སྤྱི་ཚོགས་ཀྱི་ལས་དོན་སློབ་གྲྭར་སྤེལ་རྒྱུ་ཚད་ལྡན་དུ་བཏང་ནས་སློབ་གྲྭ་འབྲིང་ཆུང་གི་དགེ་རྒན་གྱི་ཁུར་པོ་ཡང་དུ་གཏོང་བའི་ཆེད་དོན་བཅོས་སྒྲིག་ལས་དོན་སྤེལ་རྒྱུའི་སྐོར་གྱི་སྤྱི་བསྒྲགས།
《སྤྱི་ཚོགས་ཀྱི་ལས་དོན་སློབ་གྲྭར་སྤེལ་རྒྱུ་ཚད་ལྡན་དུ་བཏང་ནས་སློབ་གྲྭ་འབྲིང་ཆུང་གི་དགེ་རྒན་གྱི་ཁུར་པོ་ཡང་དུ་གཏོང་བའི་ཆེད་དོན་བཅོས་སྒྲིག་ལས་དོན་སྤེལ་རྒྱུའི་སྐོར་གྱི་ཀྲུང་དབྱང་སློབ་གསོ་ལས་དོན་འགོ་ཁྲིད་ཚོགས་ཆུང་གི་དྲུང་ཡིག་ཙུའུ་ཡི་བརྡ་ཐོ》དང་རང་སྐྱོང་ལྗོངས་ཏང་ཨུད་སློབ་གསོ་ལས་དོན་འགོ་ཁྲིད་ཚོགས་ཆུང་གི་དྲུང་ཡིག་ཙུའུ་ཡི《<སྤྱི་ཚོགས་ཀྱི་ལས་དོན་སློབ་གྲྭར་སྤེལ་རྒྱུ་ཚད་ལྡན་དུ་བཏང་ནས་སློབ་གྲྭ་འབྲིང་ཆུང་གི་དགེ་རྒན་གྱི་ཁུར་པོ་ཡང་དུ་གཏོང་བའི་ཆེད་དོན་བཅོས་སྒྲིག་ལས་དོན་སྤེལ་རྒྱུའི་སྐོར་གྱི་ཇུས་གཞི>བཀྲམ་རྒྱུའི་སྐོར་གྱི་བརྡ་ཐོ》ཡི་དགོངས་དོན་ལག་བསྟར་དོན་འཁྱོལ་དང་། དེ་བཞིན་ཕྱི་ཚུལ་རིང་ལུགས་བཅོས་སྒྲིག་བྱས་ནས་གཞི་རིམ་གྱི་ཁུར་པོ་ཡང་དུ་གཏོང་བར་རྒྱུན་མཐུད་སྐུལ་འདེད་དང་སློབ་གྲྭ་འབྲིང་ཆུང་གི་དགེ་རྒན་གྱི་སློབ་གསོ་སློབ་ཁྲིད་དང་འབྲེལ་བ་མེད་པའི་ཁུར་པོ་ཡང་དུ་ཏན་ཏིག་གཏོང་ཆེད། སྤྱི་ཚོགས་ཀྱི་ལས་དོན་སློབ་གྲྭར་སྤེལ་རྒྱུ་ཚད་ལྡན་དུ་བཏང་ནས་སློབ་གྲྭ་འབྲིང་ཆུང་དགེ་རྒན་གྱི་ཁུར་པོ་ཡང་དུ་གཏོང་བའི་ཆེད་དོན་བཅོས་སྒྲིག་ལས་དོན་སྤེལ་རྒྱུ་གཏན་འཁེལ་བྱས་པ་ཡིན། ད་ལྟ་རང་སྐྱོང་ལྗོངས་དང་། ས་ཁུལ(གྲོང་ཁྱེར) རྫོང(ཆུས)བཅས་རིམ་གསུམ་སློབ་གསོ་སྲིད་འཛིན་སྡེ་ཚན་གྱི་ཐེར་འདོན་ཁ་པར་ཨང་གྲངས་དང་གློག་རྡུལ་ཡིག་སྒམ་བཀྲམ་ནས་འབྲེལ་ཡོད་ཀྱི་ཐེར་འདོན་དང་ཞུ་གཏུག་སྐོར་བདག་སྤྲོད་བྱེད་ཀྱི་ཡོད།གཅིག བཅོས་སྒྲིག་གི་ནང་དོན། སྤྱི་ཚོགས་ཀྱི་ལས་དོན་སློབ་གྲྭར་སྤེལ་བ་ལས་དགེ་རྒན་གྱི་ཁུར་པོ་ལྕི་རུ་འགྲོ་བའི་གནད་དོན་ལ་དམིགས་ཏེ། སློབ་གསོ་སློབ་ཁྲིད་དང་འབྲེལ་བ་མེད་པའི་བྱེད་སྒོ་དང་ལས་ཀ་རང་དགར་སློབ་གྲྭར་སྤེལ་བའི་གནས་ཚུལ་ལ་བཅོས་སྒྲིག་བྱེད་རྒྱུ་ཡིན་པ་དང་། དེ་བཞིན་སྤྱི་ཚོགས་ཀྱི་ལས་དོན་སློབ་གྲྭར་སྤེལ་རིང་ཉེར་སྤྱོད་བྱ་རིམ(应用程序)དང་། ལས་ཀའི་སྐད་འཕྲིན་ཚོགས་པ། འབྱོར་ཐོ་འགོད་པ། སྐད་འཕྲིན་ལུག་འབྲེལ།(接龙) པར་རྒྱག་པ། གནས་ཚུལ་གནད་ཞུ་སོགས་གང་བྱུང་དུ་སྤྱད་ནས་ལས་ཀའི་རྣམ་པར་མཐོང་ཆེན་བྱེད་པ་ལས་ཕན་འབྲས་ལ་སྣང་ཆུང་བྱེད་པའི་ཕྱི་ཚུལ་རིང་ལུགས་ལ་གཅིག་སྡུད་བཅོས་སྒྲིག་བྱེད་ཀྱི་ཡིན།གཉིས། ཐེར་འདོན་བྱེད་སྟངས། གལ་ཏེ་བཅོས་སྒྲིག་གི་ནང་དོན་དང་འཚམ་པའི་འབྲེལ་ཡོད་གནད་དོན་ཤེས་རྟོགས་བྱུང་ཚེ། ཐེར་འདོན་ཁ་པར་ལམ་གློག་རྡུལ་ཡིག་སྒམ་བརྒྱུད་རང་གནས་ཡུལ་གྱི་སློབ་གསོའི་སྲིད་འཛིན་སྡེ་ཚན་ནམ་ཡང་ན་དེའི་གོང་རིམ་སློབ་གསོ་སྲིད་འཛིན་སྡེ་ཚན་ལ་ཐེར་འདོན་བྱེད་ཆོག ཐེར་འདོན་བྱེད་པར་ཁུངས་སྣེ་ཞིབ་ཕྲ་ཡོད་དགོས། སྒེར་གྱི་མིང་ཐོག་ནས་ཐེར་འདོན་བྱེད་པར་ངེས་པར་དུ་མིང་ངོ་མ་འགོད་དགོས་པ་དང་ཚན་པའི་མིང་ཐོག་ནས་ཐེར་འདོན་བྱེད་པར་ཚན་པའི་ཐམ་ག་རྒྱག་དགོས།གསུམ། ཐེར་འདོན་ཁ་པར་ལེན་པའི་དུས་ཚོད་རྒྱུན་ལྡན་གྱི་ལས་ཀའི་དུས་ཚོད་ཡིན།ཟུར་བཀོད། ལྗོངས་ཡོངས་ཀྱི་ཐེར་འདོན་ཁ་པར་ཨང་གྲངས་དང་ཡིག་སྒམ།
བོད་རང་སྐྱོང་ལྗོངས་སློབ་གསོ་ཐིང་ནས།
