2024 ལོའི་ཟླ 10 པའི་ཚེས 23 ཉིན་ཝུའུ་ཁེ་ལན་རྒྱལ་སྲུང་དམག་འཁྲུག་བྱས་ནས་ཉིན 972ཟིན་ཡོད། པར་ཝུའུ་ཁེ་ལན་སྤྱི་ཁྱབ་དྲག་ཇུས་པུའུ་ཡིས་གསར་བསྒྲགས་བྱས་པ་ལྟར་ན་ ཨུ་རུ་སུའི་དམག་དཔུང་་རིམ་རྩིས་བྱས་ན་གྱོང་གུན་ཤི་ཚད་མི་ཁྲི 68 . 3 ལས་བརྒལ་ཡོད་པ་དང་། འདས་ཟིན་པའི་ཉིན་གཅིག་གི་ནང་ལ་དམག་མི་ 1460 ཤི་ཡོད་བཤད་འདུག 

གཞན་ཡང་ ཝུའུ་ཁི་ལན་པས་ད་དུང་དགྲ་ཕྱོགས་ཀྱི་ཐན་ཁེ་24དང་། ཁྲབ་ལྡན་མེ་སྒྱོགས།64 མེ་སྒྱོགས་24 ་མཁའ་ཟོན་མ་ལག་དང་1 མི་མེད་གནམ་གྲུ་46བཅས་དང་ དམིགས་བསལ་གྱི་སྐྱེལ་འདྲེན་འཕྲུལ་ཆས་47  དམིགས་བསལ་གྱི་སྒྲིག་ཆས་3བཅས་རྩ་གཏོར་བཏང་བ་རེད།

ཨུ་རུ་སུའི་རྒྱལ་སྲུང་པུའུ་ཡིས་བསྒྲགས་པ་ལྟར་ན། ཟླ་10ཚེས་23ཉིན་གྱི་ཐོ་རེངས་སུ་ཝུའུ་ཁི་ལན་གྱི་མི་མེད་གནམ་གྲུ་14ཡིས་རྩ་མེད་དུ་བཏང་བ་དང་བཀག་འགོག་བྱས་པ་རེད། ཁེ་ལི་སྨི་ཡའི་མཁའ་དབྱིངས་སུ་མི་མེད་གནམ་གྲུ་10མེད་པར་བཟོས་པ་དང་། ལུའོ་སི་ཐོ་ཧྥུ་ས་ཁུལ་གྱི་མཁའ་དབྱིངས་སུ་མི་མེད་གནམ་གྲུ་4་གཏོར་བ་རེད། ཡང་རྒྱ་མཚོ་ནག་པོའི་ནང་དུ་ཁེ་ལི་སྨི་ཡ་ལ་འགྲོ་བའི་མི་མེད་གྲུ་གཟིངས་བཞི་རྩ་མེད་དུ་བཏང་།

ཝུའུ་ཁི་ལན་གྱི་མཁའ་དམག་གི་གནས་ཚུལ་གསར་ཤོས་དེ་ཟླ་10ཚེས་23ཉིན་གྱི་ཐོ་རེངས་སུ་ཝུའུ་ཁི་ལན་གྱི་མཁའ་ཟོན་སྟོབས་ཤུགས་བཤད་པ། ་ཏི་ས་དང་། ཉི་ཀུའུ་ལ་ཡེ་ཧྥུ། ཝུན་ཉི་ཡ་ཧྥུ། སུའུ་མའེ་སི་ཅི། ཧོར་སི་ཉི་ཚི། ཅེར་ནོ་པོ་དང་། ཅི་ལོ་ཝོ་ལེ། ཅི་ཐ་ཝ། ཆའོ་ཨེར་ཉི་ཀོ་ཧྥུ་ས་ཁུལ། ཧར་ཁོ་ཧྥུ་ས་ཁུལ་བཅས་སུ་ ཨུ་རུ་སུའི་དམག་དཔུང་གིས་འཕེན་གཏོང་བའི་མི་མེད་གནམ་གྲུ་81ནས་འཇབ་རྒོལ་བྱས་བྱུང་པས།  དེ་ནང་ནས་་མི་མེད་གནམ་གྲུ་57ལ་ཝུའུ་ཁི་ལན་གྱི་གློག་རྡུལ་འཐབ་འཁྲུག་མ་ལག་གིས་གཉའ་གནོན་དང་མགོ་གནོན་ཐེབས་པ་ཡོད་པ་དང། ཨུ་རུ་སུའི་དམག་དཔུང་གིས་ད་དུང k -31 གི་འཕུར་མདའ་སྤྱད་དེ་ཨོའོ་ཏི་ས་ས་ཁུལ་ལ་འཇབ་རྒོལ་བྱས།

སྨྱན་སྦྱོར་མང་པོའི་ཆ་འཕྲིན་འབྱུང་ཁུངས་ལས་ཨུ་རུ་སུའི་ཞི་བདེ་རྒྱ་མཚོ་ཆེན་མོའི་དམག་གྲུ་རུ་ཁག་གི་ལུའི་ཤོག་155པའི་ཨང་4པ། བརྒྱ་ཤོག་3པའི་དམག་མི་ནི་ཁུའུ་ཨར་སི་ཁེ་ས་ཁུལ་དུ་ཝུའུ་ཁི་ལན་གྱི་མི་ཡིས་རྩ་མེད་དུ་བཏང་བ་རེད། དེའི་སྔོན་ལ་མི་དེ་ཚོས་ཝུའུ་ཁི་ལན་གྱི་བཟུང་དམག་ལ་མནར་གཅོད་བཏང་བའི་རྐྱེན་གྱིས་མིང་ངན་ཡོངས་གྲགས་སུ་གྱུར་པ་དང་། ད་ལྟ་ཁོ་ཚོར་ཡོད་འོས་པའི་མཇུག་འབྲས་ཐོབ་པ་རེད

དེ་རིང་ཙེ་ལེན་སི་ཅིས་ཝུའུ་ཁི་ལན་ལ་བཙན་འཛུལ་བྱེད་པའི་རྒྱལ་ཁབ་གཉིས་སུ་འཕར་བ་དངོས་སུ་ཁྱབ་བསྒྲགས་བྱས་པ་སྟེ། ཨུ་རུ་སུ་དང་ཁྲའོ་ཞན། དེ་སྔོན་ཨ་མེ་རི་ཀའི་གཞུང་ཕྱོགས་ཀྱིས་ཁྲའོ་ཞན་གྱིས་ཝུའུ་ཁེ་ལན་ལ་ཐད་ཀར་བཙན་འཛུལ་བྱས་པ་ར་སྤྲོད་བྱས་མེད་མོད། འོན་ཀྱང་ད་ལྟ་དཔང་རྟགས་བྱུང་ཡོད་ དཔེར་ན་གོང་དུ་པར་རིས་ནང་བསྟན་དོན། རྒྱལ་དར་ངོས་གཉིས་མཉམ་དུ་ཡོད་པ་སྟེ། ཨུ་རུ་སུའི་མདོག་གསུམ་དར་ཆ་དང་ ད་དུང་ཁྲའོ་ཞན་གྱི་ རྒྱལ་དར་ལ་ཡོད་ཡོད་པ་རེད། དེ་དག་ནི་ པོ་ཁེ་རོ་ཧྥུ་སི་ཅི་ཕྱོགས་སུ་ ཉེ་ལམ་བཙན་བཟུང་བྱས་པའི་ཝུའུ་ཁི་ལན་གྲོང་སྡེ་རུ་བྱུང་བ་རེད།

སྔར་ལས་མང་བའི་གཟུགས་བརྙན་གྱིས་ཁྲའོ་ཞན་གྱི་དམག་དཔུང་དམག་འཁྲུག་འདིའི་ནང་དུ་ཞུགས་བཞིན་ཡོད་པ་དཔེར་ན། ཁྲའོ་ཞན་གྱི་དམག་དཔོན་ཨུ་རུ་སུའི་རྒྱལ་ས་མོ་སི་ཁོ་རུ་ཐོན་པ་ལྟ་བུ་རེད།

ཨ་རིའི་རྒྱལ་སྲུང་པུའུ་ཀྲང་གིས་ཐོག་དང་པོར་ཁྲའོ་ཞན་དམག་དཔུང་ཨུ་རུ་སུར་ཞུགས་པའི་དཔང་རྟགས་ཐོག་མར་ཁས་ལེན་བྱས་པ་རེད།

གོང་གསལ་ནི་ཟླ་10ཚེས་22ཉིན་ཁྲའོ་ཞན་གྱི་དམག་མི་དང་ཨུ་རུ་སུའི་དམག་མིས་ཨུ་རུ་སུའི་རྒྱལ་ཕྲན་མཉམ་འབྲེལ་ཁུའུ་ཨར་སི་ཁི་ས་ཁུལ་ནས་མཉམ་པར་བརྒྱབ་པ་ཡིན།

ཧན་ལེན་མཉམ་ལས་ཁང་གིས་ཁྲའོ་ཞན་དམག་དཔུང་ཨུ་རུ་སུའི་སྦྱོང་བརྡར་རྟེན་གཞི་རུ་བཅའ་སྡོད་བྱེད་བཞིན་ཡོད་ཅིང་། མིག་སྔར་དམག་མི་3000ཡོད་པ་དང་། ཟླ་12པར་སྔོན་དཔག་བྱས་ན་མི་ཁྲི་1བར་འཕར་རྒྱུ་རེད། ཨུ་རུ་སུས་ཟླ་རེར་ཁྲའོ་ཞན་གྱི་དམག་མི་རེར་ལ་ཧ་ལམ་ཨ་སྒོར་2000སྤྲད་པ་དང་། ཁྲའོ་ཞན་རྒྱལ་ཁབ་ནང་ནས་དུས་རྒྱུན་ཆ་སྙོམས་ཟླ་རེའི་ཕོགས་ཨ་སྒོར་1ནས་3བར་ལས་མེད། 

ད་ཐེམ་ཁྲའོ་ཞན་ཕྱོགས་ཀྱི་དམག་འཁྲུག་ནང་ཞུགས་པ་དེས་ ཧན་གོའི་ཕྱོགས་ཀྱི་དམིག་པ་རེད་ ཧན་གོས་གཡུལ་སའི་ཐོག་ཁྲའོ་ཞན་གྱི་ལག་པའི་མཁྲིག་མ་གཅིག་ཀྱང་འདོར་མི་སྲིད་མཚོན་གྱི་ཡོད་ཡོད་པ་རེད་ ཁ་སང་ཧན་གོའི་སྨྱན་སྦྱོར་གྱིས་ཝུའུ་ཁི་ལན་དུ་མངགས་གཏོང་བྱས་པའི་དམག་དཔུང་གི་གྲངས་འབོར་ལ་གྲོས་བསྡུར་བྱེད་བཞིན་པའི་ཁྱབ་བསྒྲགས་བྱས་ཟིན་པ་དང་། དེའི་ནང་(ཁྲའོ་ཞན་གྱི་གནད་དོན་ལ་ཆེད་དུ་ཞིབ་འཇུག་བྱེད་མཁན་)གསང་འཕྲིན་མི་སྣ་དང་དགྲ་ཕྱོགས་ལ་དམིགས་པའི་འཐབ་རྩལ་ཆེད་མཁས་པ་རྣམས་ལ་གྲོས་བསྡུར་བྱེད་བཞིན་ དུས་མཚུངས་སུ་ཧན་གོས་ཝུའུ་ཁི་ལན་ལ་རོགས་སྐྱོར་བྱས་པའི་མེ་སྒྱོགས་ཧའོ་སྨི་155ལ་གྲོས་བསྡུར་བྱེད་བཞིན་ཡོད་པ་རེད།

ཁྲའོ་ཞན་ཕྱོགས་ཀྱི་དམག་ལ་ཞུགས་པའི་ཐད་ལ། ཙེ་ལན་སི་ཅིས་ཡི་བཤད་པ། ཁྲའོ་ཞན་དམག་མི་ཁྲི 1 དང་སྟོང་གཉིས་ཀྱིས་ཝུའུ་ཁེ་ལན་ལ་གནད་དོན་ཆེན་པོ་མེད། ནུབ་ཕྱོགས་ཀྱིས་ཝུའུ་ཁི་ལན་ལ་འཛིན་པའི་ལངས་ཕྱོགས་ནི་ད་གཟོད་གནད་དོན་ཆེན་པོ་ཞིག་རེད། དུས་མཚུངས་སུ། ཙི་ལུའོ་སི་ཅིས་ཨུ་རུ་སུའི་དཔལ་འབྱོར་གྱི་བསྡུར་ཚད་མི་འགྱངས་པར་མར་ནུབ་རྒྱུ་རེད། ཁོས་ཡོ་རོབ་གླིང་གིས་ཨུ་རུ་སུར་བཀག་སྡོམ་བྱེད་པའི་དུས་ཚོད་ཕྱིར་འགྱངས་བྱས་པའི་སྐྱོན་གྱི་ ཝུའུ་ཁི་ལན་གྱིས་དུས་ཚོད་རྩ་ཆེན་ཆུད་ཟོས་སུ་བཏང་སོང་བཅེས་བཤད་པ་རེད།