بىڭتۈەن ئەڭ تۆۋەن مائاش ئۆلچىمىنى تەڭشىدى
1-ئاينىڭ 9-كۈنى، مۇخبىرنىڭ شىنجاڭ ئىشلەپچىقىرىش-قۇرۇلۇش بىڭتۈەنى ئادەم كۈچى بايلىقى ۋە ئىجتىمائىي كاپالەت ئىدارىسىدىن ئىگىلىشىچە، شىنجاڭ ئىشلەپچىقىرىش-قۇرۇلۇش بىڭتۈەنى 2025-يىل 1-ئاينىڭ 1-كۈنىدىن باشلاپ، ئەڭ تۆۋەن مائاش ئۆلچىمىگە قارىتا تەڭشەش ئېلىپ بارغان. بىڭتۈەن باشقۇرىدىغان شەھەرلەرنىڭ ئەڭ تۆۋەن مائاش ئۆلچىمى ئاپتونوم رايوننىڭ ئېلان قىلىش دائىرىسىگە كىرگۈزۈلدى، ئارال شەھىرى، تيېمېنگۇەن شەھىرى، كۆكدالا شەھىرى، ۋۇجياچۈ شەھىرى، خۇياڭخې شەھىرى، شىخەنزە شەھىرى، شىنشىڭ شەھىرىنىڭ ئايلىق ئەڭ تۆۋەن مائاش ئۆلچىمىنى ئېيىغا 1890 يۈەنگە تەڭشىدى، تۇمشۇق شەھىرى، شۇاڭخې شەھىرى، بەيياڭ شەھىرى، بېيتۈن شەھىرى، قۇرۇمقاش شەھىرى ئېيىغا 1750 يۈەنگە تەڭشىدى. سائەتلىك ئەڭ تۆۋەن مائاش ئۆلچىمىنى ئايرىم-ئايرىم ھالدا سائىتىگە 18.9 يۈەن، سائىتىگە 17.5 يۈەنگە تەڭشىدى.
ئايلىق ئەڭ تۆۋەن مائاش ئۆلچىمى پۈتۈن كۈنلۈك تۈزۈمدىكى ئىشقا ئورۇنلاشقان ئەمگەكچىلەرگە ماس كېلىدۇ، سائەتلىك ئەڭ تۆۋەن ئىش ھەققى ئۆلچىمى پۈتۈن كۈنلۈك تۈزۈمدە بولمىغان ئىشقا ئورۇنلاشقان ئەمگەكچىلەرگە ماس كېلىدۇ.
ئەڭ تۆۋەن مائاش ئۆلچىمى ئەمگەكچى ئۆزى تاپشۇرىدىغان ياشانغاندا كۈتۈنۈش پۇلى، ئىشسىزلىق، داۋالىنىش سۇغۇرتىسى ۋە تۇرالغۇ ئاممىۋى فوندى قاتارلىق خىراجەتلەرنى ئۆز ئىچىگە ئالىدۇ؛ ئۇزارتىلغان ئىش ۋاقتى مائاشى، چۈشلۈك ئىسمېنا، كېچىلىك ئىسمېنا، يۇقىرى تېمپېراتۇرىلىق، تۆۋەن تېمپېراتۇرىلىق، قۇدۇق ئاستى، زەھەرلىك، زىيانلىق قاتارلىق ئالاھىدە خىزمەت مۇھىتى ۋە شارائىتتىكى قوشۇمچە پۇل، قانۇن-نىزاملار ۋە دۆلەت بەلگىلىگەن ئەمگەكچىلەر پاراۋانلىق تەمىناتى قاتارلىقلارنى ئۆز ئىچىگە ئالمايدۇ.
مەنبە: خەلق تورى
بېكىتكۈچى: مىجىت ئابلا، ئابلىمىت بارى
مۇھەررىر : مەلىكەم مەمەت
ئىلگىرىكى خەۋەرلەر:
ۋاڭ شىڭ ئادەم توشۇپ-سېتىشتا زىيانكەشلىككە ئۇچرىغۇچى ئىكەن
جاڭ شيۇلۇڭنىڭ پارا ئېلىش دېلوسىغا 1-سوتتا ھۆكۈم ئېلان قىلىندى
قانۇنغا خىلاپ ھالدا باشقا جايدا قانۇن ئىجرا قىلىشقا بولمايدۇ
قارا قۇتا سانلىق مەلۇمات قازاقىستانغا ئۆتكۈزۈپ بېرىلدى
يان تېلېفوندا باھا سېلىشتۇرغىلى بولىدۇ! 29 ئۆلكە تورغا چىقاردى
ئاشقازان راكى بىمارلىرىغا يېڭى ئۈمىد
ھەر يىلى ئەڭ يۇقىرى بولغاندا 19 مىڭ200 يۈەن ياردەم پۇلى بېرىلىدۇ
يان تېلېفون، كومپيۇتېر سېتىۋالسا ياردەم تولۇقلىمىسى بېرىلىدۇ
ئاكسىيە نازارەتچىلىكى كومىتېتى بۇ ئۆسەك سۆزلەرگە رەددىيە بەردى
شەخسلەر ياشانغاندا كۈتۈنۈش پۇلىغا كىم قاتنىشالايدۇ
