སློབ་མ་ཚེ་རིང་ལྷ་མོར་ཆིང་ཧྭ་སློབ་ཆེན་གྱི་དངོས་གཞིའི་ཚན་ཁག་གི་སློབ་ཚུད་བརྡ་ཐོ་འབྱོར་ཞིང་། ད་ལོའི་མཐོ་རྒྱུགས་ནང་ཞུགས་མཁན་སློབ་མ་ཚེ་རིང་ལྷ་མོ་ཆིང་ཧྭ་སློབ་ཆེན་གྱི་དངོས་གཞིའི་ཚན་ཁག་གི་ཁྲིམས་ལུགས་རིག་པའི་ཆེད་ལས་ལ་རྒྱུགས་འཕྲོད་ཡོད།
ཚེ་རིང་ལྷ་མོས། སློབ་ཚུད་བརྡ་ཐོ་འབྱོར་སྐབས་ང་རང་སེམས་འགུལ་ཆེན་པོ་ཐེབས་བྱུང་ལ་དགའ་སྤྲོ་ཚད་མེད་ཀྱང་སྐྱེས་བྱུང་། ཆིང་ཧྭ་སློབ་ཆེན་ནི་ངའི་ཕུགས་བསམ་ཡིན། སླད་ཕྱིན་ངས་དགེ་རྒན་དང་ཕ་མའི་རེ་བ་སྟོང་ཟད་དུ་མ་བཏང་བར་སློབ་སྦྱོང་ཡག་པོ་བྱས་ཏེ་གྲུབ་འབྲས་སྔར་ལས་ལེགས་པའི་སྒོ་ནས་ཕ་མ་དང་དགེ་རྒན་གྱི་དྲིན་ལན་འཇལ་རྒྱུ་དང་སྤྱི་ཚོགས་ལ་ཕན་ཐོགས་པའི་མི་ཞིག་བྱེད་ཀྱི་ཡིན་ཞེས་བརྗོད།
སློབ་མ་ཚེ་རིང་ལྷ་མོར་རྟེན་འབྲེལ་ཞུ། ཆིང་ཧྭ་སློབ་ཆེན་གྱི་ཞིང་ས་གཤིན་པོར་ཁྱེད་ཀྱི་རེ་བའི་ལས་ལ་འབྲས་བཟང་སྨིན་པའི་སྨོན་འདུན་ཞུ།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
