ཁྲོ་ཚོགས་གཅིག་སྒྲུབ་ཁྲོ་བོ་ཀུན་གྱི་ངང་། །
ཁྲོ་རྒྱལ་མཁའ་འགྱིང་ཁ་ལ་ཕྱག་འཚལ་ལོ། །
དེ་ཡང་ལུང་ལས། བྱང་བགྲོད་སྟོབས་ལྡན་དཀར་ཕྱོགས་ལ། །ཞི་རྒྱས་ལས་ཀུན་ཤིས་པ་དང་། །ལྷོ་བགྲོད་མར་ངོ་ཁྱད་པར་དུ། །ཉི་མ་ཀླུངས་ཞུགས་དུས་ཉིད་ན། །དབང་དྲག་ལས་རྣམས་ནུས་ངར་ལྡན། །ཞེས་གསུངས་པ་བཞིན་དགུན་ཉི་ལྡོག་གི་སྐབས་སུ་དབང་དྲག་གི་ལས་ལྷག་པར་མྱུར་བ་ལ་དགོངས་ཏེ་སྔོན་བྱོན་མཁས་གྲུབ་གོང་མའི་ཕྱག་སྲོལ་ཇི་བཞིན་རྫ་སྟེང་ཆེན་དགོན་དཔལ་གཤེན་བསྟན་མདོ་སྔགས་བསྟན་རྒྱས་གླིང་གི་འཚོགས་ཆེན་བཞི་ཡི་ཡ་གྱལ། དགུ་དང་པོའི་དགུ་གཏོར་དགུན་ཉི་ལྡོག་དང་བསྟུན་ཏེ་གྲྭ་ཚང་ཡོངས་ཀྱིས་ཞི་བ་ཨ་གསལ་དང་སྦྲགས་ཏེ་ཁྲོ་བོ་ངོ་མཚར་རྒྱས་པའི་གཞུང་ཉིན་བདུན་གྱི་རིང་དུ་གསུང་རྒྱུ་དང་། བླ་གྲྭ་རྒན་པ་སྐོར་ཞིག་གིས་གདུགས་དཀར་སྲུང་ཟློག་གི་སྒྲུབ་པ་ཆ་ཚང་ཞིག་གསུངས་སྲོལ་ཡོད་པ་བཞིན་ད་ལོ་ཡང་སྤྱི་ཟླ 12 ཚེས 21_22 དང་བོད་ཟླ་ ༡༠ ཚེས ༢༡_༢༢ ཉིན་གཉིས་ཀྱི་རིང་དུ་སྟ་གོན་དང་བཅའ་གཞི་ལེགས་པར་མཛད་ནས། ཚེས་༢༣ ནས་༢༩བར་ཉིན་བདུན་གྱི་རིང་དུ་འཚོགས་རྒྱུ་བཅས་དད་ལྡན་ཡོངས་ཀྱི་ཐུགས་ངེས་པར་འཚལ་ཞེས་དྲན་བསྐུལ་དུ་བདག་གཉེར་འགན་འཛིན་ཁང་ནས།
མཐར་ནི་མཁའ་ཁྱབ་སེམས་ཅན་མ་ལུས་ཀུན།།
གཅིག་ཀྱང་ལུས་པ་མེད་པའི་མངོན་གྲོལ་ནས།།
འཁོར་བའི་རྒྱ་མཚོ་ཆེན་པོ་སྟོང་གྱུར་ཏེ།།
ཀུན་བཟང་བོན་སྐུའི་ཞིང་ཁམས་གནས་གྱུར་ཤོག།
ཞེས་སྨོན་པ་ཇི་བཞིན་འགྲུབ་པར་ཤོག །སརྦ་མངྒ་ལཾ།
འབྲེལ་གཏུག་བྱ་ཡུལ། བཤེར་རིས།
ཁ་པར། 17369050802 136 1813 8771
