عارىشكەرلى عارىش كەمەسى عارىش بەكەتىمەن دەربەس تۇردە تەز ارادا ءتۇيىسۋدى ءساتتى ورىنداعان سوڭ، شىنجوۋ 19 – ءنومىرلى عارىش اسپابىنداعى عارىشكەرلەر گرۋپپاسى الەم كەمەسىنىڭ قايتۋ بولمەسىنەن وربيتا بولمەسىنە كىردى. بەيجيڭ ۋاقىتى بويىنشا 2024 – جىلى 10 – ايدىڭ 30 – كۇنى ساعات 12 دەن 51 مينۋت وتكەندە، وربيتادا مىندەت اتقارىپ جاتقان شىنجوۋ 18 – ءنومىرلى عارىش اسپابىنداعى عارىشكەرلەر ”ءۇيدىڭ ەسىگىن“ ءساتتى اشىپ، الىستان كەلگەن شىنجوۋ 19 – ءنومىرلى عارىش اسپابىنداعى عارىشكەرلەردىڭ جۇڭگو عارىش بەكەتىنە ورنالاسۋىن قارسى الدى، 70 – جىلداردىڭ، 80 – جىلداردىڭ، 90 – جىلداردىڭ تۇلەكتەرى بولعان عارىشكەرلەر ”تيانگۇڭدا“ باس قوسىپ، جۇڭگونىڭ عارىش ىستەرى تاريحىنداعى 5 – رەتكى ”عارىشتا كەزدەسۋدى“ ورىندادى. ىلە – شالا، ەكى عارىشكەرلەر گرۋپپاسى ”وتباسىلىق سۋرەتكە“ ءتۇسىپ، ولارعا كوڭىل ءبولىپ وتىرعان بۇكىل ەلىمىز حالقىنا امان – سالەم جولدادى.
الدا ەكى عارىشكەرلەر گرۋپپاسى عارىشتا عارىش بەكەتىندە وربيتادا كەزەك الماستىرۋدى ورىندايدى. وسى ارالىقتا 6 عارىشكەر عارىش بەكەتىندە 5 كۇن بىرگە قىزمەت ىستەپ، بەلگىلەنگەن ءتۇرلى قىزمەتتەردى ورىندايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
