-----
ཆབ་འགག་རྟ་མགྲིན།
ཉེ་ལམ་མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་ཆབ་འགག་རྟ་མགྲིན་གྱིས་བརྩམས་པའི《ཐུབ་པའི་སྐྱེས་རབས་དང་བོད་ཀྱི་རིག་གནས་བར་གྱི་འབྲེལ་བར་དཔྱད་པ་མཁས་པའི་ལེགས་བཤད་འདྲེན་པའི་ལྷ་རྫས་དཀར་པོ》ཞེས་བྱ་བ་མཚོ་སྔོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།
ཐུབ་པའི་སྐྱེས་རབས་དང་བོད་ཀྱི་རིག་གནས་བར་གྱི་འབྲེལ་བར་དཔྱད་པ་མཁས་པའི་ལེགས་བཤད་འདྲེན་པའི་ལྷ་རྫས་དཀར་པོ་ཞེས་བྱ་བ་ནི། མཚོ་སྔོན་མི་རིགས་སློབ་ཆེན་གྱི་དགེ་རྒན་ཆབ་འགག་རྟ་མགྲིན་གྱིས་བརྩམས་ཤིང་། བོད་ལྗོངས་སློབ་ཆེན་གྱིས་མ་དངུལ་བཏང་ནས། མཚོ་སྔོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱེད་ཀྱིན་ཡོད། སྟོན་པ་ཤཱཀྱ་ཐུབ་པས་སྔོན་སློབ་པ་ལམ་གྱི་གནས་སྐབས་སུ་བྱང་ཆུབ་སེམས་དཔའི་སྤྱོད་པ་སྤྱད་པར་གསུངས་པའི་སྐྱེས་རབས་མང་པོ་བོད་ལ་འགྱུར་བ་དང་འཆད་ཉན་རྒྱ་ཆེར་སྤེལ་བ་དང་ཆབས་ཅིག བོད་ཀྱི་རིག་ཚན་ཁག་ཏུ་བྱེ་མ་ལ་མར་ཁུག་ཐིམ་པ་དང་། རྡོ་ཚན་ལ་ཁ་བ་སིམ་པ་བཞིན་དབྱེར་མེད་དུ་འདྲེས་པ་ཡིན་ན། དཔེ་དེབ་འདིར་བཀའ་བསྟན་སོགས་ཀྱི་གསུང་སྒྲོས་ལ་ཁུངས་བཅོལ་ནས་སྐྱེས་རབས་ཀྱི་མཚན་ཉིད་དང་ཁྱད་ཆོས། བསྟན་དོན་སོགས་ཕྱོགས་སྡོམ་མཛད་པ་དང་། སྐྱེས་རབས་དེ་དག་གསུང་བའི་ཡུལ་དང་རྐྱེན་ནམ་སྐབས་བབ་གསལ་བར་བསྟན་ཐོག གཤིབ་སྡུར་རིག་པའི་ཐབས་ལ་བརྟེན་ནས་། བོད་ཀྱི་སྲོལ་རྒྱུན་སྒྲུང་གཏམ་དང་ལོ་རྒྱུས་ངག་རྒྱུན། རྣམ་ཐར་རྟོགས་བརྗོད། སྙན་ངག ལུགས་ཀྱི་བསྟན་བཅོས་སོགས་ཀྱི་བརྗོད་དོན་དང་། ལྡེབས་རིས་སམ་ཐང་ག འཇིམ་བཟོའི་བཞེངས་བྱ། གནའ་བོའི་ཁྲིམས་སྲོལ་དང་ཞལ་ལྕེ་གཅོད་སྟངས་ཀྱི་དཔེ་གཞི་བཅས་ཀྱི་ཁུངས་རྒྱལ་བའི་བཀའ་འགྱུར་ཁྲོད་ཀྱི་ཐུབ་པའི་སྐྱེས་རབས་ལ་གཏུག་གང་ཐུབ་མཛད་པར་མ་ཟད། དེ་དག་ལ་སྦྱོར་བའི་དགོས་པའམ་རྒྱུ་མཚན་ཡང་གསལ་པོར་བསྟན་པས།བོད་ཀྱི རིག་པ་དོན་གཉེར་ཅན་རྣམས་ལ་ཉེ་བར་མཁོ་བའི་དཔེ་དེབ་ཅིག་ཡིན་ཏེ། སྤྲོ་བ་ཡོད་པའི་མི་སྒེར་དང་ལས་ཁུངས་གིས་རྩོམ་པ་པོར་འབྲེལ་བ་མཛོད་དང། རིན་མེད་དུ་མཁོ་སྤྲོད་བྱ་རྒྱུ་རེད།
-----
རྩོམ་བསྡུ་ཡིག་ཟམ།
1766746662@qq.com
ལོ་རྒྱུས།|ལྷུག་རྩོམ།|སྒྱུར་རྩོམ།|དཔྱད་རྩོམ།|རྟོགས་བརྗོད།
དྲན་ཤེས། | བཏང་སྙོམས། | ཆོག་ཤེས། | བཀའ་དྲིན། | བྱམས་བརྩེ།
◆ ◆ ◆ ◆ ◆
