ཆོས་རྗེ་འཇམ་དབྱངས་བླ་མ་ས་སྐྱ་པཎྜི་ཏས་མཛད་པའི་འཇམ་དབྱངས་ཀྱི་བསྟོད་པ་དཔལ་ལྡན་བློ་གྲོས།
བཀའ་ཁྲིད་གནང་མཁན། དཔལ་ས་སྐྱའི་མཁན་ཆེན་བསོད་ནམས་རྒྱ་མཚོ་མཆོག
ༀ་སྭ་སྟི་སིདྡྷཾ།
བླ་མ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ། །
དཔལ་ལྡན་བླ་གྲོས་དྷིཿ ལས་བྱུང་བ་གཞོན་ནུའི་ཚུལ་འཆང་མཛེས་པའི་སྐུ། །ཆུ་སྐྱེས་བསིལ་ཟེར་ཅན་དབུས་སྐྱིལ་མོ་ཀྲུང་བཅས་རོལ་པའི་འགྱིང་བག་ཅན། །གུར་གུམ་མདོག་ཅན་ཟུར་ཕུད་ལྔ་པ་སྙན་གོང་ཨུཏྤལ་གྱིས་མཛེས་ཤིང་། །སྣ་ཚོགས་རིན་ཆེན་རབ་སྤྲས་ལྷ་ཡི་ན་བཟའ་སྨད་གཡོགས་ལེགས་པར་བགོས། །ཕྱག་གཡས་མཁའ་ལྟར་སྔོ་བའི་རལ་གྲི་ཚ་ཟེར་ཅན་འོད་རབ་འཕྲོས་པས། །མུན་པའི་འཐིབས་པོ་དྲལ་ཞིང་བདུད་བཅོམ་དེ་བཞིན་ཉིད་དོན་ཐུགས་ཆུད་ཅིང་། །གཡོན་གྱིས་ཨུཏྤལ་འདབ་བརྒྱ་རྣམས་རྒྱས་མགུལ་པའི་ངེས་སུ་རབ་རྒྱས་པའི། །གེ་སར་སྙིང་པོ་དྲི་མེད་སྟེང་ན་རྒྱལ་བའི་གསུང་རབ་གླེགས་བམ་བསྣམས། །ཁྱོད་གཙུག་མི་བསྐྱོད་སྐྱོབས་པས་རབ་མཚན་རྡོ་རྗེ་རྣོན་པོ་ཡི་གེ་དྲུག །བཞད་པའི་གད་རྒྱངས་ཅན་གྱི་ཞབས་རྡུལ་ཡིད་འོང་བདག་གི་སྤྱི་བོར་ཞོག །ཁྱོད་སྐུ་བདག་ལུས་སྙིང་གི་འཁོར་ལོར་རྣམ་བསམས་གང་གི་ཆགས་སྡང་སོགས། །ངན་སེམས་ཐ་ཆད་དམ་པས་སྨད་པ་དེ་ཀུན་མགོན་པོས་བཟོད་མཛོད་ཅིག །རྒྱལ་སྲས་ཐུ་བོའི་རྣམ་ཐར་ཟབ་ཅིང་རྒྱ་ཆེ་བདག་ལ་ཉེར་སྩོལ་མཛོད། །ཡབ་ཅིག་ཉིད་ལས་ལྷ་གཞན་དག་ལ་རེ་བ་མ་མཆིས་སྐལ་ངན་བདག །ཉིན་མཚན་ཀུན་ཏུ་འཇམ་དབྱངས་གུས་པས་བསམས་ཀྱང་ཁྱེད་ཀྱི་ཐུགས་རྗེའི་ཤུགས། །ཅུང་ཟད་མེད་སྙམ་འོན་ཀྱང་བྱུར་ངན་རང་གིས་ཉེས་པས་བསླད་པར་ཟད། །ད་དུང་ཁྱོད་མཉེས་མ་གྱུར་བར་དུ་སྐྱབས་གཞན་ཚོལ་བར་མ་གྱུར་ཅིག །བཅོམ་ལྡན་འདས་མགོན་པོ་འཇམ་པའི་རྡོ་རྗེ་ལ་མཆོད་པར་བརྗོད་པའི་ཚུལ་གྱིས་བསྟོད་པ། ས་སྐྱ་པཎྜི་ཏས་སྦྱར་བའོ།། །།
