་ཁུར་བྱས། ཙེ་ལེན་སི་ཅི་ཡིས་ཨ་མེ་རི་ཁས་ཝུའུ་ཁི་ལན་ལ་བློ་བརྟན་འགྱུར་མེད་ཀྱིས་རྒྱབ་སྐྱོར་གནང་བར་དང་ ཁོང་གིས་ད་དུང་ཨ་རིས་འདོན་སྤྲོད་བྱས་པའི་ཨ་སྒོར་དུང་ཕྱུར་4.25ཡི་རྒྱལ་སྲུང་རོགས་སྐྱོར་་ལ་ཐུགས་རྗེ་ཆེ་ཞུ་རྒྱུ་མ་ཟད། མཁའ་ཟོན་མ་ལག་འདོན་སྤྲོད་གང་མགྱོགས་བྱེད་པ་དང་ཨུ་རུ་སུར་བཀག་སྡོམ་བྱེད་ཤུགས་ཆེ་རུ་གཏོང་རྒྱུའི་རེ་བ་ཞུས་པ་རེད།

ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅིས་ཡི་ ཨ་མེ་རི་ཁ་དང་། འཇར་མན། ཧྥ་རན་སི། དབྱི་ཐ་ལི་བཅས་ཀྱིས་ཝུའུ་ཁི་ལན་གི་རྒྱང་ཁྲིད་འཕུར་མདའ་བེད་སྤྱད་དེ་ཨུ་རུ་སུའི་རྒྱལ་ཕྲན་མཉམ་འབྲེལ་གྱི་མངའ་ཁོངས་ལ་རྡུང་རྡེག་གཏོང་བའི་གནད་དོན་ཐད་ངོས་འཛིན་གཅིག་མཐུན་བྱུང་ཡོད་མོན། ཙེ་ལེན་སི་ཅིས་ཨ་མེ་རི་ཀ་ནི་འགོག་སྲུང་རོགས་སྐྱོར་རྒྱལ་ཁབ་གཙོ་བོ་ཞིག་ཡིན་པའི་ཆ་ནས། གནད་དོན་འདིའི་ཐད་ལ་སྔར་ལས་དགེ་མཚན་ལྡན་པ་དང་འཕྲལ་ཐག་ཆོད་པོའི་སྤྱོད་ཚུལ་འཛིན་ཐུབ་པའི་རེ་བ་བྱེད་ཀྱི་ཡོད། ཁོང་གིས་ཝུའུ་ཁི་ལན་ལ་མཚོན་ནས་བཤད་ན། རྒྱང་ཁྲིད་འཕུར་མདའ་ཨུ་རུ་སུའི་མངའ་ཁོངས་ནང་སྤྱོད་དབང་ཐོབ་པར་གལ་འགངས་ཤིན་ཏུ་ཆེ་བར་མ་ཟད། རྒྱལ་ཁབ་ཁག་ནང་ཁུལ་དུ་གཅིག་གྱུར་གྱི་ལངས་ཕྱོགས་མངོན་འགྱུར་ཡོང་བར་རེ་སྒུག་བྱས་ཡོད།