རྒྱ་ཆེའི་མདོ་དབུས་ཁམས་གསུམ་དང་རྒྱལ་ཕྱི་ནང་གི་རིགས་གཅིག་སྤུན་རྣམས་པ་ལགས་ ངེད་ཨ་ལ་ཡེ་འཕྲིན་སྟེགས་འདིའི་ནང་དུ་བཀའ་ཆོས་དང་སློབ་གསོ་ལོ་རྒྱུས་གླུ་གཞས་གསར་རྙིང་ཁ་པར་དང་མཉེན་ཆས་བརྙན་འཕྲིན་གསར་རྙིང་སོགས་ངོ་སྤྲོད་གང་མང་ཞིག་ཉིན་རེ་བཞིན་སྤེལ་གཞིན་ཡོད་པས་ཚང་མས་དོ་ཁུར་དང་བརྒྱུད་སྐུར་གང་མང་གནང་རོགས་མི།།

2024ལོའི་ཟླ་11ཚེས་25ཉིན་ཨུ་རུ་སུའི་དང་ཡུག་རན་གཉིས་དམག་འཁྲུག་ལངས་ནས་ཉིན་1005ཟིན་ཡོད། གཡུ་རེན་གྱི་སྤྱི་ཁྱབ་དྲག་ཇུས་པུའུ་ཡིས་ཁྱབ་བསྒྲགས་བྱས་པ་ལྟར་ན། ཨུ་རུ་སུའི་དམག་དཔུང་གིས་ཁྱོན་བསྡོམས་དམག་མི་ཤི་ཚད་མི་ཁྲི་72.83ལས་བརྒལ་ཡོད་པ་དང་། འདས་ཟིན་པའི་ཉིན་གཅིག་གི་ནང་ཨུ་རུ་སུའི་དམག་མི་ཤི་1610ཡོད་ཅེས་ཁྱབ་བསྒྲགས་བྱས་ཡོད།

 དེ་ལས་གཞན། གཡུ་རེན་གྱི་དམག་མིའི་ནས་དགྲ་ཕྱོགས་ཀྱི་ཐན་ཁེ6དང་ ཁྲབ་ལྡན་འཁོར་ལོ27དང་།  མེ་སྒྱོགས22  མེ་ཤུགས་འཕུར་མདའ་འཕེན་གཏོང་རླངས་འཁོར་  མཁའ་ཟོན་མ་ལག  མི་མེད་གནམ་གྲུ་114 སྐྱེལ་འདྲེན་རླངས་འཁོར84 དམིགས་བསལ་སྒྲིག་ཆས་2བཅས་གཏོར་ཡོད་པ་རེད། མཁའ་བསྐྱོད་འཕུར་མདའ་8འགོག་ཐུབ་ཡོད་པ་རེད།

ཟླ་11ཚེས་25ཉིན་གྱི་སྔ་དྲོ་ ཨུ་རུ་སུའི་དམག་དཔུང་གིས་དབྱི་སི་ཁན་ཏེར-Mམདེལ་ལམ་འཕུར་མདེལ་སྤྱད་དེ་ གྲོང་ཁྱེར་ལྟེ་གནས་སུ་འཇབ་རྒོལ་བྱས་པ་རེད། ས་གནས་དེ་གའི་སྲིད་གཞུང་གི་འགན་ཁུར་བ་ ཨའོ་ལེ་ཀེ·ཅི་ཕེའར་གྱིས་ མི་11ལ་འཇབ་རྒོལ་ནང་རྨས་སྐྱོན་ཕོག་པ་དང་ རྨས་མ་སྨན་ཁང་དུ་བསྐྱལ་བ་ དེའི་ནང་བུད་མེད་གཅིག་ལ་རྨས་སྐྱོན་ཚབས་ཆེན་ཕོག་ཡོད། འབར་གས་ཁུལ་གྱི་ཉེ་འཁོར་གྱི་སྡོད་ཁང་དང་། སྨན་བཅོས་སྒྲིག་བཀོད། གཞུང་ལས་ཐོག་བརྩེགས་ཁང་ཆེན། སིལ་ཚོང་སྒྲིག་བཀོད། རླངས་འཁོར་བཅས་ལ་གཏོར་སྐྱོན་ཕོག་པ་མ་ཟད། ས་གནས་དེ་གའི་སློབ་གྲྭ་ཞིག་དང་སློབ་ཆེན་གྱི་ལུས་རྩལ་ཁང་ཞིག་ལའང་གཏོར་སྐྱོན་ཕོག་ཡོད་པ་རེད།

ཨུ་རུ་སུའི་རྒྱལ་སྲུང་པུའི་སྙན་ཞུའི་ནང་ཟླ་11ཚེས་25ཉིན་གྱི་མཚན་མོ་མཁའ་ཟོན་དཔུང་སྡེས་ཡུག་རེན་དམག་གིས་འཕེན་གཏོང་བྱས་པའི་རྒྱང་རིང་མི་མེད་གནམ་གྲུ་23གཏོར་བ་དང་འབྲེལ་  དེའི་ཁྲོད་ལ་མི་མེད་གནམ་གྲུ་བརྒྱད་ ཁ་ལུའུ་ཅ་ཀྲོའུ་ཡི་བར་སྣང་ནས་ལྷུང་བ་དང་། གནམ་གྲུ་བདུན་ཁུའུ་ཨེར་སི་ཁོ་ཡི་བར་སྣང་ནས་ལྷུང་བ། གནམ་གྲུ་ལྔ་ པོ་པུའུ་ལིའང་སི་ཁོ་ཡི་བར་སྣང་ནས་ལྷུང་བ། གནམ་གྲུ་གསུམ་པེ་ཨེར་ཀོ་ལོ་ཏེ་ཡི་བར་སྣང་ནས་ལྷུང་བ་རེད། གཞན་ཡང་ས་གནས་དེ་གའི་དམངས་ཚོགས་ཀྱིས་ཡོངས་བསྒྲགས་བྱས་པའི་བརྙན་ལམ་ཐོག་ནས་མངོན་པར་གཞིགས་ན། ཁ་ལུའུ་ཅ་རྡོ་སྣུམ་བཙོ་སྦྱང་བཟོ་གྲྭ་ཞིག་ལ་འཇབ་རྒོལ་ཕོག་པ་དེའི་ནང་གི་སྣུམ་གསོག་སྣོད་ཆས་ཤིག་ལ་མེ་ཤོར་བ་དང་འབྲེལ་འབར་གས་ཀྱང་བྱུང་ཡོད་པ་རེད།

ཨུ་རུ་སུའི་གློག་འཕྲིན་ཚོགས་པ་ནས་ཐོན་མ་ཐག་པའི་གནས་ཚུལ་ལྟར་ན། ཨུ་རུ་སུའི་ཁུར་སི་ཁེ་ས་ཁུལ་དུ། s400དེང་རབས་ཅན་གྱི་རིན་གོང་མཐོ་བའི་མཁའ་ཟོན་འཕུར་མདའ་མ་ལག་ཆ་ཚང་ཞིག་ཡུག་རན་ཕྱོགས་ནས་ATACMSའཕུར་མདའ་བཀོལ་ནས་གཏོར་བརླག་བྱས་པ་དང་། དེ་དང་དུས་མཚུངས་སུ་ཨུ་རུ་སུའི་དམག་དཔོན་ལྔ་བསད་སོང་ཅེས་འཁོད་ཡོད་པ་རེད།

ཡུག་རེན་ནས་རྡུང་རྡེག་གཏོང་བའི་བྱ་སྤྱོད་སྤེལ་བ་དང་ ཆུ་ཚོད་ཁ་ཤས་ཀྱི་གོང་ཡུག་རེན་མཁའ་དམག་གིས་ ཨུ་རུ་སུའི་རྒྱལ་ས་མོ་སི་ཁོར་ཕར་སྒོལ་བྱས་ནས་ རང་ལྕེབས་མི་མེད་གནམ་གྲུའི་ཚོགས་པས་ ཨུ་རུ་སུའི་རྒྱལ་སའི་སྣུམ་མཛོད་ཅིག་དང་ཡོ་བྱད་བཟོ་གྲྭ་ཞིག་ལ་འཇབ་རྒོལ་བྱས་པ་དང་ བཟོ་གྲྭ་དེ་ནི་མོ་སི་ཁོའི་ཉེ་འགྲམ་གྱི་ཁ་ལུའུ་ཅ་ཀྲོའུ་རུ་ཡོད་པ་དང་ ཨུ་རུ་སུའི་དམག་དཔུང་གི་ཆེད་མངགས་ ལེ་ཏའི་མ་ལག་དང་ འཕུར་མདེལ་གྱི་ལྷུ་ལག་ཐོན་སྐྱེད་བཟོ་གྲ་ཞིག་ཡིན་པརེད། ད་ཐེངས་ཀྱི་འཇབ་རྒོལ་ནི་ཡུག་རེན་གསང་འཕྲིན་སྤྱི་ཁྱབ་ཅུས་ཀྱིས་བཀའ་ཕབ་ནས་ལག་བསྟར་བྱས་པ་ཞིག་རེད།

ཡུག་རེན་གྱི་ཏི་ནེ་པོ་ལུའོ་ལྷོ་ཕྱོགས་འཕྲུལ་ཆས་བཟོ་སྐྲུན་བཟོ་གྲྭར་ཨུ་རུ་སུའི་གླིང་སྐྱོད་འཕུར་མདེལ་གྱི་རྡུང་རྡེག་ཕོག་རྗེས། ཡུག་རེན་གྱིས་དེའི་དབང་གིས་བག་འཁུམས་མེད་པར་ དེ་ལས་ལྡོག་སྟེ་དུས་ཐུང་ཆུ་ཚོད་72ནང་གཞི་ཁྱོན་ཆེ་བའི་ཕར་རྒོལ་བྱས་ནས་ ཨུ་རུ་སུ་རང་ཡུལ་ལ་མུ་མཐུད་རྡུང་རྡེག་བཏང་ཡོད། བྱ་སྤྱོད་དེ་ཐོག་ནས་ཡུག་རེན་ཕྱོགས་ཀྱི་བློ་བརྟན་འགྱུར་མེད་དང་ཆོད་སེམས་མངོན་པ་དང་ དམག་དོན་གྱི་གནོན་ཤུགས་ཆེན་པོ་འཕྲད་ཀྱང་ཕྱིར་བཤོལ་བྱེད་མྱོང་མེད་རེད།

ཨུ་རུ་སུའི་གཡུལ་སའི་ཐོག་ལ་གློག་བརྙན་འཁྲབ་བྱེད་ཀྱི་འཁྲབ་ཆས་མང་པོ་ཞིག་སྒྲིག་ཡོད་པ་རེད་

འཛམ་གླིང་གི་དམག་དོན་སྟོབས་ལྡན་རྒྱལ་ཁབ་ཨང་གཉིས་པའི་མིང་ཡོད་པའི་ ཨུ་རུ་སུའི་གིས་དམག་དོན་བྱ་སྤྱོད་སྤེལ་ནས་ལོ་གསུམ་ཙམ་འགྲོ་ལ་ཉེ་བའི་དུས་སུ་ གློག་བརྙན་བཟོ་གྲྭས་གློག་བརྙན་འཁྲབ་བྱེད་ཀྱི་འཁྲབ་ཆས་ལ་བརྟེན་ནས་ རྫིག་རྫིག་བྱེད་དགོས་པ་དེ་བསམ་ཡུལ་ལས་འདས་པ་ཞིག་མ་རེད་དམ་

 རྒྱལ་སྤྱིའི་གསར་འགྱུར། 

སྨྱན་སྦྱོར་ཚན་པ་མང་པོས་གཟའ་འཁོར་གོང་མར་གནས་ཚུལ་སྤེལ་བར་གཞིགས་ན། ཧྥ་རན་སེ་དང་དབྱིན་ཇིས་ནས་ཡུག་རེན་གྱིས་ སི་ཁ་ཕུའུ་དང་རླུང་འཚུབ་གྲིབ་གཟུགས་འཕུར་མདའ་ལ་བརྟེན་ནས་ཨུ་རུ་སུའི་མངའ་ཁོངས་ས་ཆ་ལ་རྡུང་རྡེག་གཏོང་ཆོག་པའི་ཁས་བླངས་ཡོད། རླུང་འཚུབ་གྲིབ་གཟུགས”དང་ སི་ཁ་ཕུའུ་ནི་ འཕུར་མདེལ་རིགས་གཅིག་ཡིན་ཞིང་ ཧྥ་རན་སེ་དང་དབྱིན་ཇི་རྒྱལ་ཁབ་གཉིས་ཀྱིས་མཉམ་དུ་ཞིབ་བཟོ་བྱས་པ་དང་ ཡོ་རོབ་འཕུར་མདེལ་ཚོགས་པས་བཟོས་པ་ཞིག་རེད། འདིའི་རིགས་ནི་དམག་གྲུའམ་འཐབ་འཛིང་གནམ་གྲུའི་སྟེང་ནས་འཕེན་ཆོག་པ་དང་། འཕེན་ཐག་ནི་སྤྱི་ལེ250ནས་སྤྱི་ལེ500བར་ཡིན།

ས་གནས་དེ་གའི་དུས་ཚོད་ཟླ་11ཚེས་24ཉིན་ ཨུ་རུ་སུའི་རྒྱལ་ཕྲན་མཉམ་འབྲེལ་བདེ་འཇགས་ཚོགས་འདུའི་ཀྲུའུ་ཞི་གཞོན་པ་ མའེ་ཏེ་ཝུའེ་ཅེ་ཕུའུ་ཡིས་ མི་སྒེར་གྱི་སྤྱི་ཚོགས་འབྲེལ་བའི་སྨྱན་སྦྱོར་ཐོག་རྩོམ་ཡིག་སྤེལ་ནས་ ཨུ་རུ་སུའི“ཀྲེན་ཧྲུའེ”འཕུར་མདེལ་གྱིས་ཡོ་རོབ་ལ་བཟོད་ཐབས་བྲལ་བའི་གཏོར་བཤིག་གཏོང་གི་ཡོད། དེང་རབས་ཀྱི་བྱེད་ཐབས་སྤྱད་ནས་འཕུར་མདེལ་གཏོར་མི་ཐུབ་པ་དང་ མཁའ་ཟོན་གབ་ཁུང་གིས་ཀྱང་ཕན་མི་ཐོགས་པར་བརྟེན་ ཡོ་རོབ་ནས་ཨུ་ཡུག་དམག་འཁྲུག་ལ་རྒྱབ་སྐྱོར་བྱེད་མཚམས་འཇོག་དགོས་ཞེས་བཤད་པ་རེད།

ཡུག་རེན་གྱི་ཙུང་ཐུང་ལན་སི་ཅི་ཡིས་བརྙན་ལམ་གསུང་བཤད་གནང་སྐབས་ ཨུ་རུ་སུས་འཛམ་གླིང་ལ་འཇིགས་སྐུལ་ཇི་ལྟར་བྱས་རུང་ རྒྱལ་སྤྱིའི་སྤྱི་ཚོགས་ཀྱིས་མུ་མཐུད་གནོན་ཤུགས་སྤྲད་ཚེ་གཞི་ནས་མཐའ་མཇུག་གི་ཞི་བདེ་མངོན་འགྱུར་ཐུབ་རྒྱུ་ཡིན་པའི་ཆོད་སེམས་ཤོར་མི་སྲིད། ཁོང་གིས་འདས་ཟིན་པའི་གཟའ་འཁོར་གཅིག་ནང་ ཡུག་རེན་གྱིས་ཨུ་རུ་སུའི་རེས་སྐོར་གསར་པའི་འཕུར་མདེལ་གྱི་འཇབ་རྒོལ་ལ་སྔར་བཞིན་རྒྱལ་ཁབ་མང་པོའི་རྒྱབ་སྐྱོར་ཐོབ་ཡོད། ཙེ་ལན་སི་ཅིས་ཡི་ ཏེན་མག་དང་། ནོར་ཝེ། སུའེ་ཏེན་བཅས་ཀྱིས་ཡུག་རེན་གྱི་འགོག་སྲུང་བཟོ་ལས་ལ་མ་དངུལ་གྱི་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་། ཨ་རིའི་འགོག་སྲུང་འཆར་གཞི་གསར་པས་ ཧའེ་མ་སིའི་སྒྱོགས་མདེལ་དང་། འཕང་མདུང་འཕུར་མདེལ། མི་མེད་གནམ་གྲུ་སོགས་འགག་རྩའི་སྒྲིག་ཆས་མཁོ་འདོན་བྱས་པ་དང་ འཇར་མན་དང་ཁ་ན་ཏས་ཀྱང་གོ་མཚོན་གྱི་རོགས་སྐྱོར་གསར་པ་བྱས་ཡོད་པ་རེད།

ཡོ་རོབ་བདེ་འཇགས་རྩ་འཛུགས་ཀྱི་རེས་འཁོར་ཀྲུའུ་ཞིའི་ མར་ཨ་ཐར་གྱིས་ ཨུ་རུ་སུར་དམག་འཁྲུག་བྱ་སྤྱོད་མཚམས་འཇོག་བྱ་རྒྱུ་དང་འབྲེལ་ ཡུག་རེན་གྱི་རྒྱལ་སྤྱིའི་ཐོག་ཡོངས་གྲགས་ཏུ་ཁས་ལེན་བྱེད་པའི་མཐའ་མཚམས་ནས་ ཨུ་རུ་སུའི་དམག་དཔུང་ཕྱིར་འཐེན་བྱ་རྒྱུའི་རེ་འབོད་བྱས་པ་རེད། མར་ཨ་ཐའི་གྱི་ མགྲིན་ཚབ་པ་ལ་ ཨུ་རུ་སུས་ནས་མི་སེར་དང་། གྲོང་མིའི་སྡོད་ཁུལ། ཡུག་རེན་གྱི་དམངས་སྤྱོད་རྨང་གཞིའི་སྒྲིག་བཀོད་བཅས་ལ་དབྱེ་བ་མེད་པར་ཚུར་རྒོལ་བྱས་པ་དེ་ རྒྱལ་སྤྱིའི་མི་ཆོས་རིང་ལུགས་ཀྱི་བཅའ་ཁྲིམས་ལས་འགལ་ནས་ མི་ཆོས་ཀྱི་ཉམས་ཉེན་ཆེ་རུ་ཕྱིན་ཡོད་ཅེས་ནན་བཤད་བྱས་པ་རེད། ཁོས་ད་དུང་ཁྲིམས་འགལ་གྱིས་བཀག་ཉར་བྱས་པའི་མི་སེར་དཀྱུས་མ་དང་ ཁྲིམས་འགལ་གྱིས་མཐར་སྐྲོད་བཏང་བའི་བུའུ་ཁུ་ལན་གྱི་བྱིས་པ་ཡོད་ཚད་བཙོན་འགྲོལ་གཏོང་རྒྱུའི་རེ་བ་བཏོན། མར་ཨ་ཐ་ཡིས་ མུ་མཐུད་རྒྱལ་སྤྱིའི་རོགས་ཟླ་དང་མཉམ་ལས་བྱས་ཏེ་ཕྱི་འབྲེལ་གྱི་ཐོག་ནས་ཐག་གཅོད་བྱ་རྒྱུར་སྐུལ་འདེད་གཏོང་རྒྱུ་ཡིན་ཞེས་བརྗོད་པ་རེད།