WXRedian | 琼鹏丁青 | ཕྲུ་གུར་ཅ་ལག་འདི་འདྲ་འཚོང་མཁན་གྱི་ཚོང་ཁང་4ལ……

ཕྲུ་གུར་ཅ་ལག་འདི་འདྲ་འཚོང་མཁན་གྱི་ཚོང་ཁང་4ལ……

民生 2024-05-30 18:26 西藏

ཉེ་ཆར། ལྷ་ས་གྲོང་ཁྱེར་རྡོ་ཐ་ཆེད་འཚོང་ཅུས་ཀྱིས་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་དང་ལྷ་ས་གྲོང་ཁྱེར་སློབ་གསོ་ཅུས་དང་མཉམ་དུ་ཐ་མག་ཁྲོམ་རར་ཆེད་དོན་ཞིབ་བཤེར་བྱས་ནས་ནར་མ་སོན་པའི་ཕྲུ་གུའི་བདེ་ཐང་ལ་འགན་ལེན་བྱས་པ་རེད།

སྐོར་ཞིབ་སྐོར་འདྲི་བྱས།

སློབ་མའི་བདེ་ཐང་སྲུང་།

ད་ཐེངས་ཀྱི་ཆེད་དོན་ཞིབ་བཤེར་བྱེད་སྐབས། ལྷ་ས་གྲོང་ཁྱེར་གྱི་སློབ་གྲྭ་འབྲིང་ཆུང་དང་བུ་བཅོལ་ཁང་མཐའ་འཁོར་གྱི་སྨི་60ནང་ཚུན་གྱི་ཚོང་ཁང་དང་། སྒོ་རྩིས་ཚོང་ཁང་ཆུང་གྲས། ཡིག་ཆས་ཚོང་ཁང་སོགས་ཞིབ་བཤེར་བྱ་ཡུལ་གཙོ་བོར་བཞག་ཅིང་། ཚོང་ཁང་འདི་དག་ནང་ནར་མ་སོན་པའི་ཕྲུ་གུར་ཐ་མག་དང་གློག་རྡུལ་ཐ་མག་འཚོང་བའི་བྱེད་སྤྱོད་ལྡན་མིན་དང་། ཐ་མག་ཉོ་མཁན་གྱི་ལོ་ཚད་ལ་ནན་པོ་བརྟག་མིན། རྡོ་ཐ་ཆེད་འཚོང་དང་སིལ་འཚོང་གིས་ཆོག་འཐུས་ལག་ཁྱེར་གཉེར་ཡོད་མེད། མངོན་ཆེ་སར་ནར་མ་སོན་པའི་ཕྲུ་གུར་ཐ་མག་འཚོང་མི་ཆོག་པའི་སྦྱར་ཚིག་སྦྱར་ཡོད་མེད་སོགས་ལ་ཞིབ་བཤེར་གཙོ་བོ་བྱས་པ་རེད།

དེ་དང་ཆབས་ཅིག ཁྲིམས་སྒྱུར་བས་ཞིབ་བཤེར་བྱེད་ཞོར་བཅའ་ཁྲིམས་ཁྱབ་གདལ་བཏང་ཞིང་། ནར་མ་སོན་པའི་ཕྲུ་གུ་སྲུང་སྐྱོང་གི་བཅའ་ཁྲིམས་དང་རྡོ་ཐ་ཆེད་འཚོང་བཅའ་ཁྲིམས་དྲིལ་བསྒྲགས་ཟབ་མོ་བྱས་ལ། 12313རྡོ་ཐ་ཁྲོམ་རའི་ཐེར་འདོན་ཞུ་གཏུག་གི་ཁ་པར་ཨང་གྲངས་དྲིལ་བསྒྲགས་བྱས་པ་མ་ཟད། ནར་མ་སོན་པའི་ཕྲུ་གུར་ཐ་མག་དང་གློག་རྡུལ་ཐ་མག་འཚོང་བའི་བྱེད་སྤྱོད་མང་ཚོགས་ཀྱིས་ཐེར་འདོན་བྱ་རྒྱུར་ལྕག་སྐུལ་བྱས་ནས་སྤྱི་དམངས་ཀྱིས་སློབ་གྲྭའི་མཐའ་འཁོར་དུ“དུ་མེད་ཁོར་ཡུག”ཅིག་མཉམ་དུ་གཏོད་པར་སྐུལ་སློང་སྐུལ་ཁྲིད་བྱས་པ་རེད།

བཅོས་སྒྲིག་ཤུགས་ཆེན་བྱས།

སྐྱོན་བརྗོད་སློབ་གསོ་བརྒྱབ།

ད་ཐེངས་ཀྱི་ཆེད་དོན་ཞིབ་བཤེར་རིང་སློབ་གྲྭའི་མཐའ་འཁོར་གྱི་ཚོང་ཁང་4ཡིས་ཐ་མག་གཱ་འཚོང་གི་ཡོད་པ་ཤེས་རྟོགས་བྱུང་ནས། རང་སར་ཚོང་ཁང་ནང་གི་ཅ་དངོས་འདི་དག་ཚོང་སྒྲོམ་ནས་ཕབ་ཏུ་བཅུག་པ་མ་ཟད། ད་དུང་ཚོང་ཁང་གི་སྦྱིན་བདག་ལ་སྐྱོན་བརྗོད་སློབ་གསོ་ཡང་བརྒྱབ་པ་རེད།

ཡོང་ཁུངས། བོད་ལྗོངས་ཉིན་རེའི་ཚགས་པར་བོད་ཡིག་སྙན་སྦྱོར་།

རྩོམ་སྒྲིག་པ། སྐལ་བཟང་ཚེ་དབང་།

ཞུ་དག་པ། སྒྲོལ་དཀར།

琼鹏丁青

丁青县官微，发布丁青政务信息、经济发展、民生服务、文化旅游等新闻资讯，全方位宣传丁青的新气象、新变化、新面貌和新展望，展示丁青人的时代风采。