ཀརྨ་ཕུན་ཚོགས་ཀྱིས་ཁྲི་ཀ་རྫོང་དུ་རིག་གནས་ཡུལ་སྐོར་ཐོན་ཁུངས་ཀྱི་སྒྱུར་བཀོད་དང་གནའ་མཁར་སྲུང་སྐྱོབ་གསར་སྤེལ་བཅས་ཀྱི་བྱ་བར་རྟོག་ཞིབ་བྱས།
ཟླ10བའི་ཚེས28ཉིན། ཁུལ་དཔོན་ཀརྨ་ཕུན་ཚོགས་ཀྱིས་ཁྲི་ཀ་རྫོང་གི་རིག་གནས་ཡུལ་སྐོར་ཐོན་ཁུངས་ཀྱི་སྒྱུར་བཀོད་དང་གནའ་མཁར་སྲུང་སྐྱོབ་གསར་སྤེལ་བཅས་ཀྱི་བྱ་བར་རྟོག་ཞིབ་བྱས་ཤིང་། ཁོང་གིས་ཁྲི་ཀ་རྫོང་གིས་སྐྱེ་ཁམས་ཀྱི་དགེ་མཚན་དང་རི་ཆུའི་ཐོན་ཁུངས་ལ་བརྟེན་ནས་ཕུན་སུམ་ཚོགས་པའི་སྐྱེ་ཁམས་ཡུལ་སྐོར་གྱི་དམིགས་འབེན་ས་ཁུལ་བསྐྲུན་པར་འབད་པ་བྱ་དགོས་པ་ནན་གྱིས་བསྟན།
སྟོང་ལྡན་མཚེའུའི་བརླན་བཤེར་སྤྱི་གླིང་དང་ཁྲི་ཀ་རྫོང་གི་དེ་སྔའི་ཡུལ་སྐོར་བའི་ཞབས་ཞུའི་ལྟེ་གནས་སུ་ཀརྨ་ཕུན་ཚོགས་ཀྱིས་ཁྲི་ཀ་རྫོང་སྲིད་གཞུང་གི་རིག་གནས་ཡུལ་སྐོར་ཐོན་ཁུངས་དང་ཡུལ་སྐོར་སྒྲིག་བཀོད་གནས་ཚུལ་སྐོར་གྱི་སྙན་ཞུ་ལ་ཉན་པ་དང་། ཁོང་གིས་ཐོན་ཁུངས་བེད་མེད་དུ་འཇོག་པ་དང་འཕྲོ་བརླག་གཏོང་བ་ནི་ས་ཁོངས་ཀྱི་ཡུལ་སྐོར་དཔལ་འབྱོར་གོང་དུ་འཕེལ་བར་ཚོད་འཛིན་བྱེད་པས་སྣང་ཆུང་གཏན་ནས་མི་བྱེད་པར། ཁྱིམ་གཞི་དང་། གསར་གཏོད་བྱེད་ཐབས། སྲིད་ཇུས་ལེགས་པར་སྤྱོད་པ། ཕྱོགས་མང་པོ་ནས་མཉམ་འབྲེལ་བྱེད་པ་སོགས་ལ་བརྟེན་ནས་རྒྱུ་ནོར་གསོག་ཚད་དང་མ་དངུལ་གྱི་འཁོར་རྒྱུག་ལ་སྐུལ་འདེད་གཏོང་དགོས། ཡུལ་སྐོར་རྒྱུ་ནོར་བེད་སྤྱོད་དང་འགྲན་རྩོད་ནུས་པ་ཆེ་རུ་གཏོང་བ་དང་། བེད་མེད་དུ་བཞག་པའི་ཡུལ་སྐོར་ལས་གཞི་བསྐྱར་གསོ་དང་། ཐོན་ལས་རིམ་སྤར། ལག་རྩལ་སྒྱུར་བཀོད་སོགས་མ་དངུལ་མཉམ་བསྲེས་བྱེད་ཐབས་ཀྱིས་སྤྱི་ཚོགས་ཀྱི་ལས་གཞི་ལ་གསོན་ཤུགས་གསར་པ་འཕེལ་བར་བྱ་དགོས། EOD སོགས་ཁོར་ཡུག་མཛའ་མཐུན་ཅན་གྱི་ལས་གཞི་འཚོལ་ཞིབ་ལག་བསྟར་བྱེད་པ་དང་། སྣོད་བཅུད་ཁོར་ཡུག་བཅོས་སྐྱོང་གི་ལས་གཞི་དང་ཐོན་ལས་འཕེལ་རྒྱས་ཟུང་འབྲེལ་བྱས་ནས་སྔོ་ལྗང་གི་རི་ཀླུང་དེ་གསེར་རི་དངུལ་རིར་བསྒྱུར་བའི་ཐབས་ལམ་རྒྱ་ཆེར་གཏོང་དགོས་ཞེས་ནན་གྱིས་བསྟན།
ཁྲི་ཀ་རྫོང་གི་གནའ་མཁར་དུ། ཀརྨ་ཕུན་ཚོགས་ཀྱིས་ཡུལ་དངོས་ཀྱི་རྫོང་དངོས་མང་བཤམས་སྟོན་ཁང་དང་གནའ་མཁར་སྒྱུར་བཀོད་གནས་ཚུལ་ལ་རྟོག་ཞིབ་བྱས་ཤིང་། ཁོང་གིས་ཁྲི་ཀའི་གནའ་མཁར་ནི་གནའ་རབས་ཀྱི་སྔོན་བྱོན་མེས་པོའི་བློ་གྲོས་ཀྱི་ཉིང་བཅུད་ཡིན་ལ་། གནའ་མཁར་ཐོན་ཁུངས་དང་ཐུན་མོང་མ་ཡིན་པའི་རིག་གནས་སྲུང་སྐྱོབ་དང་བསྐྱར་སྐྲུན་བྱ་རྒྱུ་ནི་ཡལ་སྐོར་ལས་སྒོ་འཕེལ་རྒྱས་སུ་གཏོང་བའི་ཐབས་ལམ་བཟང་བོ་ཡིན། ཁྲི་ཀའི་གནའ་མཁར་གྱི་ཐོན་ཁུངས་དང་རིག་གནས་ཁྱད་ཆོས་ལ་བརྟེན་ནས་རྨང་གཞིའི་སྒྲིག་བཀོད་ལེགས་བཅོས་དང་། སྤྱི་ཚོགས་རིག་གནས་ཀྱི་གསོན་ཤུགས་དང་འཆམ་མཐུན་བཅས་ཀྱི་རིག་གནས་ཡུལ་སྐོར་དཔེ་སྟོན་ཁུལ་སྐྲུན་པར་ཧུར་ཐག་བྱེད་དགོས། གནའ་མཁར་གྱི་གྲོང་ཁྱེར་ཅན་དང་ཡུལ་སྐོར་ཅན་གྱི་བྱེད་ནུས་སྔར་ལས་འཐུས་ཚང་དུ་བཏང་སྟེ། ནུས་ཤུགས་ཡོད་རྒུས་སྐྱེ་ཁམས་ཡུལ་སྐོར་དམིགས་འབེན་ས་ཁུལ་བསྐྲུན་པར་སྟོབས་ཤུགས་ཆེན་པོ་འབུལ་དགོས་ཞེས་བསྟན།
ཆུ་འཁོར་ཐང་ཆེན་དུ་ཀརྨ་ཕུན་ཚོགས་ཀྱིས་ཐང་ཆེན་གྱི་སྒྱུར་བཀོད་ཇུས་གཞི་ལ་བསམ་འཆར་ཞིབ་མོ་བཏོན་ཞིང་། ཁོས་ཆུ་འཁོར་ཐང་ཆེན་ནི་ཁྲི་ཀ་རྫོང་གི་ས་རྟགས་རང་བཞིན་གྱི་བཟོ་བཀོད་ཅིག་ཡིན་པ་མཟད། རྨ་ཆུའི་འབབ་རྒྱུད་ཀྱི་མཛེས་ལྗོངས་ཤིག་ཀྱང་ཡིན་པས། རྨ་ཆུའི་འབབ་རྒྱུད་ཀྱི་སྣོད་བཅུད་སྲུང་སྐྱོང་ལ་རྒྱུན་འཁྱོངས་དང་། མི་དང་རང་བྱུང་འཆམ་མཐུན་མཉམ་གནས་ཀྱི་མཛེས་ལྗོངས་གསར་བཏོད་བྱེད་དགོས། ཆུ་འཁོར་ཐང་ཆེན་དང་ཀྲུང་ཧྭའི་ཕན་བདེ་མ་ནི་ཆུ་འཁོར་དང་། ལུའུ་ཧྭ་མཚོ་ཁུགས་སོགས་ཡུག་གཅིག་ཏུ་སྦྲེལ་ནས་ཕྱི་ནང་གི་ཆ་རྐྱེན་ཕུན་སུམ་ཚོགས་ཤིང་། སྐྱེ་ཁམས་སྤྲོ་གསེང་གི་ཡུལ་སྐོར་མཛེས་སྡུག་ལྡན་པ་ཞིག་བསྐྲུན་དགོས་ཞེས་བསྟན།
ཡོང་ཁུངས། མཚོ་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
