ཉེ་ཆར། ལྷོ་ཁ་གྲོང་ཁྱེར་རྒྱ་ཚ་རྫོང་ཀུན་ཁམས་གྲོང་ཚོར། རྒྱ་ཚ་རྫོང་གི་ཚོང་འགུགས་མ་འདྲེན་གྱི་གཙོ་གནད་རྣམ་གྲངས་ཏེ། མུའུ་ཁྲི་ཡི་ས་མཐོའི་ཨ་ཤོམ་ཞིང་ནང་དུ་གཞི་ཁྱོན་ཆེན་པོས་ཚོད་འདེབས་བྱེད་འགོ་ཚུགས་པ་དང་། ཞིང་པ་ཚོ་ཁོད་བསྙམས་པའི་ཞིང་ནང་དུ་ས་སློག་པ་དང་། སོན་གཏོར་བ། འགྱིག་ཤོག་སྲབ་མོ་གཡོག་པ་སོགས་ཀྱི་ལས་ལ་བྲེལ་བཞིན་ཡོད་པ་རེད།ཀུན་ཁམས་གྲོང་ཚོའི་ཡུལ་མིས་ཞིང་ནང་དུ་ཨ་ཤོམ་འདེབས་བཞིན་པ། འབྲེལ་ཡོད་ལག་རྩལ་མི་སྣས་ངོ་སྤྲོད་བྱས་པར། ས་མཐོར་ཨ་ཤོམ་འདེབས་པར་ཉི་འོད་ཡག་པ་དང་ཐོན་རྫས་ལ་ནད་འབུའི་གནོད་འཚེ་ཉུང་བའི་ཁྱད་ཆོས་ཡོད། 2021ལོར་ཧུའུ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་གིས་མཐུན་སྦྱོར་བརྒྱུད། ཧུའུ་པེ་ཞིང་ཆེན་ཞིང་ལས་ཚན་རིག་ཁང་གིས་ལྷོ་ཁ་གྲོང་ཁྱེར་དུ་ལོ་གསུམ་རིང་ཨ་ཤོམ་ཚོད་འདེབས་བྱས་ཤིང་། ཚོད་འདེབས་ཀྱི་འབྲས་བུ་ལས་མངོན་པར། ཨ་ཤོམ་གྱི་སྐྱེ་འཚར་ཡག་པོ་ཡོད་པས་གཞི་ཁྱོན་ཅན་གྱི་འདེབས་འཛུགས་ལ་འཚམ་པོ་ཡོད་པ་རེད།གྲོང་ཚོའི་ཡུལ་མིས་ཚོད་ལྟའི་ཞིང་ནང་དུ་ཨ་ཤོམ་འདེབས་བཞིན་པ། 2023ལོར། ཧུའུ་པེ་ཞིང་ཆེན་དབྱི་ཁྲང་གྲོང་ཁྱེར་གྱི་བོད་སྐྱོར་ལས་དོན་རུ་ཁག་གིས་ཚོང་འགུགས་མ་འདྲེན་བརྒྱུད། རྒྱལ་ནང་གི་སོན་འདེབས་སྣེ་འདྲེན་ཁེ་ལས་ཏེ། ཧུའུ་པེ་ཁང་ནུང་སོན་རིགས་མ་རྐང་ཚད་ཡོད་ཀུང་སིའི་ཡན་ལག་ཀུང་སི་རྒྱ་ཚ་རྫོང་དུ་དངོས་སུ་བཙུགས་པ་རེད། ད་ཐེངས་ཀུན་ཁམས་གྲོང་ཚོར་ཚོད་འདེབས་བྱས་པའི་ཨ་ཤོམ་གྱི་སྣ་ཁ་ནི་ཁེ་ལས་དེས་འདེམས་གསོ་བྱས་པའི“ཀའོ་ཁང་ཨང་2པ”ཡིན་པ་དང་འདེབས་ཁྱོན་ལ་མུའུ་450ཡོད་པ་རེད།
