ནེ་ཙོ་དང་ཕོ་རོག
མན་དཱ་ལྷ（曼德拉）དེ་སྔོན་བཙོན་ཁང་དུ་ལོ་27བཅུག་པས། སྡུག་པོ་ཚད་མེད་མྱོང་དགོས་བྱུང་ཡོད། ཡིན་ནའང་། ཁོང་གིས་ཙུང་ཐུང་གི་འགན་བཞེས་སྐབས། སྔོན་མ་རང་ཉིད་ལ་སྡུག་པོ་གཏོང་མཁན་གྱི་སོ་པ་གསུམ་པོ་གདན་དྲངས་པ་མ་ཟད། ཡར་བཞེངས་ནས་ཁོང་ཚོར་གུས་འདུད་ཞུས་ཤིང་། སྐབས་དེར་དེར་འདུས་པའི་མི་ཚང་མ་ཙམ་མ་ཟད། ཐ་ན་འཛམ་བུ་གླིང་དེ་མ་ཉིད་དུ་ཁུ་སིམ་མེར་གྱུར། ཁོང་གིས་ང་རང་རང་དབང་ལ་ཕྱོགས་པའི་བཙོན་ཁང་གི་སྒོ་མོ་ནས་དོན་ཡོང་དུས། གལ་ཏེ་ངས་སྐྱོ་སྡུག་དང་འཁོན་སེམས་རྒྱབ་ཏུ་མ་བསྐྱུར་ན། ང་སྔར་བཞིན་བཙོན་ཁང་འདིར་བཅུག་ཡོད་པ་དང་ཁྱད་མེད་པ་གསལ་པོ་ཤེས་བྱུང་ཞེས་བརྗོད།
མི་གཞན་ལ་བསམ་ཤེས་བྱེད་པ་ནི། དོན་དུ་རང་ཉིད་ཐར་པར་གཏོང་བ་རང་ཡིན།
ཞི་མི་དང་ཕག་པ།
ཞི་མི་དང་ཕག་པ་གྲོགས་པོ་ཡག་པོ་ཞིག་རེད།
ཉིན་ཞིག་ཞི་མི་འོབས་དོང་ཆེན་པོ་ཞིག་ཏུ་ལྷུངས་པས། ཕག་པས་ལམ་སེང་ཐག་པ་ཁུར་ཡོང་།
ཞི་མིས་ཕག་པར་ཐག་པ་དབྱུགས་ཤོག་ཅེས་བཤད་པར་ཕག་པས་ཐག་པ་ཐག་སྒོར་གཅིག་རྦད་དེ་དབྱུགས་ཡོང་།
“རང་གིས་འདི་ལྟར་དབྱུགས་ཡོང་ནས་ཅི་ཡིན། ང་གང་འདྲ་བྱས་ཏེ་འཐེན་རྩིས་ཡོད”ཅེས་ཞི་མིས་ཡི་མུག་པའི་ཚུལ་གྱིས་བཤད།
ཕག་པས“ད་འོ་ན། གང་འདྲ་བྱས་ནས་དབྱུག་དགོས་རེད་དམ”ཞེས་དྲིས་པར“རང་གིས་ཐག་པའི་སྣེ་མོ་གཅིག་ནས་བཟུང་སྟེ་དབྱུག་ཡོང་དགོས”ཞེས་བཤད།
དེར་བརྟེན། ཕག་པས་ཐག་པའི་སྣེ་མོ་གཅིག་ནས་བཟུང་སྟེ། ལྡིག་སྒྲ་དང་བཅས་འོབས་དོང་ནང་མཆོངས་ཡོང་ནས། “ད་འདི་ལྟར་བྱས་ན་འགྲིག་པ་འདུག་གམ”ཞེས་དྲིས།
ཞི་མི་ངུ་ཤོར་ཞིང་། མཆི་མ་གཏོང་གིན་བདེ་སྐྱིད་ཀྱི་འཛུམ་མདངས་ཤིག་ངང་གིས་ཤོར།
མི་ཁ་ཤས་གྲུང་པོ་དང་སྤྱང་པོ་དེ་ཙམ་མེད་ཀྱང་། ཚེ་གང་བློ་གཏད་བཅོལ་ཆོག་གི་ཡོད། དེས་ན། ང་ཚོས་ཅི་ནས་ཀྱང་དེ་ཚོར་གཅེས་འཛིན་བྱེད་དགོས།
