阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
作者：王兴法
改写，讲述：耕雲
“嗨，我刚刚已经讲过要睏觉了，现在再打声招呼！㑚继续聊，我周老太要先休息了。”辰光过得真个是快！记得中学毕业分开辰光，伊正是十七八岁个一朵校花，哪能眼睛一眨就成“周老太”了？
单琴芳发了一张个人照片，虽然还是伊能标致，仔细端详仍旧有着当年个一些痕迹。然而，搭印象中个青涩少女相对照，一段沧海桑田个岁月显然已经随着时间悄然逝去了。
金鸡报晓之前，刚刚创建个“崔桥高中80届同学群”里热闹非凡，相别37年个同班同学追忆同窗情谊，倾诉别后情感，大家常常聊到半夜三更。幸福来得迭能突然，“群诸”诸建兴功不可没。
37年个分别，37年个思念，辣群里聊聊哪能会得过念头？更何况，春节本来就是团聚个日觉，就连定居辣法国、日本等地个同学都回来了。就搿能，有了大年初三夜到君航大饭店伊个一场分别了37年个团聚。搿也让大家更增添了一份惊喜、温馨搭快乐，成为我伲搿帮同学今年春节最大个收获搭跨出校门后最最难忘个一幕。
同学聚会辣陆新建吹奏个萨克斯《回家》中拉开了帷幕。作为主持人，朱善芳动情个回忆：“忆往昔，同学少年，风华正茂，踌躇满怀，激情洋溢。曾记得：校园里，我伲追逐嬉戏迎晨光；田径场，我伲奋力拼搏展英姿；教室里，我伲学海苦读求知忙。我伲一道渴求知识、历练意志、憧憬未来、放飞梦想。青春年少个我伲，有情窦初开个懵懂，有勿切实际个幻想，有天真幼稚个冲动，也有单纯无知个鲁莽……”
眼睛一眨，时光流逝，当年个毛头小伙、青春少女，如今已是满头花发；斗转星移，青春故事早已成尘封记忆，昨日憧憬也随岁月渐渐淡忘；历尽沧桑，脸孔浪刻下了成熟搭稳重，内心多了人生体验搭感悟。
然而，勿管哪能变化，同学之间个伊份情谊永远勿变，而且，情更浓了，意更深了。陆沈晓、濮萍仍旧是伊能爱笑，周玉琴仍旧是大家围绕个中心，诸建兴、李苏炳、刘进其仍旧是伊能热心，老班长万建良仍旧是伊能沉稳……
觥筹交错间，笑语欢声中，一声声问候自然流露，一份份祝福情真意切。席间，勒日本生活了20多年个唐传兴登台唱起了日本民歌《北国之春》；定居勒冲绳个汤晓玲勿仅搭唐传兴一道演绎了日文歌曲《我只在乎你》，还独唱了日文歌曲《萤》；濮海岳、濮萍、沈焕玉、刘荷琴等人则伴着歌声翩翩起舞。
数十年个分别，当然免不了追忆，大家诉说着我伲80届个与众勿同：除脱一般个文化课，还有音乐课、武术课、法语课。此地顺便讲一讲，笔者我搿个80届有一眼“水分”，其实1979年就毕业了，只是重新回到课堂读了9个号头个法语，不过现在法语侪“归零”了，勿像周玉琴、单琴芳伊拉先后分别进入上海外国语学院搭南京大学继续深造，并从事了与之相关个工作。
大家回忆起当年濮萍辣学堂参加劳动辰光勿当心落水个情景，伊还显得有眼勿好意思：“现在都想不起究竟是阿里一位同学拿我救上岸个。覅提了，难为情个。”“呒啥难为情个，美好个青春记忆呀。”“留个悬念，作为一个美丽永久个念想。”大家既是打朋，又是真心闲话。汤晓玲则动情个说：“同学，搿是人生中最普通个名词，却是我伲一辈子个财富。感谢一路浪有侬……”
“手搭手相握，心搭心靠近，今早得欢聚，他日常联系。”“我伲迭个群将一直保留勒海，大家侪是兄弟姐妹，一路走下去，互相帮助，互相关心，永伴人生岁月。”聚会结束了，同学间显然意犹未尽，继续勒微信群里发着感慨。“今早我伲呒没了青春个模样，但我伲有美好个过去，有痕迹，有历史。”是啊，历经了岁月沧桑，或许变得老了、变得呒没原来漂亮了，青春个美好记忆永远勒心中深深个定格了。
图片：网络 | 编辑：渺渺
来源：上海言话讲起来
我知道你在看哟~
