ལུམས་བཅོས་བྱ་ཡུལ་དུ་ད་དུང་བོད་སྨན་གྱི་སྨན་རྒྱུ་དང་སྦྱོར་སྡེའི་ཡོ་བྱད་སྣ་ཚོགས་བསྒྲིགས་ནས་བོད་སྨན་གྱི་སྦྱོར་སྡེའི་བརྒྱུད་རིམ་དང་མ་བཅོས་རྒྱུ་ཆ་འདེམས་སྟངས་མངོན་པར་བྱས་ཡོད། སྨན་རྒྱུ་དེ་དག་གི་རྣམ་པ་མི་འདྲ་བ་དང་ཚོན་མདངས་རྣམ་པར་བཀྲ་བའི་རྩྭ་རྐང་རེ་རེས་རང་བྱུང་ཁམས་ཀྱི་ལེགས་སྐྱེས་དང་བོད་ལུགས་གསོ་རིག་གི་བློ་གྲོས་མངོན་ཡོད། བོད་སྨན་གྱི་ལུམས་བཅོས་ཧྲིལ་པོར་ངོ་མཚར་ཆེ་ལ་ཞི་མཐུན་གྱི་རྣམ་པས་ཁེངས་པ་དང་། གསར་འགོད་པ་གསོན་ཤུགས་དང་བློ་གྲོས་ཀྱིས་ཁེངས་པའི་ངོ་མཚར་ཆེ་བའི་འཇིག་རྟེན་ཞིག་ཏུ་གནས་པ་ལྟར་སྣང་། འདི་གར་མི་རྣམས་ཀྱིས་བོད་སྨན་གྱི་ལུམས་བཅོས་ཉམས་ལེན་བྱས་པ་བརྒྱུད་བོད་ལུགས་གསོ་རིག་དང་བོད་སྨན་རིག་གནས་ཀྱི་ཡིད་དབང་འཕྲོག་ཤུགས་ཚོར་བ་དང་། བདེ་ཐང་དང་ལུས་ཟུངས་གསོ་བའི་བདེན་ལུགས་འཚོལ་བཞིན་ཡོད།
སྲོལ་རྒྱུན་གྱི་སྨན་བཅོས་བྱེད་སྟངས་ལ་བརྟེན་ནས་ནད་པར་གཟུགས་པོ་བདེ་ཐང་ཡོང་བ་བྱས་པ་མ་ཟད། ཁོ་ཚོའི་སེམས་ནང་དྲོ་སྐྱིད་དང་རེ་བ་དེ་བས་མང་བ་སྦྱིན་ཡོད། སྟེང་ཆེན་རྫོང་སྨན་རྩིས་ཁང་གིས་བོད་སྨན་ལུམས་བཅོས་མཚོན་བྱེད་དུ་བྱས་པའི་ཁྱད་ལྡན་སྨན་བཅོས་བྱེད་ཐབས་དེས་ས་གནས་དེ་གའི་མི་སེར་གྱི་བདེ་ཐང་ལ་གཡས་གཞོགས་གཡོན་འདེགས་ཀྱི་ནུས་པ་རྒྱུན་ཆད་མེད་པར་འདོན་བཞིན་ཡོད་པས། བོད་ལུགས་གསོ་རིག་དང་བོད་སྨན་རིག་གནས་རྒྱུན་འཛིན་དང་དར་སྤེལ་གཏོང་བའི་གཡུལ་ས་གལ་ཆེན་ཞིག་ཏུ་གྱུར་ཡོད།
