གོང་གི་ཡི་གེ་སྔོན་པོ་མནན་ནས་དོ་ཁུར་གནང་རོགས།
སྟེང་ཆེན་རྫོང་ཞིང་འབྲོག་ཚན་རྩལ་ཁྱབ་གདལ་ཞབས་ཞུ་ལྟེ་གནས་ཀྱི་ལག་རྩལ་མི་སྣས་སྔ་རྗེས་སུ་ཞེ་གཞུང་ཤང་དང་། ས་མདོ་ཤང་། སེར་ཚྭ་ཤང་སོགས་ཤང་དང་གྲོང་བརྡལ་ཁག་ལ་རང་རེའི་རྫོང་གི་རིམ་པ་གཉིས་པའི་ས་བོན་དང་ཞིང་ནང་གི་རྩྭ་གནོད་ཀྱི་དངོས་ཡོད་གནས་ཚུལ་དང་ཟུང་འབྲེལ་བྱས་ཏེ་བདེ་འཇགས་ལྟ་སྐུལ་ནན་པོའི་འོག་སྔོན་ཐོན་གྱི་ཞིང་ལས་འཕྲུལ་ཆས་ཅན་གྱི་ལག་རྩལ་ཁྱབ་གདལ་དང་དར་སྤེལ་ཧུར་ཐག་བྱེད་པ་དང་། མི་མེད་གནམ་གྲུའི་གཏོར་སྨན་ལ་བརྟེན་ནས་ལས་སྒྲུབ་དུས་ཚོད་དང་། མི་ཤུགས། ངལ་རྩོལ་ནུས་ཤུགས་སོགས་གྲོན་ཆུང་ནུས་ལྡན་དང་། ཞིང་ཁའི་དུག་རྩྭ་འགོག་བཅོས་ལས་ཀའི་མ་གནས་དམའ་རུ་བཏང་ཡོད།
ཤེས་རྟོགས་བྱུང་བར་གཞིགས་ན། སྟེང་ཆེན་རྫོང་ཞིང་འབྲོག་ཚན་རྩལ་ཁྱབ་གདལ་ཞབས་ཞུ་ལྟེ་གནས་ཀྱིས་འདི་ལོའི་ཟླ་བ་༥པའི་ཟླ་མཇུག་ནས་བཟུང་ཕྱོགས་གཅིག་ནས་གྲལ་བཤེར་དང་། ཕྱོགས་གཅིག་ནས་སྔོན་འགོག་བྱེད་པའི་ལས་ཀའི་བྱེད་ཐབས་སྤྱད་དེ་ཞིང་ནང་དང་མུ་ཁར་རྒྱུན་ཆད་མེད་པར་བསྐྱོད་དེ་ནད་འབུའི་གནོད་འཚེ་འགོག་བཅོས་ཀྱི་ལས་དོན་རྒྱུན་མཐུད་ངང་སྤེལ་བ་དང་། ཟླ་བ་༦པའི་ཚེས་༡༩ཉིན་བར་སྟེང་ཆེན་རྫོང་གི་རིམ་པ་གཉིས་པའི་ས་བོན་ཞིང་ཁ་མུའུ་༥༥༥༢ཙམ་གྱི་ཁྲོད་ནས་མུའུ་༢༠༠༠ལྷག་ཙམ་གྱི་ནད་འབུའི་གནོད་འཚེ་གཅིག་གྱུར་འགོག་བཅོས་ཀྱི་དབང་སྒྱུར་ལས་དོན་ལེགས་སྒྲུབ་བྱས་པ་དང་། སྟེང་ཆེན་རྫོང་གི་འབྲུ་རིགས་ཐོན་ཚད་མཐོ་རུ་གཏོང་བ་དང་ཞིང་ལས་ཐོན་འཕར་དང་ཞིང་པའི་འབབ་འཕར་ལ་སྐུལ་འདེད་གཏོང་བ། ཞིང་ལས་དེང་རབས་ཅན་འཛུགས་སྐྲུན་མངོན་འགྱུར་ཡོང་ཆེད་བཅས་ལ་རྨང་གཞི་བཏིང་ཡོད།
གོམ་སྟབས་རྗེས་མར། སྟེང་ཆེན་རྫོང་ཞིང་འབྲོག་ཚན་རྩལ་ཁྱབ་གདལ་ཞབས་ཞུ་ལྟེ་གནས་ཀྱི་ཞིང་ལས་ལག་རྩལ་མི་སྣ་མུ་མཐུད་གཞི་རིམ་དུ་བསྐྱོད་དེ་སྟོན་བསྡུའི་བར་ཞིང་ནང་གཡོག་བྱེད་ལས་དོན་ཡག་པོ་བསྒྲུབས་ནས་རང་རེའི་རྫོང་གི་འབྲུ་རིགས་འབབ་འཕར་ལས་དོན་ལ་ནུས་ཤུགས་ཧུར་ཐག་ངང་འདོན་རྒྱུ་རེད་འདུག
更多的精彩内容欢迎关注珠峰云APP
ནང་དོན་དེ་བས་མང་བ་གཟིགས་འདོད་ན།
ཇོ་རིའི་སྤྲིན་སྟེགས་ཕབ་ལེན་གནང་རོགས།
ཡོང་ཁུངས། སྟེང་ཆེན་རྫོང་མཉམ་འདྲེས་སྨྱན་སྦྱོར་ལྟེ་གནས།
ཞུ་དག་པ། སྒྲོལ་དཀར།
