ཟླ་7ཚེས་11ཉིན་བོད་ཀྱི་འཐུས་མི་ཚོགས་པའི་ལུས་རྩལ་པ་རིན་ཆེན་ལྷུན་གྲུབ་ལ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་སྐབས་བཅུ་གཉིས་པའི་མི་རིགས་རྟ་རྒྱུག་འགྲན་བསྡུར་གྱི་སྨི་3000རྣམ་གྲངས་ཀྱི་བྱ་དགའ་ཨང་དང་པོ་ཐོབ་པ་དང་བཀྲ་ཤིས་ཕུན་ཚོགས་ལ་བྱ་དགའ་ཨང་གཉིས་པ་ཐོབ་ཡོད།
ཟླ་7ཚེས་10ཉིན་བོད་ཀྱི་འཐུས་མི་ཚོགས་པའི་ལུས་རྩལ་པ་བསྟན་འཛིན་ཉི་མ་དང་བསྟན་འཛིན་བློ་བསྟན་སོ་སོར་རྟ་རྒྱུག་ཞར་འཕེན་རྣམ་གྲངས་ཀྱི་བྱ་དགའ་ཨང་གཉིས་པ་ཐོབ་པ་དང་། བསྟན་འཛིན་ཉི་མ་དང་། བསྟན་འཛིན་བློ་བསྟན། བསྟན་འཛིན་བློ་གྲོས་བཅས་ལ་རྟ་རྒྱུག་ཞར་འཕེན་རྣམ་གྲངས་ཀྱི་ཚོགས་པའི་བྱ་དགའ་ཨང་གཉིས་པ་ཐོབ་ཡོད། རིན་ཆེན་ལྷུན་གྲུབ་ལ་མི་རིགས་རྟ་རྒྱུག་འགྲན་བསྡུར་གྱི་སྨི་1000རྣམ་གྲངས་ཀྱི་བྱ་དགའ་ཨང་གཉིས་པ་ཐོབ་པ་དང་བཀྲ་ཤིས་ཕུན་ཚོགས་དང་ལུའུ་ཅང་ཧྥུང་སོ་སོར་མི་རིགས་རྟ་རྒྱུག་འགྲན་བསྡུར་གྱི་སྨི་1000རྣམ་གྲངས་ཀྱི་བྱ་དགའ་ཨང་གསུམ་པ་ཐོབ་ཡོད།
复搜一
