༄༅༎ སྟེང་ཆེན་རྫོང་གིས་དྲུག་གཅིག་གྲ་སྒྲིག་ལེགས་པོ་བྱེད་བཞིན་འདུག

རལ་པའི་ཞབས་བྲོ་ནི་ལོ་རྒྱུས་ཡུན་རིང་ལྡན་པ་དང་ཐུན་མོང་མ་ཡིན་པའི་ཁྱད་ཆོས་ལྡན་པའི་སྲོལ་རྒྱུན་ཞབས་བྲོ་ཞིག་ཡིན། དེའི་དཔའ་ཉམས་ལྡན་ལ་སྤྲོ་སེམས་རབ་ཏུ་འཁོལ་བའི་ཞབས་བྲོའི་སྟངས་སྟབས་ལ་བརྟེན་ནས་སྐད་གྲགས་ཆོད་ཡོད། འདི་ལོའི་དྲུག་གཅིག་བྱིས་པའི་དུས་ཆེན་ལ་ས་སྒང་ཤང་སློབ་ཆུང་གིས་ཀྱང་རལ་པའི་ཞབས་བྲོ་གྲ་སྒྲིག་བྱེད་བཞིན་ཡོད་པ་དང་སློབ་མ་ཚོས་ལུས་ཀྱི་ཉམས་དང་སྤྲོ་སེམས་རབ་ཏུ་འཁོལ་བའི་ཐོག་ནས་རལ་པའི་ཞབས་བྲོའི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཕུན་སུམ་ཚོགས་པོའི་ངང་འཁྲབ་སྟོན་བྱས་ཏེ་ཕུལ་བྱུང་གི་མི་རིགས་རིག་གནས་དེ་གཞོན་ནུ་ལོ་ཆུང་གི་སེམས་ནང་རྩ་བ་ཚུགས་པ་དང་མྱུ་གུ་འབུས་པ་བྱས་ནས་མི་རབས་ནས་མི་རབས་བར་རྒྱུན་འཛིན་བྱེད་བཞིན་ཡོད།

ཞེ་གཞུང་ཤང་ཞོར་གཏོགས་བུ་བཅོལ་ཁང་གི་བྱིས་པ་ཆུང་ཆུང་ཚོས་ཀྱང་དྲུག་གཅིག་བྱིས་པའི་དུས་ཆེན་གྱི་རིག་རྩལ་འཁྲབ་སྟོན་བྱེད་སྒོར་ནུས་ཤུགས་ཡོད་རྒུ་འདོན་བཞིན་ཡོད། ཁྲེང་ལན་པང་ཅཱ་ནི་འཛིན་གྲྭ་ཆེན་བའི་གྲོགས་པོ་ཆུང་ཆུང་ཞིག་ཡིན། ཁོས་གྲོགས་པོ་ཆུང་ཆུང་ཚོ་དང་མཉམ་དུ་ཐོན་ལ་ཉེ་བའི་དྲུག་གཅིག་གི་དུས་ཚོད་ལ་རོལ་བར་རེ་སྒུག་བྱེད་ཀྱིན་ཡོད། ད་ལོ་ཁོ་མོ་ཚོས་ཁྱེར་ཡོང་བ་ནི་དེང་རབས་ཞབས་བྲོ་ཞིག་རེད།

རྫོང་སློབ་ཆུང་དུ་ཕྲུ་གུ་ཚོས་ཀྱང་དགེ་རྒན་གྱི་སྣེ་ཁྲིད་འོག་སློབ་གསེང་གི་དུས་ཚོད་སྤྱད་དེ་ལེ་ཚན་ནང་སྦྱོང་ཧུར་ཐག་བྱས་ནས། རུ་སྟར་སྒྲིག་པ་དང་འགུལ་སྟངས་གང་ཞིག་ཡིན་རུང་ཚང་མ་སྦྱོང་བརྡར་ཡང་ཡང་བྱེད་ཀྱི་ཡོད།ལུས་རྩལ་ར་བའི་ནང་དུ་སྤྲོ་སྐྱིད་ཀྱི་དགོད་སྒྲས་ཁེངས་ལ་དགེ་རྒན་དང་སློབ་གྲོགས་ཚང་མས་ཆེས་བཟང་བའི་རྣམ་འགྱུར་དང་ནུས་ཤུགས་ཡོད་རྒུ་བཏོན་ནས་བྱིས་པ་ཚང་མར་གར་སྟེགས་སྟེང་དུ་རང་རང་གི་ཁྱད་ཆོས་མངོན་དུ་འཇུག་པར་བརྩོན་ལེན་བྱེད་བཞིན་ཡོད།

更多的精彩内容欢迎关注珠峰云APP