ཟླ11པའི་ཚེས8ཉིན། ཁུལ་སྨྱན་སྦྱོར་ལྟེ་གནས་ཀྱིས་ཀྲུང་གོའི་གསར་འགོད་པའི་དུས་ཆེན་ཐེངས་ཉེར་ལྔ་བར་རྟེན་འབྲེལ་ཞུ་བའི་བཞུགས་མོལ་ཚོགས་འདུ་བསྡུས། ཁུལ་ཨུའི་རྒྱུན་ཨུ་ཝང་ཧྥིན་ཚོགས་འདུར་ཞུགས་པ་མ་ཟད། ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་ཁུལ་ཡོངས་ཀྱི་གསར་འགྱུར་ལས་རྐང་དུ་འབད་བརྩོན་བྱེད་བཞིན་པའི་བློ་མཐུན་ཡོངས་ལ་དུས་ཆེན་གྱི་འཚམས་འདྲི་དང་བཀྲ་ཤིས་སྨོན་འདུན་ཞུས། ཁོས་བསྟན་དོན། ཁུལ་ཡོངས་ཀྱི་རྒྱ་ཆེའི་གསར་འགྱུར་འགོད་པ་རྣམས་ཀྱིས་ཆབ་སྲིད་ཀྱི་ཁ་ཕྱོགས་དམ་འཛིན་དང་། ཏང་གཤིས་རྩ་དོན་རྒྱུན་འཁྱོངས། མི་དམངས་ཀྱི་ལངས་ཕྱོགས་བརྟན་པོའི་སྒོ་ནས་སྨྱུག་རྩལ་དང་བརྙན་མིག་ལ་བརྟེན་ནས་དུས་རབས་ཀྱི་འཕེལ་རྒྱས་ཟིན་ཐོ་རུ་འགོད་དགོས། ཁུལ་ཡོངས་ཀྱི་དཔལ་འབྱོར་སྤྱི་ཚོགས་ཚད་མཐོན་པོའི་སྒོ་ནས་འཕེལ་རྒྱས་སུ་འགྲོ་བར་ཁོར་ཡུག་བཟང་བོ་བསྐྲུན་དགོས། མུ་མཐུད་དུ་གསར་འགོད་པའི་ནུས་ཤུགས་བཞིར་བརྟེན་ནས་གསོན་ཉམས་ལྡན་ཞིང་། གནམ་ས་བླ་འོག་བརྗེ་བ་ལྟ་བུའི་མཚོ་ལྷོའི་གཏམ་རྒྱུད་བརྗོད་པར་སྟོབས་ཤུགས་འབུལ་བ་དང་དུས་རབས་གསར་བའི་གསར་འགོད་པ་བཟང་བོ་ཞིག་བྱེད་དགོས་པ་བསྟན།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
