人生有三把钥匙：接受、改变、离开

ھاياتتا ئۈچ ئاچقۇچ بار: قوبۇل قىلىش، ئۆزگىرىش، ئايرىلىش

ღ ღ ღ

很喜欢一句话：“人的生命，似洪水奔流，不遇着岛屿和暗礁，难以激起美丽的浪花。”

مۇنداق بىر جۈملىنى تولىمۇ ياخشى كۆرۈمەن: «ئادەمنىڭ ھاياتى ئۆركەشلەپ ئېقىۋاتقان كەلكۈن سۈيىگە ئوخشايدۇ، ئارال ۋە يوشۇرۇن خادا تاشلارغا ئۇچراپ تۇرمىسا، گۈزەل بۇژغۇنلارنى چاچرىتالمايدۇ».

我们的人生终究不是湖水，无法永远保持风平浪静，反倒随时都有可能波涛汹涌、打破表面的平淡。

ھاياتىمىز ئەسلىدىلا كۆل سۈيىگە ئوخىشمىغانلىقتىن، مەڭگۈ تىپتىنچ ھالىتىنى ساقلىشى قىيىن، ئەكسىچە، ھەر ۋاقىت دولقۇنلاپ مەۋج ئۇرۇشى كۆرۈنۈشتىكى ئاددىيلىقنى بۇزۇشى مۇمكىن.

然而正是一次次的跌宕起伏、悲喜交叠，拓展了生命的宽度和广度，让我们的人生更加立体、多样。

بىراق، ئارقا-ئارقىدىن يۈز بېرىدىغان ئېگىز-پەسلىكلەر، قايغۇ ۋە خۇشاللىقلارنىڭ ئارىلىشىپ كېلىشى ھاياتنىڭ كەڭلىكى ۋە يېيىلىشىغا تۈرتكە بولۇپ، ھاياتىمىزنى تېخىمۇ بەك ئىستېرېئولۇققا، كۆپ خىللىققا ئىگە قىلىدۇ.

面对这些起起落落，你的心态也极大程度决定了你的未来走向。

مۇشۇنداق كۆتۈرۈلۈپ-چۈشۈشلەرگە دۇچ كەلگەندە تۇتقان پوزىتسىيەڭىز سىزنىڭ كەلگۈسى يۆنىلىشىڭىزنى بەلگىلەيدۇ.

人生有三把钥匙，如果你时刻记得这三点，便能更加从容地面对生活，迎来更加广阔的天地。

ھاياتتا ئۈچ ئاچقۇچ بولىدۇ. ناۋادا، سىز ھەرۋاقىت مۇشۇ ئۈچ نۇقتىنى مەھكەم ئەستە ساقلىسىڭىز، تۇرمۇشقا بىمالال يۈزلىنىپ، تېخىمۇ بىپايان زېمىنغا ئېرىشىسىز.

ღ ღ ღ

很多时候出现问题时，人们会习惯性地抱怨，吐槽命运对自己不公；亦或逃避已经产生的危机。

كۆپىنچە ۋاقىتلاردا مەسىلە كۆرۈلگەندە، كىشىلەر تەقدىرنىڭ ئۆزىگە ئادىل بولمىغانلىقىدىن ئاغرىنىشقا ئادەتلەنگەن؛ ياكى ئاللىبۇرۇن يۈز بېرىپ بولغان كىرزىستىن ئۆزىنى ئېلىپ قېچىشقا كۆنگەن.

其实，这时最应该做的是——接受。

ئەمەلىيەتتە، بۇنداق ۋاقىتتا ئەڭ بەك قىلىشقا تېگىشلىكى دەل قوبۇل قىلىشتۇر.

一位作家曾说过：“人世间的任何境遇都有其优点和乐趣，只要我们愿意接受现实。”

بىر يازغۇچى ئىلگىرى: «پەقەت بىز رېئاللىقنى قوبۇل قىلىشنى خالىساقلا، ئىنسانىيەت دۇنياسىدىكى ھەرقانداق قىسمەتنىڭ ئەۋزەللىكى ۋە لەززىتى بولىدۇ» دېگەنىكەن.

当选择面对和接受时，内心的恐惧反而会逐渐消解，焦虑也能被逐渐放下。

يۈزلىنىش ۋە قوبۇل قىلىشنى تاللىغىنىمىزدا، ئىچكى دۇنيارىمىزدىكى ۋەھىمە ئەكسىچە بارا-بارا پەسىيىدۇ، تەشۋىشمۇ ئاستا-ئاستا يوقىلىدۇ.

冷静地分析完现状之后，你可能会发现，自己所担忧的一切，都只是外强中干的纸老虎。反而有时，是自己的逃避，无形中放大了恐慌。

ھازىرقى ئەھۋالنى سوغۇققانلىق بىلەن تەھلىل قىلىپ بولغاندىن كېيىن، سىز ئېھتىمال ئۆزىڭىز ئەنسىرىگەن بارلىق نەرسىلەرنىڭ «تېشى پال-پال، ئىچى غال-غال قەغەز يولۋاس» ئىكەنلىكىنى بايقىشىڭىز مۇمكىن. بىراق، بەزىدە ئۆزىمىزنى ئېلىپ قاچقىنىمىزدا، بىزدىكى ۋەھىمىنى يوشۇرۇن ھالدا كۈچەيتىۋېتىدۇ.

大学同学苗苗之前找我来吐槽公司交给她一个苦差，问我怎么推脱掉。

داشۆدىكى ساۋاقدىشىم مياۋ مياۋ ئىلگىرى ماڭا شىركىتىنىڭ ئۆزىگە جاپالىق ئىشتىن بىرنى تاپشۇرغانلىقىنى سۆزلەپ بېرىپ، قانداق قىلغاندا ئۇنىڭدىن ئۆزىنى ئېلىپ قاچالايدىغانلىقىنى سورىغانىدى.

详细了解才知道，是老板派人去外地出差两个月对接新项目，老员工们都不愿接这个烫手山芋，最后，她一个新人被推去。

ئىشنىڭ تەپسىلاتىنى ئاڭلىغاندىن كېيىن، غوجايىننىڭ يېڭى تۈرنى ئۇدۇللاشتۇرۇش ئۈچۈن ئىككى ئادەمنى باشقا جايغا كوماندىروپكىغا ئورۇنلاشتۇرغانلىقى، پېشقەدەم خىزمەتچىلەرنىڭ بۇ قىيىن ئىشنى قىلىشنى خالىماي، ئاخىرىدا ئۇنىڭغا ئوخشاش يېڭى خىزمەتچىنىڭ ئوتتۇرىغا چىقىپ قالغانلىقىنى بىلدىم.

得知此事，我耐心劝慰她：“你大学时不还经常被夸做事积极主动的嘛，怎么现在退缩了呢？没去做做，怎么就知道一定是个苦差呢？”

بۇ ئىشتىن خەۋەر تاپقاندىن كېيىن، مەن ئۇنىڭغا سەۋرچانلىق بىلەن تەسەللىي بەردىم: «سىز داشۆدىكى ۋاقىتلاردا دائىملا ئىشلارنى ئاكتىپ، تەشەببۇسكارلىق بىلەن قىلىمەن، دەپ ماختىناتتىڭىزغۇ، ئەمدى نېمىشقا چېكىنىپ قالدىڭىز؟ قىلىپ باقماي تۇرۇپ ئۇ ئىشنىڭ چوقۇم قىيىن ئىكەنلىكىنى قانداق بىلىسىز؟».

苗苗恍然大悟，静下心来分析了现在的工作内容，并提前做了不少功课和准备。

مياۋ مياۋ تۇيۇقسىز ھەممىنى چۈشەنگەندەك بولۇپ، كۆڭلىنى توختىتىپ ھازىرقى خىزمەت مەزمۇنىنى ئانالىز قىلغاندىن كېيىن، ئالدىنئالا نۇرغۇن نەرسە ئۆگەندى ۋە تەييارلىق قىلدى.

果不其然，完成这个新项目后，她因表现良好，被升职为部门主管，引得不少人羡慕。

دەرۋەقە، بۇ يېڭى تۈر تاماملانغاندىن كېيىن، ئۇنىڭ ئىپادىسى ياخشى بولغانلىقتىن، بۆلۈم مەسئۇللۇقىغا ئۆستۈرۈلۈپ، نۇرغۇن ئادەمنىڭ ھەۋىسىنى قوزغىدى.

其实人生就是这样，除了极少数的“生命无法承受之重”外，大部分问题都是我们可以解决的。

ئەمەلىيەتتە، ھاياتمۇ دەل مۇشۇنداق، بىز «ھاياتىمىز بەرداشلىق بېرەلمىگۈدەك ئېغىرچىلىقلار»دىن سىرت، كۆپىنچە مەسىلىلەرنى ھەل قىلالايمىز.

但前提是，我们不逃避和否认，不成为人生的逃兵，而是主动接受、冷静面对。

بىراق، ئالدىنقى شەرتى ئۆزىمىزنى ئېلىپ قاچماسلىقىمىز، ئىنكار قىلماسلىقىمىز، ھاياتتىكى قاچاق ئەسكەر بولۇپ قالماستىن، ئەكسىچە تەشەببۇسكارلىق بىلەن قوبۇل قىلىپ، سوغۇققانلىق بىلەن يۈزلىنىشىمىز كېرەك.

ღ ღ ღ

曾经听过这样一个故事：有头驴子不慎跌落入枯井，惨叫了好几个钟头，期待有人来救援。

ئىلگىرى مۇنداق بىر ھېكايە ئاڭلىغانىدىم: بىر ئېشەك ئېھتىياتسىزلىقتىن قۇرۇپ كەتكەن قۇدۇققا چۈشۈپ كېتىپتۇ ۋە ئېچىنىشلىق ھالدا بىر نەچچە سائەت ھاڭراپ، بىرەرىنىڭ كېلىپ ئۆزىنى قۇتقۇزۇۋېلىشىنى ئۈمىد قىلىپتۇ.

可谁曾想到，等来的竟是人们填井的一铲铲泥土。驴子立刻就意识到发生了什么事，开始更加绝望地嘶吼，试图博得一点同情。

بىراق، ئويلىمىغان يەردىن ئۇنىڭ كۈتۈپ-كۈتۈپ ئېرىشكىنى كىشىلەرنىڭ قۇدۇقنى تىندۇرۇش ئۈچۈن كەتمەنلەپ تاشلىغان توپىسى بوپتۇ. ئېشەك دەرھال نېمە ئىش بولغانلىقىنى چۈشىنىپ، تېخىمۇ ئۈمىدسىزلىك ئىچىدە ئېچىنىشلىق ھاڭراپ، ئازراق بولسىمۇ ھېسداشلىققا ئېرىشمەكچى بوپتۇ.

然而，填土的人无动于衷。驴子逐渐冷静下来，做了一个出乎意料的举动：它将砸到身上的土，迅速抖落下来，狠狠地踩在脚下。

بىراق، ئورەكنى تىندۇرۇۋاتقانلار بۇنىڭغا پەرۋامۇ قىلماپتۇ. ئېشەك بارا-بارا تىنچلىنىپ، كىشىنىڭ خىيالىغا كەلمەيدىغان ئىشتىن بىرنى قىپتۇ: ئۇ ئۈستىگە تاشلانغان توپىلارنى تېزلىكتە سىلكىپ چۈشۈرۈۋېتىپ، كۈچەپ چىڭداشقا باشلاپتۇ.

就这样，不一会儿，堆积的泥土竟然把驴子升到了井口，它纵身跳出枯井，在瞠目结舌的众人面前快步跑开。

مۇشۇنداق قىلىپ ئۇزاق ئۆتمەي تىدۇرۇلغان توپىلار ئېشەكنى قۇدۇق ئېغىزىغا چىقىرىپتۇ، ئۇ قۇرۇغان قۇدۇقتىن سەكرەپ چىقىپ، ھاڭۋېقىپ قالغان ئادەملەر ئالدىدىن يۈگۈرگىنىچە كېتىپ قاپتۇ.

驴子之所以能够在困境中找到如此奇妙的解决办法，归根结底是因为它学会了改变消极心态，哪怕在困境中，也能运用身边的资源，竭力地跳出现状。

ئېشەكنىڭ قىيىن ئەھۋالدا مۇشۇنداق ئاجايىپ ھەل قىلىش چارىسى تاپالىشىنىڭ سەۋەبىنى  تېگى-تەكتىدىن ئالغاندا، ئۇنىڭ پاسسىپ پوزىتسىيەنى ئۆزگەرتىشنى ئۆگىنىۋالغانلىقى، قىيىن شارائىتتىمۇ ئەتراپىدىكى بايلىقلاردىن پايدىلىنىپ، ھازىرقى ئەھۋالدىن پۈتۈن كۈچى بىلەن قۇتۇلۇپ چىققانلىقىغا يىغىنچاقلاشقا بولىدۇ.

生活丢给我们的困难和挫折，又何尝不像是那一铲铲泥土呢？

تۇرمۇش بىزگە بېرىدىغان قىيىنچىلىق ۋە ئوڭۇشسىزلىقلارنىڭ قايسىبىرى ئاشۇ كەتمەنلەپ تاشلانغان توپىلارغا ئوخشىمايدۇ؟

悲观和绝望有时会接连落到我们头上，但要想从这枯井里绝处逢生，那就要将它们通通都抖落在地，狠狠踩在脚下。

بەزىدە ئارقا-ئارقىدىن چۈشكۈنلۈك ۋە ئۈمىدسىزلىككە يولۇقىمىز. بىراق، مۇشۇ قۇرۇق قۇدۇقتىكى خەتەر ئىچىدىن ھاياتلىق يولى تاپماقچى بولساق، ئۇلارنىڭ ھەممىسىنى سىلكىپ چۈشۈرۈۋېتىپ، بار كۈچىمىز بىلەن دەسسەپ چىڭدىۋېتىشىمىز كېرەك. 

困境也是人生的一块垫脚石。要想虎口求生，就要学着改变现状，与绝境斗智斗勇。每战胜一次困难，我们离成功也就更近了一步。

قىيىنچىلىقنىمۇ ھاياتتىكى بىر شوتا دېيىشكە بولىدۇ. يولۋاس ئاغزىدىن قۇتۇلماقچى بولساق ھازىرقى ئەھۋالنى ئۆزگەرتىشنى بىلىۋېلىشىمىز، ئەقىل-پاراسەت ۋە جاسارىتىمىزنى ئىشلىتىپ قىيىن ئەھۋال بىلەن ئېلىشىشىمىز كېرەك. ھەر قېتىملىق قىيىنچىلىقنى يەڭگەندە، مۇۋەپپەقىيەتكە يەنە بىر قەدەم يېقىنلاشقان بولىمىز.

你遇到的可能是危机，也可能是转机。我们永远不知道危机的背后是否潜藏着机会，可能转念后就是一番新天地。

سىزنىڭ يولۇققىنىڭىز كىرزىس بولۇشىمۇ، بۇرۇلۇش بولۇشىمۇ مۇمكىن. بىز مەڭگۈ كىرزىسنىڭ ئارقىسىدا پۇرسەت يوشۇرۇنۇپ تۇرغان- تۇرمىغانلىقىنى بىلمەيمىز. ئېھتىمال يەنە ئويلاپ كۆرسەك، يېڭى بىر زېمىن ئېچىلىشى مۇمكىن.

每个敢于改变的人，总能在挑战中找到一线生机，转危为安、化险为夷。

ئۆزگىرىشكە جۈرئەت قىلىدىغان ھەربىر ئادەم رىقابەت ئىچىدىن ھاياتىي كۈچ تاپالايدۇ، خەۋپ-خەتەرنى ئامان-ئېسەنلىككە، بىخەتەرلىككە ئايلاندۇرالايدۇ.

ღ ღ ღ

我们必须要承认，不是和所有人的感情都能有结果，有时也会渐行渐远；不是所有你想要争取的事都会得偿所愿，有时也必须接受生命里会存在一些缺憾。

شۇنى ئېتىراپ قىلىشىمىز كېرەككى، ھەممە ئادەم بىلەن بولغان مۇناسىۋىتىمىزدىن نەتىجە چىقىشى ناتايىن، بەزىدە تېخى بارا-بارا يىراقلاپ كېتىشىمىزمۇ مۇمكىن؛ ئېرىشمەكچى بولغانلىرىڭىزنىڭ ھەممىسىگە ئېرىشەلىشىڭىز ناتايىن، بەزىدە تېخى ھاياتتىكى بىر قىسىم ئەپسۇسلىنىقلارنى قوبۇل قىلىشقا مەجبۇر بولۇشىڭىزمۇ مۇمكىن.

握得太紧的东西，碎了，就别再握了，扎疼的是自己；挽留不了的人，走了，就别再留了，强求的幸福不会长久；不愿接受的事情，成真了，就别再难过了，人生总要一直往前走。

بەك چىڭ تۇتۇۋالغان نەرسىلەر ئېزىلىپ كېتىپ، قايتا تۇتقىلى بولمايدۇ، ئاۋارىچىلىققا قالىدىغىنى ئۆزىڭىز بولىسىز؛ يېنىڭىزدىكى ئادەملەرنىڭ كەتكۈسى بولسا ئېلىپ قالماڭ. چۈنكى، مەجبۇرلاپ ئېرىشىلگەن بەخت ئۇزۇنغا بارمايدۇ؛ قوبۇل قىلىشنى خالىمىغان ئىشلار رېئاللىققا ئايلانغاندا، كۆڭلىڭىزنى يېرىم قىلماڭ. چۈنكى، ياشىغانىكەنمىز، ھامان ئالدىغا قاراپ مېڭىشىمىز كېرەك.

柏拉图曾说过：“如果不幸福，如果不快乐，那就放手吧；如果舍不得、放不下，那就痛苦吧。”

ئەپلاتون: «بەختلىك بولالمىسىڭىز، خۇشال بولالمىسىڭىز ۋاز كېچىڭ؛ قىيالمىسىڭىز، ۋاز كېچەلمىسىڭىز ئۇنداقتا ئازابلىنىڭ» دېگەنىكەن.

不要在应该放弃的时候过度消耗自己，也不要在可以转身的时候还恋恋不舍。对过往的沉溺不会改变已经发生的结果，反而会使自己过得愈发艰难。

ۋاز كېچىش ۋاقتى كەلگەندە، ئۆزىڭىزنى ھەددىدىن زىيادە ئۇپراتماڭ، ئارقىڭىزغا ئۆرۈلۈپلا كېتىدىغان ۋاقتىڭىز كەلگەندە، يەنە قىيالماي يۈرمەڭ. ئۆتمۈشكە پېتىپ قېلىش يۈز بېرىپ بولغان نەتىجىنى ئۆزگەرتەلمەستىن، ئەكسىچە سىزنى تېخىمۇ ئېغىر قىيىنچىلىقتا قالدۇرىدۇ.

时间不是药，时间里面藏着药。终有一天，曾经使你痛彻心扉的一切，都能被淡然说出。

ۋاقىت دورا ئەمەس، بىراق دورا ۋاقىتنىڭ ئىچىگە يوشۇرۇنغان بولىدۇ. ھامان بىر كۈنى ئىلگىرى سىزنى قاتتىق ئازابلىغان نەرسىلەرنى پەرۋاسىزلىق بىلەن ئېيتالايدىغان بولىسىز.

生活掌握在自己手中，没必要为别人委屈了自己，没必要为过去牺牲自己的快乐。无法接受，亦无法改变的，倒不如潇洒离开。

تەقدىرىمىز ئۆزىمىزنىڭ قولىدا، باشقىلار ئۈچۈن ئۆزىمىزنى ئۇۋالچىلىققا ئۇچرىتىشىمىز، ئۆتمۈش ئۈچۈن خۇشاللىقىمىزنى قۇربان قىلىشىمىز ھاجەتسىز. قوبۇل قىلالمىغان ياكى ئۆزگەرتەلمىگەندىن  كەسكىنلىك بىلەن ئايرىلغان ياخشى.

敢于去爱、敢于拥抱，也要敢于离开。不再适合的东西和感情，再不舍也要放手，为真正重要的腾出空间和心绪。当生活不再负重前行，未来才能如愿到来。

سۆيۈشكە، قۇچاقلاشقا، شۇنداقلا يەنە ئايرىلىشقىمۇ جۈرئەتلىك بولۇڭ. ماس كەلمەيدىغان نەرسىلەر ۋە ھېسسىياتلاردىن ھەرقانچە قىيمىسىڭىزمۇ ۋاز كېچىپ، ھەقىقىي مۇھىملىرىغا بوشلۇق ۋە روھىي ھالەت ئاجرىتىڭ. تۇرمۇشتا ئېغىر يۈك ئېلىۋالماي ماڭغاندا، ئاندىن كۈتكىنىڭىزدەك كەلگۈسىگە ئېرىشەلەيسىز.

遇到问题时，先积极面对、接受事情本身，再试着去找到解决途径，当一切无可奈何时就要潇洒离开，以免被问题拖垮。

مەسىلىگە يولۇققاندا، ئالدى بىلەن ئاكتىپلىق بىلەن يۈزلىنىشىمىز، مەسىلىنىڭ ئۆزىنى قوبۇل قىلىشىمىز، ئاندىن ھەل قىلىش يولى تېپىشقا ئۇرۇنۇشىمىز، ھېچقانداق ئامال قالمىغاندا كەسكىنلىك بىلەن ئايرىلىپ، مەسىلە سەۋەبلىك ئىشىمىزنىڭ ئاقساپ قېلىشىدىن ساقلىنىشىمىز كېرەك.

人生就像是一杯茶，不会苦一辈子，但总会苦一阵子，经历了苦难，前面可能就是美好在等候。

ھايات بىر ئىستاكان چايغا ئوخشايدۇ، بىر ئۆمۈر ئاچچىق بولۇشى ناتايىن. بىراق، ھامان بىر مەزگىل جاپا تارتىپ، بەزى جاپا-مۇشەققەتلەرنى باشتىن كەچۈرگەندىن كېيىن، گۈزەل كەلگۈسىگە يولۇقۇشىمىز مۇمكىن.

面对困难时，觉得人生悲苦、举目无望，不要后悔过去的付出，不要害怕前路的荆棘，鼓足勇气大步走，或许就能走出泥淖，看到柳暗花明。

قىيىنچىلىققا ئۇچراپ، ھاياتنى قايغۇ-ھەسرەتكە تولغاندەك ھېس قىلغان، ئۈمىدسىزلەنگەن ۋاقىتلىرىڭىزدا ئۆتمۈشتە تۆلىگەن بەدەللىرىڭىزگە پۇشايمان قىلماڭ، ئىلگىرىلەش يولىڭىزدىكى تىكەنلەردىنمۇ قورقماي، تولۇق غەيرەتكە كېلىپ چوڭ-چوڭ قەدەم تاشلىسىڭىز، ئېھتىمال پاتقاقلىقتىن چىقىپ، ھۈپپىدە ئېچىلغان گۈللەر، باراقسان ئۆسۈپ كەتكەن دەرەخلەرنى كۆرۈشىڭىز مۇمكىن.

تەييارلىغان مەزمۇنىمىز يارىغان بولسا، 

چەمبىرەككە ۋە ئەتراپىڭىزدىكىلەرگە يوللاپ قويغايسىز

         كۆرۈپ بېكىتكۈچى: ياسىن قادىر

         مەنبە: خەلق تورى

خەيرلىك كەچ سەھىپىسى

◇ خەيرلىك كەچ: تاماقنى ئوبدان يەيدىغانلار ئاددىي ئادەم ئەمەس

◇ خەيرلىك كەچ: بەك كۆپ ئويلىماڭ، قىلىپ بېقىپ ئاندىن بىر نەرسە دەڭ

◇ خەيرلىك كەچ: ئالىي دەرىجىلىك ساپا بۇ تۆت تەپسىلات ئىچىدە

◇ خەيرلىك كەچ: ياخشى ئۇخلاپ، ئويغانغاندا مەردانە ئالغا ئىلگىرىلەڭ

◇ خەيرلىك كەچ: «ئۆزىگە تايىنىش» دېيىلىدىغان بىر خىل كۈچلىنىش بار