རླབས་ཆེན་གྱི་དུས་མཚམས་ཤིག
དུས་ཚོད་ཆུ་ཚོད་ཁ་ཤས་སྔོན་ལ། རླབས་ཆེན་གྱི་དུས་མཚམས་ཤིག་གི་འགོ་བརྩམ་གྱི་ཡོད།
འཛམ་གླིང་ཐོག་ཕག་པའི་མཁལ་མ་བརྗེས་པའི་ནད་པ་Rick Slayman མཁལ་མ་བརྗེ་ལེན་གྱི་གཤགས་བཅོས་བྱས་རྗེས་ཕན་འབྲས་བཟང་པོ་ཐོན་པའི་མངོན་ཚུལ་ལྡན་པ། ཨ་མེ་རི་ཁའི་ས་གནས་དེ་གའི་དུས་ཚོད་ཟླ་བ་༤ཚེས་༣ཐོག་དངོས་སུ་སྨན་ཁང་ནས་ཕྱིར་སློག་བྱས་འདུག
པར་རིས་འདིའི་གཞོགས་གཡོན་ནས་རྩིས་པའི་དང་པོ་དེ་ནི་མཁལ་བརྗེ་ལེན་ཞིན་འཇུག་མཁས་དབང་དང་ཞིབ་འཇུག་ཀྲུ་རེན།Dr. Leo Riella དང་། མཁལ་མ་བརྗེ་ལེན་གྱི་ཕྱི་བཅོས་ཚན་པའི་ཀྲུ་རེན། Dr. Nahel Elias ནད་པའི་ནད་གཡོག Faren ནད་པ། Rick Slayman༼གདན་སྟེང་དུ་ཞུགས་པ། ༽ དེ་མིན་Legorreta ནད་ཐོག་དབང་པོ་བརྗེ་ལེན་གྱི་བགེགས་སེལ་ཚན་པའི་ཀྲུ་རེན། Dr. Tatsuo Kawaiབཅས་རེད། ནད་པ་ཉིད་ཨ་མེ་རི་ཁའི་དུས་ཚོད་༢༠༢༤ལོའི་ཟླ་བ་༣ཚེས་༡༦ཉིན་ཞིང་ཆེན་ཞིག་གི་སྤྱི་ཁྱབ་སྨན་ཁང་དུ་ཕག་པའི་མཁལ་མ་བརྗེ་བའི་མོས་མཐུན་བྱུང་ཞིང་། དེ་ནི་འཛམ་གླིང་ཐོག་ཕག་པའི་མཁལ་མ་མིར་བརྗེ་བའི་ནད་པ་ཐོག་མ་དེ་ཡིན་པ་འགྲེལ་བརྗོད་བྱས་འདུག ཐེངས་འདིའི་ཕག་པའི་མཁལ་མ་བརྗེ་བའི་གཤགས་བཅོས་ཕྲོད་གསོ་རིག་གི་གཞི་རྒྱུ་༦༩ཙམ་གསར་སྒྲིག་བྱས་ཤིང་། ཐབས་བརྒྱ་ཇུས་སྟོང་གི་མིའི་ལུས་པོར་འཚམ་ཐབས་བྱས་ཡོད། དེ་མིན། ནད་པས་ད་དུང་མི་འཕྲོད་པའི་འགལ་རྐྱེན་སྣ་ཚོགས་ལ་སྨན་པའི་སློབ་སྟོན་བཞིན་དང་ལེན་གང་ཐུབ་ཞུས་ཡོད།
ཟླ་བ་༣ཚེས་༡༦ཉིན་གཤགས་བཅོས་བྱེད་པའི་ཉིན་མོ།
གཤགས་བཅོས་རྗེས་སྔར་བཞིན་རྒྱུན་ལྡན་མིན་པའི་གནས་ཚུལ་མང་པོ་བྱུང་ཞིང་། གཤགས་བཅོས་རྗེས་ནད་པར་ཚ་བ་རྒྱག་པ་དང་། སྐྲངས་པོ་དོན་པ། གཟེར་ཟུག་རྒྱག་པ་སོགས་ཀྱི་གནད་དོན་བྱུང་ཡོད། སྨན་པའི་དཔུང་ཁག་གིས་དེའི་རིགས་མི་ཕག་པའི་མཁལ་མ་མིར་མི་འཕྲོད་པའི་ནད་རྟགས་ཡིན་པ་ངོས་འཛིན་དང་། སྐབས་བསྟུན་གྱི་གསོ་བཅོས་གནང་ཡོད།
བརྗེ་ལེན་བྱ་རྒྱུའི་ཕག་པའི་མཁལ་མ།
སྟབས་ལེགས་པར་སྨན་པས་སྔ་ས་ནས་མི་འཕྲོད་པའི་ནད་རྟགས་ཞི་བའི་སྨན་རིགས་གྲ་སྒྲིག་བྱས་ཡོད་པས་མགྱོགས་པོར་མི་འཕྲོད་པའི་མངོན་རྟགས་རྣམས་ཚོད་འཛིན་ཐུབ་ཡོད།
Slayman༼ནད་པ།༽མ་གཞི་ནད་པ་སྨན་ཁང་དུ་ཡུན་རིང་ཙམ་ལུས་ཀྱང་། མཇུག་མཐར་ཡང་བདེ་བླག་ངང་སྨན་ཁང་ནས་ཕྱིར་ལོག་བྱེད་ཐུབ་པ་བཀྲ་ཤིས་པའི་བྱ་བ་ཞིག་རེད། ནད་ཁང་ཕྱིར་ལོག་ཁར་ལོ་༦༢ལ་སླེབས་ཤིང་། ཡུན་རིང་པོར་མཁལ་མའི་དལ་བའི་རང་བཞིན་གྱི་ནད་ཀྱིས་མནར་བའི་ནད་པ་རྒན་པོ་དེས་འདི་ནི་ངས་ལོ་མང་རིང་རེ་བ་བྱེད་པའི་དུས་ཚོད་ཤིག་ཡིན། ད་ལྟ་དངོས་སུ་ལག་ལེན་བྱེད་ཐུབ་པ་ནི་ངའི་མི་ཚེའི་ནང་བདེ་སྐྱིད་ཆེ་ཤོས་ཀྱི་བྱ་བ་གཅིག་ཡིན་ཞེས་བཤད།
དེ་ནི་མཁལ་མའི་ནད་གཞི་བཅོས་པའི་སྨན་བཅོས་འཕེལ་རྒྱས་ཀྱི་རླབས་ཆེན་གྱི་དུས་མཚམས་ཤིག་ག་ལ་མིན། སྨན་ཁང་ནས་ཕྱིར་ལོག་རྗེ་སྨན་བཅོས་དཔུང་ཁག་གིས་སྔར་བཞིན་ཟམ་མི་ཆད་པར་ Slayman ༼ནད་པར།༽བདེ་ཐང་བཅའ་འདྲི་གནང་ཞིང་དཀའ་ངལ་སེལ་ཐབས་བྱེད་བཞིན་ཡོད།
