རྒྱ་ཆེའི་གྲོང་མི་གྲོགས་པོ་རྣམ་པ་ཚོར།
རང་རྫོང་གི་མེ་ཟོན་རོགས་སྐྱོབ་དང་། འཕྲལ་སྡོམ་ཁ་འགྲེམ། སྤྱི་པའི་འཕྲོད་བསྟེན་ལས་དོན་བཅས་ཀྱི་ནུས་པ་ཆེ་རུ་ཏན་ཏིག་གཏོང་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོང་ནུས་ལྡན་བྱ་ཆེད། རང་རྫོང་གིས་2024ལོའི་ཟླ་9ཚེས་29ཉིན་ནས་2024ལོའི་ཟླ་10ཚེས་20ཉིན་བར་མེ་ཟོན་རོགས་སྐྱོབ་དང་།འཕྲལ་སྡོམ་ཁ་འགྲེམ།སྤྱི་པའི་འཕྲོད་བསྟེན་སོགས་ཀྱི་ཕྱོགས་བསྡུས་ནང་སྦྱོང་བྱ་རྒྱུ་ཡིན། ད་ལྟ་འབྲེལ་ཡོད་དོན་དག་སྤྱི་བསྒྲགས་བྱེད་རྒྱུ་གཤམ་གསལ།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མེ་ཟོན་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐོལ་བྱུང་སྤྱི་པའི་འཕྲོད་བསྟེན་དོན་རྐྱེན་གྱི་འཕྲལ་སྡོམ་སྲོལ་ཡིག་》སོགས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གཞིར་བཟུང་། ནང་སྦྱོང་གི་དགོས་མཁོ་དང་ཟུང་འབྲེལ་བྱས་ཏེ། ནང་སྦྱོང་གི་འབྲེལ་ཡོད་ས་ཁོངས་ལ་དུས་མཚམས་དབྱེ་ནས་གནས་སྐབས་འགྲིམ་འགྲུལ་དང་དེ་བཞིན་མི་སྣར་དོ་དམ་ཚོད་འཛིན་བྱ་རྒྱུ་དང་། ནང་སྦྱོང་མཇུག་སྒྲིལ་རྗེས་དུས་ཐོག་ཏུ་འགྲོ་ལམ་འགྲིམ་འགྲུལ་རྒྱུན་གཏན་ལྟར་ཤར་གཏོང་ཐུབ་པ་བྱ་རྒྱུ། རྒྱ་ཆེའི་གྲོང་མི་གྲོགས་པོ་དང་རླངས་འཁོར་རྣམ་ནང་སྦྱོང་ས་ཁོངས་ནས་གཡོལ་ནས་བསྐྱོད་རོགས།
ནང་སྦྱོང་རྐྱེན་གྱིས་རྒྱ་ཆེའི་གྲོང་མིའི་ལས་ཀ་དང་འཚོ་བར་སྟབས་མི་བདེ་བ་བཟོས་པ་དགོངས་དག་ཞུ། ད་ཐེངས་ཀྱི་ནང་སྦྱོང་གི་སྒྲིག་ལམ་དང་མི་སྣའི་བདེ་འཇགས་འགན་ལེན་བྱེད་ནས། རླངས་འཁོར་འགག་པ་དང་བསམ་ཡུལ་ལས་འདས་པའི་གནས་ཚུལ་མི་ཐོན་པ་བྱ་ཆེད། རྒྱ་ཆེའི་གྲོང་མི་གྲོགས་པོ་ཚོས་ལྟད་མོ་མི་བལྟ་བ་དང་ནང་སྦྱོང་གི་འབྲེལ་ཡོད་སྐད་སྒྲ་དང་བརྙན་ལམ་གྱི་ཆ་འཕྲིན་པར་ལེན་དང་ཡོངས་བསྒྲགས་བྱེད་མི་ཆོག ཡུལ་དངོས་ཀྱི་བཀོད་འདོམས་དང་ལེན་བྱེད་ནས། ནང་སྦྱོང་གི་སྒྲིག་ལམ་སྲུང་སྐྱོང་བྱེད་དགོས། དེ་དང་ཆབས་ཅིག་ནང་སྦྱོང་བྱེད་རིང་ནང་སྦྱོང་ནང་ཞུགས་མཁན་རླངས་འཁོར་དང་མི་སྣ་ནང་སྦྱོང་བྱ་ཡུལ་དུ་བསྡུ་རུབ་བྱེད་ནས། འགྲོ་འོང་བྱེད་མཁན་གྲོང་མི་རྣམས་དངངས་སྐྲག་གཏན་ནས་བྱེད་མི་དགོས། རྒྱུན་གཏན་གྱི་ལས་ཀ་དང་འཚོ་བའི་སྒྲིག་ལམ་རྒྱུན་འཁྱོངས་བྱེད་ནས། དཀྲོག་གཏམ་ལ་ཡིད་ཆེས་མི་བྱེད་པ་དང་། དཀྲོག་གཏམ་མི་བཤད་པ། དཀྲོག་གཏམ་བརྒྱུད་བསྒྲགས་མི་བྱེད་པ་བཅས་བྱེད་དགོས། བདེན་པ་མིན་པ་དང་དོན་དངོས་དང་མི་མཐུན་པའི་ཆ་འཕྲིན་ཡོངས་བསྒྲགས་བྱེད་མི་ཆོག པར་རིས་དང་སྒྲ་བརྙན་ཆ་འཕྲིན་རྫུས་མ་བཟོ་བ་དང་བརྒྱུད་སྤེལ་བྱེད་མཁན་དེ་བཞིན་དཀྲོག་གཏམ་བརྒྱུད་བསྒྲགས་བྱེད་མཁན་བཅས་ལ་སྤྱི་བདེ་ལས་ཁུངས་ཀྱིས་ཁྲིམས་ལྟར་འབྲེལ་ཡོད་མི་སྣར་བཅའ་ཁྲིམས་ཀྱི་འགན་འཁྲི་རྩད་གཅོད་བྱ་རྒྱུ། རྒྱ་ཆེའི་མང་ཚོགས་དང་རླངས་འཁོར་རྣམ་ནང་སྦྱོང་ས་ཁོངས་ནས་གཡོལ་ནས་བསྐྱོད་རོགས།
སྟེང་ཆེན་རྫོང་མི་དམངས་སྲིད་གཞུང་ནས།
2024ལོའི་ཟླ་བ་9པའི་ཚེས་29ཉིན།
ཡོང་ཁུངས། སྟེང་ཆེན་རྫོང་མི་དམངས་སྲིད་གཞུང་
