ཞི་ཅིན་ཕིང་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་། ཞི་ཅིན་ཕིང་གིས་ཀྲུང་གོས2026ལོར་ཀྲུང་གོ་རུ་སྐབས་གཉིས་པའི་ཀྲུང་ཨ་རྩེ་ཚོགས་བསྡུ་རྒྱུ་ཡིན་ལ། ཀྲུང་གོས་ཨ་རབ་ཕྱོགས་དང་མཉམ་དུ་ཀྲུང་ཨའི་མཛའ་མཐུན་དགོངས་པ་དར་སྤེལ་བཏང་སྟེ། མཉམ་ལས་ཆེན་མོ་ལྔའི་རྣམ་པ་འཛུགས་པ་དང་། ཀྲུང་ཨའི་ལས་དབང་གཅིག་མཐུན་ཚོགས་པ་འཛུགས་སྐྲུན་ཇེ་མགྱོགས་སུ་གཏོང་བར་སྐུལ་འདེད་གཏོང་འདོད་ཡོད་པ་ཁྱབ་བསྒྲགས་གནང་།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་།
དབྱར་མགོའི་དུས་འདིར་སྐྱེ་དངོས་ཀུན་ལ་གསོན་ཤུགས་ཀྱིས་ཁེངས་ཡོད། ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ། ཀྲུང་གོ་དང་ཨ་རབ་རྒྱལ་ཁབ་ཀྱི་རྒྱལ་དར་དང་ཨ་རབ་མནའ་འབྲེལ་གྱི་དར་དམར་ལྷབ་ལྷུབ་དུ་བསྐྱོད།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་།
ཞི་ཅིན་ཕིང་གིས་པ་ལིན་རྒྱལ་པོ་ཧ་མ་ཏི་དང་ཨེ་ཅིབ་ཙུང་ཐུང་སའེ་ཞི། ཐུའུ་ཉི་སིའི་ཙུང་ཐུང་སའེ་དབྱི་ཏི། ཨ་ལེན་ཆིའུ་ཙུང་ཐུང་མུའུ་ཧན་མའོ་ཏི། ཨ་རབ་མནའ་འབྲེལ་གྱི་དྲུང་ཡིག་ཆེན་མོ་ཀའེ་ཐི་བཅས་དང་ཨ་རབ་རྒྱལ་ཁབ22ཀྱི་འཐུས་མི་ཚོགས་པའི་ཚོགས་གཙོ་རེ་རེ་དང་ལག་འཇུག་གནང་བ་མ་ཟད་མཉམ་པར་བསྐྱོན།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་། འདི་ནི་ཞི་ཅིན་ཕིང་གིས་པ་ལིན་རྒྱལ་པོ་ཧ་མ་ཏི་དང་ཨེ་ཅིབ་ཙུང་ཐུང་སའེ་ཞི། ཐུའུ་ཉི་སིའི་ཙུང་ཐུང་སའེ་དབྱི་ཏི། ཨ་ལེན་ཆིའུ་ཙུང་ཐུང་མུའུ་ཧན་མའོ་ཏི། ཨ་རབ་མནའ་འབྲེལ་གྱི་དྲུང་ཡིག་ཆེན་མོ་ཀའེ་ཐི་བཅས་དང་ཨ་རབ་རྒྱལ་ཁབ22ཀྱི་འཐུས་མི་ཚོགས་པའི་ཚོགས་གཙོ་རེ་རེ་དང་ལག་འཇུག་གནང་བ་མ་ཟད་མཉམ་པར་བསྐྱོན་པའི་ཚུལ་རེད།
སྤྲོ་སེམས་འཁོལ་བའི་ཐལ་མོའི་རྡེབ་སྒྲ་ཁྲོད། ཞི་ཅིན་ཕིང་གིས་ཁ་བྱང་ལ《མཉམ་ལས་གཏིང་ཟབ་དང་སྔ་འཛིན་ཕྱི་བཏོད་ཀྱིས་ཀྲུང་ཨའི་ལས་དབང་གཅིག་མཐུན་ཚོགས་པ་འཛུགས་སྐྲུན་ཇེ་མགྱོགས་སུ་འགྲོ་བར་སྐུལ་འདེད་གཏོང་དགོས》ཞེས་པའི་བརྗོད་དོན་གཙོ་བོའི་གསུང་བཤད་གནང་།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་།
ཞི་ཅིན་ཕིང་གིས་བསྟན་དོན། ཀྲུང་གོ་དང་ཀྲུང་གོ་མི་དམངས་དང་ཨ་རབ་རྒྱལ་ཁབ་དང་མི་དམངས་བར་གྱི་མཛའ་བརྩེ་ནི་གནའ་བོའི་དར་གོས་ཚོང་ལམ་སྟེང་ཕན་ཚུན་འགྲོ་འོང་ལས་བྱུང་བ་དང་། མི་རིགས་བཅིངས་འགྲོལ་བརྩོན་ལེན་ཐད་དཔུང་བ་མཉམ་གཤིབ་བྱེད་པ་དང་རྒྱལ་ཁབ་འཛུགས་སྐྲུན་འཕེལ་རིམ་ཁྲོད་ཀྱི་མཉམ་ལས་མཉམ་རྒྱལ་ཞིག་ཡིན། དུས་རབས་གསར་པའི་ཚུན། ཀྲུང་ཨ་འབྲེལ་བ་མུ་མཐུད་དུ་སྐས་རིམ་གསར་བར་བསྙེགས་ཡོད། 2022ལོའི་ཟླ11པར། ང་རང་སོ་ཏིའི་ལི་ཡ་ཏི་རུ་ཀྲུང་ཨ་རྩེ་ཚོགས་ལ་ཞུགས་པ་དང་། ཀྲུང་ཨ་ཕྱོགས་གཉིས་ཀྱིས་ཤུགས་ཆེན་པོས་དུས་རབས་གསར་པར་ཁ་ཕྱོགས་པའི་ཀྲུང་ཨ་ལས་དབང་གཅིག་མཐུན་ཚོགས་པ་འཛུགས་རྒྱུས་མོས་འཐད་བྱུང་ཡོད། ཀྲུང་གོས་ཨ་རབ་ཕྱོགས་དང་མཉམ་དུ་རྩེ་ཚོགས་ཀྱི་འཐབ་ཇུས་སྣེ་ཁྲིད་བྱེད་ནུས་འདོན་སྤེལ་གང་ལེགས་བྱས་ཏེ། མུ་མཐུད་དུ་ཀྲུང་ཨ་འབྲེལ་བའི་ཐོལ་བརྒལ་རང་བཞིན་གྱི་འཕེལ་རྒྱས་ལ་སྐུལ་འདེད་གཏོང་འདོད་ཡོད། ཀྲུང་གོས2026ལོར་ཀྲུང་གོ་རུ་སྐབས་གཉིས་པའི་ཀྲུང་ཨ་རྩེ་ཚོགས་བསྡུ་རྒྱུ་ཡིན་པ་དང་། དེ་ནི་ཀྲུང་ཨ་འབྲེལ་བའི་ལམ་ཚད་རྡོ་རིང་ལྟ་བུ་ཞིག་ཏུ་འགྱུར་བའི་ཡིད་ཆེས་བརྟན་པོ་ཡོད།
ཞི་ཅིན་ཕིང་གིས་ནན་གྱིས་བསྟན་དོན། མིག་སྔར། འཛམ་གླིང་ལ་ལོ་བརྒྱའི་རིང་བྱུང་མ་མྱོང་བའི་འགྱུར་ལྡོག་བྱུང་བཞིན་ཡོད། ཀྲུང་གོ་དང་ཨ་རབ་རྒྱལ་ཁབ་ཚང་མས་རང་སོ་སོའི་མི་རིགས་བསྐྱར་དར་མངོན་འགྱུར་དང་རྒྱལ་ཁབ་འཛུགས་སྐྲུན་ཇེ་མགྱོགས་སུ་གཏོང་བའི་དུས་རབས་ཀྱི་འགན་འཁྲི་ཁུར་ཡོད། ཀྲུང་ཨ་ལས་དབང་གཅིག་མཐུན་ཚོགས་པ་འཛུགས་པར་ང་ཚོས་ཀྲུང་ཨ་འབྲེལ་བའི་དུས་རབས་གསར་པ་གཏོད་པ་དང་འཛམ་གླིང་གི་མཛེས་སྡུག་མ་འོངས་པ་བསྐྲུན་པའི་ཐུན་མོང་གི་ཕུགས་འདུན་མངོན་པར་མཚོན་ཡོད། ཀྲུང་གོས་ཨ་རབ་དང་སོ་སྲུང་རོགས་རེས་བྱས་ཏེ། འདྲ་མཉམ་གཉིས་ཕན་དང་ཁོངས་ཡངས་དཀྱེལ་ཆེ། རོགས་ལས་དམ་ཟབ་ཀྱིས་ཀྲུང་ཨ་འབྲེལ་བ་དེ་འཛམ་གླིང་གི་ཞི་བདེ་གཏན་འཇགས་ལ་སྲུང་སྐྱོབ་བྱེད་པའི་མཚོན་རྟགས་དང་སྤུས་ཚད་མཐོ་བའི་རྒྱུད་གཅིག་ལམ་གཅིག་མཉམ་སྐྲུན་གྱི་དཔེ་མཚོན། དཔལ་ཡོན་མི་འདྲ་བའི་འཆམ་མཐུན་མཉམ་གནས་ཀྱི་དཔེ་མཚོན། འཛམ་གླིང་བཅོས་སྐྱོང་གི་ཡང་དག་པའི་བགྲོད་ལམ་འཚོལ་ཞིབ་ཀྱི་སྣེ་ཁྲིད་བཅས་སུ་འཛུགས་སྐྲུན་བྱེད་དགོས།
ཞི་ཅིན་ཕིང་གིས་བསྟན་དོན། ཕྱོགས་གཉིས་ཀྱི་ཐུན་མོང་འབད་བརྩོན་འོག ངས་སྐབས་ཐོག་མའི་ཀྲུང་ཨ་རྩེ་ཚོགས་སྐབས་སུ་བཏོན་པའི་ཀྲུང་ཨའི་དངོས་བརྩོན་མཉམ་ལས་ཀྱི་ཐུན་མོང་འགུལ་སྐྱོད་ཆེན་མོ་བརྒྱད་ལ་གྲུབ་འབྲས་གལ་ཆེན་ཐོབ་ཡོད། ཀྲུང་གོས་དེ་རྨང་གཞིར་བྱས་ཏེ། ཨ་རབ་ཕྱོགས་དང་མཉམ་དུ་མཉམ་ལས་གནས་བབ་ཆེན་མོ་ལྔ་བཙུགས་ནས། ཀྲུང་ཨའི་ལས་དབང་གཅིག་མཐུན་ཚོགས་པ་འཛུགས་སྐྲུན་ཇེ་མགྱོགས་སུ་གཏོང་བར་སྐུལ་འདེད་གཏོང་འདོད་ཡོད།
ཟླ5པའི་ཚེས30ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་ཏེའོ་ཡུས་ཐའེ་རྒྱལ་ཁབ་མགྲོན་ཁང་དུ་ཀྲུང་ཨ་མཉམ་ལས་གླེང་སྟེགས་ཀྱི་སྐབས་བཅུ་པའི་པུའུ་ཀྲང་རིམ་པའི་གྲོས་ཚོགས་ཀྱི་མགོ་རྩོམ་མཛད་སྒོར་ཞུགས་པ་མ་ཟད་གཙོ་དོན་གསུང་བཤད་གནང་།
གཅིག་ནི་སྔར་ལས་གསོན་ཤུགས་ཀྱིས་ཕྱུག་པའི་གསར་སྐྲུན་སྒུལ་ནུས་གནས་བབ་བསྐྲུན་དགོས།
གཉིས་ནི་སྔར་ལས་གཞི་ཁྱོན་ལྡན་པའི་དངུལ་གཏོང་དངུལ་རྩའི་གནས་བབ་བསྐྲུན་དགོས།
གསུམ་ནི་སྔར་ལས་ལངས་གཟུགས་ཀྱི་ནུས་ཁུངས་མཉམ་ལས་གནས་བབ་བསྐྲུན་དགོས།
བཞི་ནི་སྔར་ལས་དོ་མཉམ་གྱི་དཔལ་འབྱོར་ཉོ་ཚོང་གི་གཉིས་ཕན་གནས་བབ་བསྐྲུན་དགོས།
ལྔ་ནི་སྔར་ལས་འཕྲེད་ཚད་ཡངས་བའི་མི་ཆོས་བརྗེ་རེས་ཀྱི་གནས་བབ་བསྐྲུན་དགོས།
ཞི་ཅིན་ཕིང་གིས་བསྟན་དོན། དབུས་ཤར་ནི་འཕེལ་རྒྱས་ཀྱི་གཤིན་ས་ཞིག་ཡིན་ལ། འོན་ཀྱང་ས་ཁུལ་འདིར་སྔར་བཞིན་དམག་འཁྲུག་བྱེད་བཞིན་ཡོད། དམག་འཁྲུག་དེ་མེ་ལྕེ་ཇེ་ཆེར་གཏོང་མི་རུང་ལ། དྲང་བདེན་ཡང་ནམ་ཡང་རྗེས་སུ་ལུས་མི་རུང་བས། རྒྱལ་ཁབ་གཉིས་ཀྱི་འཆར་འགོད་ལ་ལྷག་ཏུ་གཡོ་འགུལ་གཏོང་མི་རུང་། ཀྲུང་གོས་1967ལོའི་མཐའ་མཚམས་རྨང་གཞི་བྱས་ཏེ། ཤར་གྱི་ཡེ་ལུའུ་ས་ལུན་རྒྱལ་སར་བྱེད་པ་དང་། རང་བདག་དང་སྒེར་ཚུགས་ཆ་ཚང་ཡོད་པའི་ཕ་ལེ་སི་ཐན་གྱི་རྒྱལ་ཁབ་ཞིག་འཛུགས་པར་མཐའ་གཅིག་ཏུ་རྒྱབ་སྐྱོར་བྱེད་རྒྱུ་དང་། ཕ་ལེ་སི་ཐན་དེ་མཉམ་འབྲེལ་རྒྱལ་ཚོགས་ཀྱི་ཁོངས་མི་རྒྱལ་ཁབ་ཏུ་འགྱུར་བར་རྒྱབ་སྐྱོར་བྱེད་རྒྱུ། སྔར་ལས་གཞི་ཁྱོན་ཆེ་ཞིང་སྔར་ལས་དབང་གྲགས་ལྡན་པ། སྔར་ལས་ཕན་འབྲས་ལྡན་པའི་རྒྱལ་སྤྱིའི་ཞི་བའི་ཚོགས་འདུ་འཚོག་པར་རྒྱབ་སྐྱོར་བྱེད་རྒྱུ་ཡིན། ཀྲུང་གོ་ནི་མུ་མཐུད་དུ་ཅ་ཧྲའི་མི་ཆོས་རིང་ལུགས་ཉམས་ཉེན་ཞི་ལྷོད་དང་འཁྲུག་ཕྱིའི་བསྐྱར་འཛུགས་ལ་རོགས་སྐྱོར་འདོན་མཁན། མྱུར་མཁོའི་མི་ཆོས་རིང་ལུགས་རོགས་སྐྱོར་བྱེད་མཁན་དུ་འགྱུར་རྒྱུ་ཡིན།
ཞི་ཅིན་ཕིང་གིས་མཇུག་མཐར་བསྟན་དོན། ཨ་རབ་ཀྱི་ཁ་དཔེ་ལ། གྲོགས་པོ་ནི་འཚོ་བའི་ཁྲོད་ཀྱི་འོད་སྣང་དེ་ཡིན་ཟེར། ཀྲུང་གོས་མུ་མཐུད་དུ་ཨ་རབ་གྲོགས་པོ་དང་མཉམ་དུ། ཀྲུང་ཨའི་མཛའ་མཐུན་དགོངས་པ་དར་སྤེལ་བཏང་ནས། མཐུན་སྒྲིལ་གྱིས་མ་འོངས་གསར་སྐྲུན་དང་། ཀྲུང་ཨའི་ལས་དབང་གཅིག་མཐུན་ཚོགས་པ་འཛུགས་པའི་བགྲོད་ལམ་ལ་འོད་སྣང་གིས་ཁེངས་བར་བྱ་རྒྱུ་ཡིན།
པ་ལིན་རྒྱལ་པོ་ཧ་མ་ཏི་དང་ཨེ་ཅིབ་ཙུང་ཐུང་སའེ་ཞི། ཐུའུ་ཉི་སི་ཙུང་ཐུང་སའེ་དབྱི་ཏི། ཨ་ལེན་ཆིའུ་ཙུང་ཐུང་མུའུ་ཧན་མའོ་ཏི། ཨ་རབ་མནའ་འབྲེལ་གྱི་དྲུང་ཡིག་ཆེན་མོ་ཀའེ་ཐི་བཅས་ཀྱིས་སོ་སོར་ཤིས་ཚིག་ཕུལ། ཁོ་ཚོས་ཀྲུང་ཨ་མཉམ་ལས་གླེང་སྟེགས་བཙུགས་ནས་ལོ་ངོ20ལྷག་འགོར་བའི་རིང་ལ་ཨ་ཀྲུང་ཀྲུང་ཕྱོགས་གཉིས་ཀྱི་ཁྱབ་ཁོངས་སོ་སོའི་མཉམ་ལས་ཐད་བླངས་པའི་དགེ་མཚན་ལྡན་པའི་གྲུབ་འབྲས་ལ་གདེང་འཇོག་མཐོན་པོ་གནང་ཞིང་། སྔར་ལས་ལྷག་པར་ཨ་ཀྲུང་ཕྱོགས་ཀྱི་མཉམ་ལས་གཏིང་ཟབ་དུ་གཏོང་བ་ནི་ཨ་ཀྲུང་མི་དམངས་ཀྱི་ཐུན་མོང་ཕུགས་འདུན་ཡིན་པ་དང་། སྔར་ལས་དྲང་བདེན་ལུགས་མཐུན་གྱི་རྒྱལ་སྤྱིའི་སྒྲིག་ལམ་འཛུགས་རྒྱུར་སྐུལ་འདེད་གཏོང་བར་ཕན་པ་ཡོད་པར་བསྟན། ཨ་རབ་ཕྱོགས་ཀྱིས་ཀྲུང་གོའི་འཕེལ་རྒྱས་གྲུབ་འབྲས་དང་ཉམས་མྱོང་ལ་གདེང་འཇོག་མཐོན་པོ་གནང་ལ། ཀྲུང་གོས་ད་ལྟ་དང་མ་འོངས་པའི་འཛམ་གླིང་ཁྲོད་བྱེད་ནུས་གལ་ཆེན་འདོན་པར་ཚད་མཐོའི་མཐོང་ཆེན་བྱས་པ་དང་། ཀྲུང་གོ་གཅིག་གི་རྩ་དོན་བརྩི་སྲུང་བྱ་རྒྱུར་ཡང་བསྐྱར་གསལ་བསྒྲགས་གནང་ནས། ཀྲུང་གོས་རྒྱལ་ཁབ་བདག་དབང་དང་མངའ་ཁོངས་ཆ་ཚང་ལ་སྲུང་སྐྱོབ་བྱེད་པར་རྒྱབ་སྐྱོར་བྱས་ཏེ། ཀྲུང་གོ་དང་མཉམ་དུ་སྔར་ལས་ལྷག་པར་ཨ་ཀྲུང་ཕྱོགས་ཡོངས་ཀྱི་འཐབ་ཇུས་རོགས་ཟླའི་འབྲེལ་བའི་ཆུ་ཚད་མཐོར་འདེགས་སུ་བཏང་སྟེ། ཤུགས་ཆེན་པོས་དུས་རབས་གསར་པར་ཁ་ཕྱོགས་པའི་ཨ་ཀྲུང་ལས་དབང་གཅིག་མཐུན་ཚོགས་པ་འཛུགས་འདོད་ཡོད་པར་བསྟན།
མགོ་ཁྲིད་པ་རྣམས་ཀྱིས་ཀྲུང་གོས་ཕ་ལེ་སི་ཐན་གནད་དོན་སྟེང་དྲང་བདེན་གཞུང་དྲང་གི་ལངས་ཕྱོགས་བཟུང་པར་ཚད་མཐོའི་བསྟོད་བསྔགས་བྱས་ལ། ཀྲུང་གོ་དང་མཉམ་དུ་རོགས་ལས་དམ་ཟབ་དུ་བཏང་སྟེ། ཅ་ཧྲ་ས་ཁུལ་གྱི་ཛ་དྲག་གནས་བབ་དང་མི་ཆོས་ཉམས་ཉེན་ཞི་ལྷོད་དུ་གཏོང་བར་སྐུལ་འདེད་བཏང་ནས། ཕ་ལེ་སི་ཐན་མི་དམངས་ཀྱིས་སྒེར་ཚུགས་ཀྱི་རྒྱལ་ཁབ་འཛུགས་པ་མངོན་འགྱུར་དང་། ཕ་ལེ་སི་ཐན་གནད་དོན་སྔ་མོ་ནས་ཕྱོགས་ཡོངས་དང་དྲང་བདེན་ངང་ཐག་གཅོད་པར་སྐུལ་འདེད་གཏོང་འདོད་ཡོད་པར་བསྟན།
ཚའེ་ཆི་གོང་གསལ་བྱ་འགུལ་ལ་ཞུགས།
ཝང་དབྱི་ཡིས་མགོ་རྩོམ་མཛད་སྒོར་མགོ་འཛིན་གནང་། །
