گۈزەل ھايات 10-بۆلۈم45-قىسىم _ئويلىنىپ باقاي

 45-قىسىم

ئويلىنىپ باقاي

پەرغانە ئۇنىڭ ئۈستىگە ئاتلاپ چىقىپ، قورسىقىدا يېتىپ :

   -   تېز ئۇخلاڭ،  مەن سىزنى ئۇخلىتىپ قوياي... - دېدى. 

ئىلزات يەنە گەپ قىلالمىدى.  

  -  ئويغانغاندىن كېيىن مېنى ئويناتقىلى ئېلىپ چىقىڭ بولامدۇ؟؟  - دېدى پەرغانە.

ئىلزات كۈلۈپ كېتىپ:

   -  مەن سىزنىڭ بىكاردىن بىكار بۇنداق قىلمايدىغانلىقىنى بىلەتتىم! چۈشۈپ كېتىڭ،  مەن يا سىز بولمىسام، ئۆزۈم ئۇخلىيالايمەن! - دېدى.  

پەرغانە نارازى بولۇپ، ئىككى قولىنى قوۋۇشتۇرۇپ، دىمىقىنى قېقىپ كەينىگە بۇرۇلۇپلا كېتىپ قالدى.

  -  توختاپ تۇرۇڭ.  - دېدى ئىلزات تۇيۇقسىز. پەرغانە بۇرۇلۇپ ئۇنىڭغا قاراپ:

- ھە؟  - دېدى.

 - ھى...  ئاپىڭىز تۈنۈگۈن كەچتە بۇلاردىن باشقا يەنە نېمە دېدى؟ - دەپ سورىدى.

پەرغانە بىر ئاز ئويلىنىۋالغاندىن كېيىن، بېشىنى چايقاپ:

   -  باشقا گەپ قىلمىدى، - دېدى. 

ئىلزاتنىڭ چىرايى تۇتۇلۇپ، يوتقاننى تارتىپ بېشىنى يېپىۋالدى.

ئەسلىدە بۇ ئىش مۇشۇ يەردە ئاخىرلىشىدۇ دەپ ئويلىغان ئىدى، بىراق ئويلىمىغان يەردىن ئۇزاق ئۆتمەي، بىرسى توردا بۇ ئىشنى ئاشكارىلىدى.

ئىلزات ئىلگىرى كۆڭۈل ئېچىش خەۋەرلىرىدە دائىم پەيدا بولۇپ تۇرىدىغان كىشىلەرنىڭ بىرى ئىدى، ئۇنىڭ كۆڭۈل بۆلۈش دەرىجىسى يەنىلا يۇقىرى.

ئۇنىڭ ئۈستىگە ئائىلىسىنىڭ ھازىرقى ئەھۋالىدا، بۇنداق خەۋەر چىقىپ قالسا،  قىزىقىدىغانلار كۆپ چىقاتتى.

ئۇزاق ئۆتمەي، ئىلزاتنىڭ قاۋاقخانىدا ئاياللار ئۈچۈن ئۇرۇشقان ئىشىنى ھەممە ئادەم دېگۈدەك بىلىپ كەتتى.

ھەتتا ئىككىنچى كۈنى پەرىدەنىڭ كېپىل بولۇپ ئېلىپ چىققانلىقىنىمۇ  ئېنىق ئېلان قىلىشىتى.

شىرئەلىنىڭ تېلېفونى خەۋەر چىقىپ ئۇزۇن ئۆتمەيلا كەلدى.

پەرىدە ئاشخانىدا بالا باققۇچىدىن چۈشلۈك تاماق ئېتىشنى ئۆگىنىۋاتاتتى.

مېھمانخانىدا كارتون فىلىم كۆرۈۋاتقان پەرغانە تېلېفوننى ئالدى،  شىرئەلى بىلەن خۇشال پاراڭلاشقاچ، پەرىدەنىڭ يېنىغا كېلىپ، تېلېفوننى سۇنۇپ:

-پەرىدە، شىرئەلى تاغامكەن، - دېدى.

پەرىدە ئىلاجسىزلىق ئىچىدە:

   -  ۋەي؟ - دېدى. 

  -  خەۋەرنى كۆردىڭىزمۇ؟ - دېدى شىرئەلى. 

  -  نېمە خەۋەر؟  - دېدى پەرىدە.

  -  ئىلزاتنىڭ تۈنۈگۈن كەچتە بىر ئايال ئۈچۈن ئۇرۇشقانلىقى ھازىر توردا ئېلان قىلىندى، سىز بېرىپ ئۇنى كېپىللىكە ئېلىپ چىقىپسىز، بۇ ئىشلارنى ھەممە ئادەم بىلىدۇ. ئۇزاق ئۆتمەي، ئىككىڭلارنىڭ مۇناسىۋىتىمۇ ئېلان قىلىنىدۇ، سىز راستتىنلا مۇشۇنداق كەينىگە سۈرمەكچىمۇ؟ - دېدى شىرئەلى. 

پەرىدە قوشۇمىسىنى تۈردى.

شىرئەلى سۆزىنى داۋاملاشتۇرۇپ:

   - پەرىدە، بۇ ئىش ئارقا - ئارقىدىن تارتىلىپ چىقىدۇ، ھەممە ئادەمنىڭ دىققىتى سىزگە چۈشىدۇ، سىلەرنىڭ نېمىشقا تۇيۇقسىز توي قىلغانلىقىڭلارنى بىلىش ئۇلار بىلمەكچى بولغان ئىش... يەنە پەرغانەنىڭ ئىشىمۇ بار،  ئۇلار ھەرگىز بوش قويۇۋەتمەيدۇ... پەرغانە ھېچنېمىنى خاتا قىلمىدى، سىز ئۇنى  كىچىك تۇرۇپلا مۇشۇنداق نەرسىلەر بىلەن ئۇچراشتۇرامسىز؟ - دېدى. 

  -  ئەگەر بۇ ئىش پەقەت پۇل خەجلەپ بىر تەرەپ قىلغىلى بولىدىغان ئىش بولسا، ئۆزۈم بىر تەرەپ قىلالايمەن. - دېدى پەرىدە.

شىرئەلى ئۇنىڭ گېپىنى ئاڭلاپ:

   -  پەرىدە، پەرغانە راستتىنلا سىزنىڭ سىڭلىڭىزمۇ؟ - دەپ سورىدى. 

ئۇنىڭ ئۇشتۇمتۇت قىلغان بۇ گېپى پەرىدەنىڭ يۈرىكىنى بىردىنلا ئەندىكتۈرۋەتتى، ئويلانمايلا  :

  -  مېنىڭ سىڭلىم بولمىسا، سىزنىڭ نىمىتى؟؟ - دېدى.

  -  مەن پەقەت قىزىقىپ قالدىم،  ئەينى يىلى تۇيۇقسىز يوقاپ كەتكەن ئاشۇ بىر نەچچە ئايدا زادى نېمە ئىشلارنى قىلدىڭىز؟ شىركەتنىڭ پېيىنى قولىڭىزدا چىڭ تۇتسىڭىز بولىدۇ، بىراق تۇيۇقسىز  سىڭلىڭىزنىڭ كۆپىيىپ قېلىشى راستتىنلا نورمالمۇ؟  - دېدى شىرئەلى.

پەرىدە قولىنى مەيدىسىگە قويۇپ، جىددىيلەشكەن يۈرىكىنى بېسىۋېلىپ:

- قەيىرى نورمال ئەمەس؟ مېنىڭچە، پەقەت كۆڭلى قارا ئادەملەرلا، بۇ ئىشنىڭ ھەممە يېرى نورمال ئەمەستەك ھېس قىلىدۇ! - دېدى. 

- ئۇنداقتا نېمىگە جىددىيلىشىسىز؟ - دېدى شىرئەلى دەرھال گەپ قايتۇرۇپ.

پەرىدە شۆلگىيىنى يۇتۇۋېلىپ، مەيدىسىگە قويغان مۇشىتىمىنى تۈگۈپ:

  -  ئۇنداق ئىش يوق ... - دېدى.

- پەرىدە، مەن راستتىنلا  پەرغانەنىڭ سىڭلىڭىز بولۇشىنى ئۈمىد قىلىمەن ... - دېدى شىرئەلى.

پەرىدە لېۋىنى چىڭ چىشلەپ گەپ قىلمىدى.

شىرئەلى يەنە سۆزىنى داۋاملاشتۇرۇپ:

   -  ئۇنداقتا، ئۇ راستتىنلا سىزنىڭ سىڭلىڭىزمۇ؟  - دەپ سورىدى.

بۇ مەسىلە شىرئەلىنىڭ قەلبىدە ئۇزۇنغىچە بېسىلىپ قالغانىدى، ئۇنىڭ ئاشۇ بىر نەچچە ئايلىق ئىز-دېرەكسىز يوقاپ كېتىشى ۋە قايتا پەيدا بولغاندىن كېيىن تۇيۇقسىز كۆپىيىپ قالغان سىڭلىسى، بۇ ئىككى ئىش ئادەمنى ئاسانلا باشقىچە ئويلاندۇرۇپ قوياتتى.

ئۇ پەرىدەنىڭ ئاتا-ئانىسىنىڭ مۇناسىۋىتىنىڭ ياخشىلىقىنى،  دادىسىنىڭ ئايالىدىن ئايرىلىپ قېلىپ، بىر يىلدىن كېيىنلا باشقا ئايال بىلەن بالىلىق بولۇشىنىڭ مۇمكىن ئەمەسلىكىنى بىلەتتى.

ئەگەر راستتىنلا شۇنداق بولسا، ئۇنداقتا ئۇ مەيلى قانداق تەكشۈرسۇن، نېمىشقا پەرغانەنىڭ ئاپىسىنىڭ كىملىكىنى تاپالمايدۇ؟

پەرىدەنىڭ دادىسى كېتىپ قالغان بولسىمۇ، ئۇ ئايالنىڭ ھامان بىر خەۋىرى بولۇشى كېرەكقۇ.

-  سىز زادى نېمە دېمەكچى؟  - دېدى پەرىدە.

  -  سىز  پەرغانەنى دەپ بىرەر نەرسىنى يوشۇرسىڭىزمۇ ھېچقىسى يوق، پەقەت ئۇنىڭ ئىلزات بىلەن مۇناسىۋىتى بولمىسىلا، چاتاق يوق. - دېدى شىرئەلى. 

  -  بۇنىڭ سىز بىلەن ئالاقىسى يوق، كۆپ نەرسىلەرنى بىلىشىڭىزنىڭمۇ ھاجىتى يوق... - دېدى پەرىدە. 

- پەرىدە، - دېدى شىرئەلى يۇقىرى ئاۋازدا، -  ئويلاپ باقتىڭىزمۇ، ئەگەر ئاخبارات ۋاسىتىلىرى دىققەت-ئېتىبارىنى پەرغانەگە قاراتسا،  ئەڭ ئاخىرىدا بىرەر نەرسىنى بايقىمىغان تەقدىردىمۇ، يەنە ئىلزات بار. سىز ئۇنىڭ بۇنىڭغا ئازراقمۇ پەرۋا قىلمايدىغانلىقىغا، ھەتتا ھېچنېمىنى تەكشۈرمەيدىغانلىقىغا كاپالەتلىك قىلالامسىز؟  - دېدى.

پەرىدەنىڭ تېنى سەل-پەل تىترەپ:

- ئۇ نېمىنى تەكشۈرىدۇ؟ پەرغانە مېنىڭ سىڭلىم... - دېدى. 

- پەرىدە،  دېدىمغۇ، ھازىر بەك جىددىيلىشىپ كېتىۋاتىسىز، بۇ زادى نېمە ئۈچۈن؟  دېدى شىرئەلى. 

ئويلىمىغان يەردىن يەنە بىر قېتىم باشقىلار تەرىپىدىن ئېچىپ تاشلانغاندىن كېيىن، پەرىدەنىڭ يۈرىكى تۇيۇقسىز سىقىلىپ، نېمە دېيىشىنى بىلەلمەي قالدى، ئەمما ئىختىيارسىز تېلېفوننى قويۇۋەتتى.

پەرغانە ياندا تۇرۇپ ئۇنىڭغا قارىدى، يوغان كۆزلىرىنى چىمچىقلىتىپ گۇمانلىنىپ:

- پەرىدە، سىز نېمىدىن قورقىسىز؟ شىرئەلى تاغام، سىزنى بوزەك قىلدىمۇ؟ - دەپ سورىدى. 

پەرىدە پەرغانەگە ئۇزۇنغىچە تىكىلىپ قاراپ تۇرغاندىن كېيىن، ئاستا بېشىنى چايقاپ:

-  ياق.  - دېدى.

پەرغانە يەنىلا ئەنسىرەپ، قولىنى سوزۇپ پەرىدەنىڭ قورسىقىنى سىلاپ:

  -  قورقماڭ، مەن سىزنى قوغدايمەن، - دېدى. 

پەرىدەنىڭ كۆزلىرى شۇ ھامان ئىلىقلىققا تولۇپ، پەرغانەنىڭ كىچىك بېشىنى سىيلاپ:

-مەنمۇ چوقۇم سىزنى ياخشى قوغدايمەن. - دېدى.

بۇ چاغدا قىسقا ئۇچۇر كەلدى، شىرئەلىنىڭ ئۇچۇرى ئىدى.

[بىز ئەڭ ياخشىسى بىر كۆرۈشەيلى. بىردەمدىن كېيىن، مەن سىزنى ئالغىلى بارىمەن. ] - دېدى شىرئەلى.

  [ھاجىتى يوق. ] پەرىدە كەسكىن جاۋاب قايتۇرۇپ، پەرۋاسىزلىق بىلەن تېلېفوننى يىغىشتۇردى.

40 مىنۇتقىچە، پەرىدە ئاشخانىدا تۇرغان بولسىمۇ، ئانچە كۆپ قورۇما تەييار قىلالمىدى.

بالا باققۇچى بىر نەچچە قېتىم چىقىپ كېتىشنى ئېيتقان بولسىمۇ، ئەڭ ئاخىرىدا پەرغانە  قورسىقىم ئاچتى دەپ غەلۋە قىلغاندىن كېيىن، پەرىدە بۇ قېتىملىق تاماق ئېتىشنى ئۆگىنىش پۇرسىتىدىن ۋاز كېچىپ، ئاشخانىدىن چىقىپ كەتكەن.

لېكىن ئۇزۇن ئۆتمەي، ئىشىك قوڭغۇرىقى جىرىڭلاپ، شىرئەلىنىڭ سىماسى ئىشىك ئالدىدا پەيدا بولدى.

پەرىدە قوشۇمىسىنى تۈرۈپ:

   -   ئەۋەتكەن ئۇچۇرنى تاپشۇرۇۋالمىدىڭىزمۇ؟ - دېدى. 

  -  مېنىڭچە كېلىشىم زۆرۈر. شىركەت ئۈچۈن، پەرغانە ئۈچۈن، سىز ئۈچۈن... - دېدى شىرئەلى. 

  -  مەن ئۈچۈن دېمەڭ!  - دېدى پەرىدە ئۇنىڭ گېپىنى سوغۇقلا ئۈزۈۋېتىپ، -  نېمىنى بىلىسىز؟   نېمىنى ئىسپاتلىماقچى؟ سىزنىڭچە مېنىڭ ھازىر  ئۆتەلمەيدىغان قانداق ئۆتكىلىم باركەن؟  

 بۇ ئۆمرۈمدىكى بېسىپ تۇنجۇقتۇرۇپ قويغىلى تاس قالغان بىردىنبىر ئىشمۇ ئۆتۈپ كەتتى! مەن ھەتتا ئەڭ ئىشەنگەن، بىردىنبىر ئىشەنگەن،  مېنىڭ بارلىق چېكىنىش يولۇم دەپ قارىغان ئادەممۇ ئاسىيلىق قىلغانتى ئوخشاشلا ئۆتۈپ كەتتى، ھازىر مەن بەرداشلىق بېرەلمەيدىغان يەنە قانداق ئىش بولاتتى؟   - دېدى.

شىرئەلى لەۋلىرىنى چىڭ يۇمۇپ:

   - پەرىدە، مېنىڭ سىزگە زىيانكەشلىك قىلىش نىيىتىم يوقلىقىنى بىلىشىڭىز كېرەك. ئەزەلدىن يوق... - دېدى. 

پەرىدەمۇ ئۆزىنىڭ ھازىرقى كەيپىياتىنىڭ كونتروللۇقىنى يوقاتقانلىقىنى بىلىپ، چوڭقۇر  نەپەس ئالدى، يېنىدىكى پەرغانەنىڭ بېشىنى كۆتۈرۈپ ئۇلارغا قاراپ تۇرغانلىقىنى كۆردى.

شىرئەلى يەنە:

   -  مېنى كىرىپ ئولتۇرۇشقا تەكلىپ قىلمامسىز؟ - دېدى. 

پەرىدە بۇ چاغدا رەت قىلسىمۇ، شىرئەلىنىڭ ئۇنداق ئاسانلىقچە قايتىپ كەتمەيدىغانلىقىنى بىلەتتى، بىراق ...

 ئىككىنچى قەۋەت تەرەپكە قاراپ قويۇپ، ئاخىرى چاپىنىنى ئېلىپ، كىيگەچ پەرغانەگە قاراپ:

   -  پەرغانە ئۆيدە ياۋاشلىق بىلەن  مومىڭىز  بىلەن بىردەم ئويناپ تۇرۇڭ، مەن بىردەم سىرتقا چىقىپ كىرەي، - دېدى. 

پەرغانە ئۇنىڭ پۇتىنى قۇچاقلاپ تۇرۇپ:

- پەرىدە سىزنى باشقىلار بوزەك قىلدىمۇ؟  - دەپ سورىدى.

 پەرىدە مۇلايىملىق بىلەن كۈلۈپ:

 ‐  شىرئەلى تاغىڭىزدىن سوراپ بېقىڭ، - دېدى. 

پەرغانە بۇرۇلۇپ شىرئەلىگە يوغان كۆزلىرى چىمچىقلىتىپ قارىدى.

شىرئەلى سۇس كۈلۈپ تۇرۇپ:

   -  مەن پەرىدەنى ياخشى كۆرۈپ ئۈلگۈرەلمەيۋاتسام، ئۇنى قانداقمۇ بوزەك قىلىشقا چىدايمەن؟  - دېدى.

پەرغانە خۇشال ھالدا كۈلۈپ تۇرۇپ:

   -  شىرئەلى تاغا سىز پەرىدەنى ياخشى كۆرەمسىز؟ - دەپ سورىدى.

شىرئەلى بېشىنى لىڭشىتىپ:

   -  ئەلۋەتتە.  - دېدى.

- بىراق سىز پەقەت ئازراقلا ياخشى كۆرسىڭىز بولىدۇ، پەرىدە ئىلزاتنىڭ،  بەك  ياخشى كۆرسىڭىز بولمايدۇ.  - دېدى پەرغانە.

شىرئەلىنىڭ چىرايىدىكى كۈلكىسى قېتىپ قالدى.

لېۋىنى پۈرۈشتۈرۈپ، گەپ قىلالماي قالدى.

پەرىدە پەرغانەنىڭ كىچىك بېشىنى سىلاپ قويۇپ، چاپاننى كىيىپ چىقىپ كەتتى.

  -  ھەتتا مېنى ئۆيىڭىزگىۇ كىرگۈزمەمسىز؟  - دېدى شىرئەلى.

پەرىدە تېز قەدەم بىلەن لىفىتنىڭ ئالدىغا كېلىپ:

   -  ئۆيگە كىرىسىز قولايسىز، - دېدى. 

شىرئەلى يېنىك كۈلۈپ قويۇپ:

   -  گۇماندىن ساقلىنىش ئۈچۈنمۇ؟ ياكى ئىلزات ئۆيدىمۇ، - دېدى. 

  -  مەيلى قايسى سەۋەب بولسۇن، ئوخشاشلا بولمايدۇ، - دېدى پەرىدە. 

شىرئەلىنىڭ چىرايىدىكى كۈلكە بارا-بارا تارقاپ:

   -   ئۇنىڭغا شۇنچە كۆڭۈل بۆلگىنىڭىزدىن قارىغاندا تويدىن كېيىن بەختلىك ئۆتۈۋاتقاندەك كۆرىنىدىكەنسىلەر، ئەينى چاغدا نېمىشقا مېنىڭ ئالدىمغا كەلگەنتىڭىز؟   

ئىلزاتنىڭ كۈچىگە ئاساسلانغاندا، پەقەت ئۇ خالاپ سېخىيلىق بىلەن پۇل بەرسە ياكى ئازراق بېسىم ئىشلىتىپ، پارچە-پۇرات پايلارنى قايتۇرۋېلىپ، سىزگە بەرسە، سىزمۇ ئۇنچە ئۇزاق ئىككىلىنىپ قالمايتتىڭىز؟ ھەتتا ئۇنىڭغا يېشىل قالپاق كىيگۈزىدىغان ئىشلارنىمۇ قىلمايتتىڭىزغۇ دەيمەن، - دېدى .

شىرئەلىنىڭ گەپلىرىدىن سەل ئاچچىقى كەلگەن پەرىدە غەزەپتىن تىترەپ گەپ قىلمىدى.

بۇرۇنقى ئىشنى قايتا تىلغا ئالغاندەك ھېس قىلىپ، پۈتۈن بەدىنى مۇزلاپ كەتتى.

ئۆزى خالاپ ئۇنىڭ ئالدىغا باردىمۇ؟

يەنە تېخى ئىلزاتقا يېشىل قالپاق كىيگۈزۈپ قويدىمۇ؟

لېۋىنى چىڭ  يۇمۇپ، سۈكۈت قىلدى.

ئۆزىدىن باشقا يەنە كىم  يېشىل قالپاق كىيىپ قالسىمۇ، شىرئەلىنى ئازدۇرۇشقا تەۋەت قىلغان ئادەمنىڭ دەل ئىلزات ئىكەنلىكىنى بىلىدۇ؟

  -  نېمىشقا گەپ قىلمايسىز؟ - دېدى شىرئەلى.

- سىز نېمە دېمەكچى؟ -  دېدى پەرىدە بېشىنى كۆتۈرۈپ سوغۇق ئاۋازدا، ـ  بۈگۈن مېنى ئىزدەپ زادى نېمە دېمەكچى  سىز؟   - دېدى.

لىفىتنىڭ ئىشىكى ئېچىلىپ، پەرىدە ئاۋۋال چىقتى، شىرئەلى ئۇنىڭ كەينىدىن ئەگىشىپ ماڭدى.

ئۇنىڭ سوغۇق ھەم كەسكىن ئارقىسىنى كۆرۈپ، تۇيۇقسىز ئۇنىڭ بىلىكىنى ئارقىسىدىن تارتىپ:

- پەرىدە... - دېدى.

پەرىدە دەرھاللا تىركىشىپ تارتىشتى، ھېچقانداق نەتىجە چىقمىغاندىن كېيىن، بېشىنى كۆتۈرۈپ غەزەپ بىلەن:

  -  نېمە قىلىۋاتىسىز؟ !  - دېدى.

-  سىز ماڭا شۇنچە ئۆچمۇ؟ ئەينى چاغدا سىزنى تاشلاپ قويغانلىقىم ئۈچۈنمۇ؟ سىزگە ياردەم قىلمىدىم، قولۇمدىكى پاينى سىزگە بەرمىدىم، شۇنداقمۇ؟   - دېدى شىرئەلى.

  -  شۇنداق! شۇنداق! - دېدى پەرىدە تۇيۇقسىز پەس ئاۋازدا ئېتىراپ قىلىپ،   -  مەن نېمىشقا سىزگە ئۆچلۈك قىلمايمەن؟ سىز مېنىڭ ئوغۇل دوستۇم، مېنى بىر ئۆمۈر قوغدايمەن دەپ داۋراڭ سالغان ئادەم! مەن سىزگە ئىشىنەتتىم شىرئەلى! سىزنىڭچە مېنى تاشلاپ قويۇپ،  ياردەم قىلمىغانلىقىڭىز، قولىڭىزدىكى پاي چېكىنى ماڭا بەرمىگەنلىكىڭىز نەپرەتلىنىشىمگە ئەرزىمەمدۇ؟ - دېدى . 

  -  ئېھتىمال  ... - دېدى شىرئەلى.

  -  ماڭا بەرمىسىڭىزمۇ،  ياردەم قىلمىسىڭىزمۇ بوپتۇ، تاشلىۋېتىپ ھېچنېمە قىلىپ بەرمىسىڭىزمۇ تامامەن بولىدۇ! بۇنداق بولغاندا سىزگە ئازراق ئۆچ بولىمەن  ... - دېدى پەرىدە.

ئۇنىڭ بۇنداق كونتروللۇقىنى يوقۇتۇپ قويغان ۋاقىتلىرى بەك ئاز ئۇچرايدۇ، بۇ قېتىم كۆز چانىقىمۇ قىزىرىپ كەتتى.

ئۇ شىرئەلىگە تىكىلىپ قارىدى،  غەزەپتىن پۈتۈنلەي تۈگۈشۈش گىردابىغا بېرىپ قالدى.