རྩོམ་གསར། འབྲོག་ཐང་གི་སློབ་གྲྭ་ཞིག་ཏུ་བསྐྱོད་པའི་ཟིན་བྲིས།

文化 2024-08-12 20:08 北京

འབྲོག་ཐང་གི་སློབ་གྲྭ་ཞིག་ཏུ་བསྐྱོད་པའི་ཟིན་བྲིས།

རྩོམ་པ་པོ། ལྡོང་རོང་བསོད་ཐར།

དགུན་གནང་བྱས་ཏེ་ཉིན་གཉིས་སོང་རྗེས་ང་རང་ཕ་ཡུལ་ལ་འབྱོར་བ་དང་། ཕ་ཡུལ་གྱི་ཕ་མ་མིང་སྲིང་ཚོ་དང་ཉིན་བཞི་ཙམ་གྱི་རིང་ལ་དྲོ་དྲོ་རུག་རུག་བྱས་ཏེ་བསྡད་པ་ཡིན། དེ་རྗེས་ལམ་ཐག་ལེའུ་དབར་སུམ་ཅུ་ལྷག་ཙམ་ཡོད་པའི་འབྲོག་ཐོག་ཅིག་ན་ང་དང་རོགས་པ་འགའ་ཞིག་འགྲོ་དགོས་བྱུང་། སྐབས་དེར་ལམ་བར་ནས་ཁ་བ་འབབ་དྲགས་པ་དང་། ལྷགས་རླུང་གི་ངར་ཤུགས་ཀྱིས་རླངས་འཁོར་ནང་གི་རོགས་པ་ཚོ་ཡང་འདར་སིག་སིག་བྱེད་ཀྱིན་འདུག དེ་ལྟར་ས་དྲོ་ཞིག་ནས་གློ་བུར་དུ་གྲང་ངར་ཆེ་ས་ཞིག་ལ་སླེབས་པ་ནི་དགོད་ཤོར་མོ་རང་འདུག་སྟེ། ཉིན་འགར་སྣབས་ཆུ་ལུག་པ་དང་། མཆུ་པགས་གས་པ། ངོ་མདོག་སྐྱ་སྐྱ་ཆགས་པ། སྔ་དྲོ་དང་ཕྱི་དྲོ་རྟག་པར་གྲང་ཤུམ་དང་ཁོག་འདར་བྱེད་པ། མཐའ་ན་ཉིན་འགར་ཟ་མ་ཡང་ཞུ་མ་ཐུབ་པ་སོགས་ཀྱིས་དཀའ་ངལ་དང་ངོ་ཚ་མི་ཉུང་བ་ཞིག་མྱོང་དགོས་བྱུང་མོད། དེ་ལྟ་ན་ཡང་ང་ཚོའི་དམིགས་ཡུལ་ཉག་ཅིག་ནི་རང་གིས་ཅུང་ཙམ་ཤེས་པའི་བརྡ་སྤྲོད་དང་སྙན་ངག ལོ་རྒྱུས་སོགས་ང་ཚོ་དང་ཆེས་ཐག་ཉེ་བའི་བྱིས་པ་དག་ལ་ལེགས་སྐྱེས་ཤིག་གི་ཚབ་ཏུ་ཕུལ་ཐུབ་སོང་ན་སྙམ་པའི་བསམ་བློ་ཅན་ཤ་སྟག་ཡིན་པས། ཟླ་བ་གཅིག་དང་ཉིན་ཉི་ཤུ་རྩ་གཉིས་ཀྱི་རིང་ལ་འབྲོག་ཐང་ཞིག་ཏུ་ལུས་འཁྱག་ཀྱང་སེམས་མ་འཁྱག་པར་བྱས་ཏེ་བསྡད་པ་ཡིན།

གོ་རིམ་དེའི་ཁྲོད་ནས་ང་ཚོས་ལོ་ཆུང་ཚོའི་རྒྱུད་ན་མར་ལྟར་ཞེན་པའི་བཟང་ཆ་མང་བོ་མཐོང་སོང་ལ། དུ་དྲེག་བཞིན་ནག་པའི་ངན་གོམས་ཀྱང་མང་བོ་རིག་སོང་། ང་ཚོ་ཕྱིར་རང་ཁྱིམ་དུ་ལོག་སྐབས་བཟང་ཆ་རྣམས་རེ་ཞིག་སྦས་དོན་ལྟ་བུ་བྱས་ཏེ། སློབ་གཙོ་དང་དགེ་རྒན་རྣམ་པ། དའང་སློབ་མ་དང་ཁྱིམ་བདག་ཚོའི་སྔོན་ནས་སྐྱོན་གྱི་རྣམ་གྲངས་ཤིག་ཁ་བ་བཞིན་སྙན་ལམ་དུ་འཁྱག་ཏིག་གེ་མི་འབབ་ཁག་མེད་དུ་བྱུང་། དའང་ཁོང་ཅག་ལ་ཁ་མཚར་བྱས་ནས་གཅིག་བྱས་ན་ཐོག་མ་ང་རང་ཚོ་སློབ་གྲྭ་འདིར་འབྱོར་སྐབས་ཁ་བ་མཐུག་པོ་ཞིག་གིས་བསུ་མ་བྱས་པ་བདེན་ལ། ད་སྐབས་ང་ཚོ་ཕྱིར་ལོག་པའི་ཚེ་ན་ཡང་དེའི་ཚབ་ཏུ་སྐད་ཆའི་ཁ་བ་འགའ་རྣ་ལམ་དུ་འཁྱག་སིབ་སིབ་ཏུ་མ་འབབ་རང་འབབ་རེད་ཅེས་ཞུས་པ་རེད། མ་གཞི་སློབ་གྲྭ་དེར་འབྱོར་སྐབས། ང་ལ་བརྡ་སྤྲོད་སོགས་ཀྱི་དགེ་རྒན་ལས་གཞན་སློབ་གཙོ་ཟུར་བ་ཞིག་གི་འགན་ཡང་སྟེར་སོང་བས། ངས་ཀྱང་ནུས་ཚོད་ཀྱིས་སློབ་ཁྲིད་བཀོད་སྒྲིག་དང་སྒྲིག་ལམ། འཛིན་གྲྭ་གོང་འོག་སོགས་ཉིན་གསུམ་ལ་དབྱེ་ཞིབ་བྱས་བྱས་ཏེ་མཐར་དགེ་རྒན་རྣམ་པ་དང་གྲོས་བསྡུར་ལེགས་པོ་བྱས་རྗེས། ང་ཚོ་འདུག་ཡུན་ཟླ་བ་གཅིག་གི་རིང་ལ་བོད་ཡིག་གི་སྦྱོང་ཚན་དེ་དག་ཇེ་མང་དུ་གཏོང་རྒྱུ་དང་དེའི་སྐོར་གྱི་ཤེས་བྱ་ལ་འབད་བརྩོན་བྱ་རྒྱུ་གྲོས་ཆོད་བྱུང་། དེ་ལྟར་བྱས་ནས་སྙན་ངག་དང་། བརྡ་སྤྲོད། ཀློག་འདོན། རྨང་གཞི། ཡིག་གཟུགས་བཅས་ཕྱོགས་ཡོང་ནས་ང་ཚོ་བོད་ཡིག་དགེ་རྒན་བཞི་ལྷག་ཅིག་གིས་ཅི་ནུས་ཀྱིས་སྲི་ཞུ་བསྒྲུབ་རྒྱུ་དང་དུ་བླངས། ཐོག་མ་ང་རང་འཛིན་གྲྭ་གོང་མའི་དགེ་རྒན་བསྐོ་བཞག་བྱས་པ་དང་། ཕལ་ཆེར་སྙན་ངག་དང་བརྡ་སྤྲོད་ཙམ་ལས་གཞན་འགན་ཁུར་ཡང་ཉུང་མོད། ཉིན་འགའི་རྗེས་ནས་ང་ལ་སེམས་མི་བདེ་བའི་གནས་ཚུལ་ཞིག་འཕྲད་ཡོད་པ་ནི། འཛིན་གྲྭ་སོ་སོའི་སློབ་མ་འགའ་ཞིག་གིས་རྣམ་ཀུན་ཡི་གེ་ཀློག་པའི་ཚེ་ན་སྒྲ་མ་དག་པ་དང་དོན་མི་གསལ་བའི་སྐྱོན་ངན་ཞིག་ཉིན་རྒྱུན་མཐོང་བས། དེ་དག་མ་བཟོད་པར་ངས་ཆེད་དུ་ཀློག་འདོན་ལ་མི་མཁས་པའི་འཛིན་གྲྭ་གཉིས་ཟུར་དུ་འཛུགས་དགོས་བྱུང་བ་དང་། ལས་ཀ་དེ་ང་རང་གིས་བཙལ་བ་ཡིན་པས་དགེ་རྒན་ཡང་རང་ཁེར་མོ་མི་བྱེད་ཐབས་མེད་དུ་བྱུང་། དེ་ནས་གོང་མ་ལ་སུམ་རྟགས་དག་གསུམ་གྱི་རྩ་བ་བློ་འཛིན་དང་ཀློག་འདོན་ཟུང་འབྲེལ་བྱས་པ་དང་། འོག་མ་དག་ལ་བཀའ་ཐང་དང་དག་ཡིག་མཁས་པར་དགའ་སྐྱེད་ཀྱི་རྩ་བ་སོགས་གཞི་བཟུང་ནས་བསླབ་པ་ཡིན།

གཅིག གོ་རིམ་དེ་བརྒྱུད་ནས་ཀློག་འདོན་གྱི་སྐྱོན་ཆ་སྐོར་ཞིག་འདི་ལྟར་ཟིན་བྲིས་སུ་འདེབས་དགོས་བྱུང་སྟེ། རྒྱུ་མཚན་ཡང་། ད་སྐབས་སྐྱོན་ཆ་འདིའི་རིགས་ང་རང་ཡོད་སའི་ཁོར་ཡུག་ཙམ་མིན་པར་ཉེ་འཁོར་གྱི་གྲོང་ཁྱེར་དང་གྲོང་ཆུང་མང་བོ་ཞིག་ལ་དེ་མཚུངས་སུ་ཡོད་པ་དོགས་ཕྱིན། “གོ་བའི་བུ་ལ་བརྡ་དང་། རི་སྐྱང་སྔོན་མོ་ལ་ཀི །”ཞེས་པའི་ཚུལ་དུ་བཤད་ན། གཟའ་འཁོར་གཅིག་ཙམ་བརྒྱུད་རྗེས་སློབ་གྲོགས་མང་ཤོས་ཀྱིས་ལོག་ཡིག་(ཊ་ཋ་ཌ་ཎ་ཥ)་ལྔ་དང་མཐུག་ཡིག་(གྷ་ཛྷ་དྷ་ཌྷ་བྷ་ཀྵ)དྲུག་བཅས་ཀློག་སྟངས་ཤེས་ཀྱིན་མི་འདུག་པས། ང་ཚོས་ལྟ་ཀློག་བྱེད་བཞིན་པའི་བཀའ་ཐང་དང་རྩ་བ་དག་ལས་དཔེར་ན། དྷི། ཨཀྵ། ཁ་ཊམ་ལྟ་བུ་འདོན་དགོས་པའི་ཚེ་ན་ངག་ལྐུགས་པ་འགྱུར་བ་དང་། དེ་མཚུངས་སུ་རྒྱུན་མཐོང་ལྟ་བུ་བེེ་རོ་ཙཱ་ན་ལྟ་བུ་ཡང་“འབེ་”སྒྲ་མི་ཐོན་པ་“བེ་”ཞེས་ཀློག་པ་དང་། ལ་ལས་ཁྱོན་ནས་མི་ཤེས་པའི་ཚད་ཀྱང་འདུག་པས། སྣང་བ་ཞིག་ལ་སྔགས་བཀླག་ཐབས་ཀྱང་རྒྱས་པ་ཞིག་ཁྲིད་ཐབས་མ་བྱུང་ཡང་ཕྲན་བུ་རེ་ནི་ཅིས་ཀྱང་དགོས་ངེས་འདུག་གོ་སྙམ་བྱུང་ལ། ལྷག་དོན་ལོ་ཙཱ་བ་བེེ་རོ་ཙཱ་ན་དང་། གསར་གཏོད་པ་སམ་བྷོ་ཊ། ལྷ་ལྕམ་མཎྡཱ་ར་བ། ཤཱཀྱའི་རིགས། ནགས་ཀྱི་སེངྒེ། མགོ་བདེ་ཌ་རུ། ཆུ་རྩ་རཏྣ། ཞོ་ཤ་ཙིཏྟ་ཀ ཀརྨ་ཀམ་ཚང་སོགས་མི་ཤེས་པའི་སྐྱོན་དེས་སྔ་བྱུང་གི་བསྟན་བཅོས་བཟོ་གསོ་སྙན་ངག་སོགས་དང་། ཆུང་ས་(གཏམ་རྒྱུད་གསེར་ཐང་)ལྟ་བུ་སྐོར་ཞིག་ལ་ལྟ་འདོད་ཀྱང་ཡི་གེ་མི་ཆོད་པའི་སྐྱོན་དུ་འབབ་པ་འདུག་པས། དེའང་གསོ་རིག་རྒྱུད་བཞི་ལས། རྒྱུ་ནི་འབྲི་ཀློག་མཐའ་རུ་ཕྱིན་པར་བསླབ། །ཆོད་དང་མི་ཆོད་དེ་ལ་བརྟེན་པར་སྣང་། །།ཞེས་པའི་གནད་ཀྱང་འདི་འདྲ་བ་ལ་གོ་བ་ཨེ་ཡིན་བསམ་བྱུང་།

གཉིས། མིང་གཞི་སྐོར་ནས་“དབང་ཆེན”་ལྟ་བུ་སྟེ། སློབ་མ་མང་ཚོད་ཀྱིས་འདོན་དུས་དབང་ལ་“ད་འབའ་ང་ཞག་འབང་”ཞེས་པའི་སྒྲ་ཐོན་པ་དང་། དེ་བཞིན་དབྱིན་ལ་སོགས་པ་ནོར་བ་རྒྱུན་འབྱམས་སུ་སོང་སྟབས། མིང་གཞི་བ་ཡིག་ཝ་ཡིག་གི་སྒྲ་ཟུར་བ་མ་ཐོན་པའི་རྒྱུ་རྐྱེན་དེ་ལས། དཔེར་ན། དབེན་གནས་དང་། དབང་བསྐུར་བ། དབྱངས་ཅན་མ། དབྱང་དབུགས། དབྱུང་། དབྱིན། དབུལ་ལ་སོགས་ཁྱོན་ནས་སྒྲ་ནོར་བ་ལ་བརྟེན་ནས་དོན་ཡང་ལོག་པར་རྟོགས་པའི་སྐྱོན་ཇི་སྙེད་འབྱུང་མུས་སུ་འདུག་པས། སྐབས་དེར་སློབ་མའི་ཐོག་ལ་ཁོང་ཁྲོ་ཡང་མེ་ལྟར་འབར་ཡོང་མོད། དེ་བས་ཀྱང་ཞེ་མུག་ས་ཞིག་ནི་ཐོག་མའི་རྨང་གཞི་འཇོག་མཁན་གྱི་དགེ་རྒན་རེ་འགའ་ལ་ཅིས་ཀྱང་ཡིད་ཕམ་པོ་རང་འདུག་སྟེ། རྒྱུ་མཚན་ཡང་། “བེད་མེད་ལས་ཐོག་ལ་གནོད་གཡག་རོ་ཙམ་”ཟེར་བ་འདི་ལོས་ཡིན་དྲན་ཡོང་། དེ་བས་ཁོང་ཅག་ལ་གོ་སླ་བ་དང་བཅས་ཏེ། སྔོན་འཇུག་ད་ཡིག་ཡིན་པར་མིང་གཞི་བ་ཡིག་ཡིན་པ་ཅན་གང་ཞིག་ལ། ཝ་སྒྲའི་མཚན་ཉིད་ཟུར་བ་ཞིག་སྦྱར་དགོས་པའི་གསལ་འདེབས་བྱས་པ་དང་། དེ་ལས་གཞན་དུ་གྱུར་བའི་སྔོན་འཇུག་འ་ལྟ་བུའི་མིང་གཞི་བ་ཡིག་ལ་སྒྲ་ཐད་ཀར་བརྗོད་དགོས་པར་ཆེད་ཞུས་བྱས་པ་ཡིན་ལ། འདིའི་སྐོར་གྱི་རྒྱུ་མཚན་གསལ་བོ་མེད་ཀྱང་། བརྗོད་བདེའམ་སྔོན་འཇུག་ད་ཡིག་གི་སྒྲ་ཤུགས་དྲག་པའི་དབང་གིས་མིང་གཞི་བ་ཡིག་ཀྱང་འགྱུར་བའི་སྣང་ཚུལ་ཞིག་འདུག་སྟེ། དཔེར་ན་“དབང་”ཞེས་པའི་ཚེ་ན་ཝའི་སྒྲ་ཟུར་ལྟ་བུ་ཞིག་མ་བཏོན་མི་ཆོག་པ་བདེན་རུང་། “བང་”ལྟ་བུ་བརྗོད་པའི་ཚེ་ན་སྒྲ་མི་འགྱུར་བ་འདི་སྔོན་འཇུག་གི་དབང་གིས་ངེས་ཤིང་། ལར་བ་ཡིག་གི་སྒྲ་འདི་ནི་ཨ་མདོ་དང་ཁམས་པ་ལྟ་བུ་ཡུལ་ལུང་རེ་རེ་ན་འདོན་སྟངས་གཅིག་གྱུར་མ་ངེས་པ་ཞིག་འདུག

གསུམ། ཕྲད་ཀྱི་སྐོར་ནས་ཀྱང་གནད་དོན་རེ་འགའ་མཐོང་སྟེ། དེའི་ནང་ནས་འབྲེལ་སྒྲའི་“འི་”ཡིག་སྦྱོར་ཀློག་འདི་ཉིད་མང་ཆེ་ལ། མང་ཤོས་ཀྱིས་ཀློག་སྟངས་ནི་མིང་གཞི་དང་ཁ་ཕྲལ་ནས་འདོན་པ་དེ་རེད། དཔེར་ན་“པའི་”ཞེས་པ་ལྟ་བུ་ཐོག་མ་པ་ཞེས་སྒྲ་གཅོད་མཚམས་བྱས་ཏེ་ད་གཟོད་འ་ལ་གི་གུ་ཞེས་སྒྲ་ཕྲལ་ནས་འདོན་མཁན་འདུག་པས། དེ་བས་མའི་དང་པའི། སའི་དང་བའི་སོགས་མང་ཤོས་དེ་མཚུངས་སུ་སྒྲ་ཕྲལ་ནས་འདོན་སྟངས་དེས། མིང་ཚིག་ཉི་མའི་གཉེན་ཞེས་པ་ལྟ་བུར། “ཉི་མ་འི་གཉེན་”ཞེས་སྒྲ་བཞི་འབྱུང་བའི་སྐྱོན་འདུག་ཕྱིན། གཞན་དག་འགྲོ་བའི་མགོན་དང་། ཨ་མའི་བུ། སྡོད་སའི་གནས། འབྲོག་པའི་ནོར། རོང་བའི་ཞིང་། དྲན་པའི་མི་སོགས་འདོན་ཚེ་གཅོད་མཚམས་ཀྱིས་སྒྲ་ལོག་ལས་དོན་ཤུགས་ཀྱིས་ལོག་པར་འགྱུར་བ་ངེས་་ཤིང་། ལར་སྔགས་ཀློག་པའི་ཚེ་ན་ཡང་གཅོད་མཚམས་ཉམས་པའི་རྐྱེན་བྱས་ཏེ་དོན་ལོག་པ་རང་རེ་ལ་ཤིན་ཏུ་མང་སྟེ། དཔེར་ན་“ཏེཥནྩཡོ་ནི་རོ་དྷ་”ཞེས་བཀླག་པའི་ཚེ་ན་ཡང་དག་གཅོད་མཚམས་ནི་“ཏེ་ཥནྩ་ཡོ”ཞེས་བཅད་ནས་དེའི་འཕྲོ་“ནི་རོ་དྷ་”ཞེས་འདོན་ཚེ་རྒྱུད་ལ་འགག་པ་གང་ཡིན་པ་ཞེས་པའི་དོན་ལེགས་པ་འབྱུང་མོད། དེང་སྐབས་གྲྭ་ས་སོགས་ནས་འདོན་ཚུལ་ནི་“ཏེཥནྩ་”ཞེས་བཅད་ནས་“ཡོ་ནི་རོ་དྷ་”ཞེས་འདོན་པ་ནི་ནོར་བ་ཡིན་པ་མ་ཟད། དེའི་དོན་ནི་མོ་རྟགས་འགག་པ་གང་ཡིན་པ་ཞེས་འབྱུང་བས་དགོད་ཁ་ལས་མི་འདུག་པས། དེའི་ཕྱིར་ཡིག་རིགས་གང་ཡིན་ཡང་གཅོད་མཚམས་ནོར་བ་ལས་འདོན་མི་བདེ་ཁར་གོ་བའང་འཛོལ་བར་བྱེད་པའི་སྐྱོན་བབས་པ་སྣང་བས། འདི་ཡང་ཐོག་མའི་ཀློག་འདོན་བསླབ་མཁན་གྱིས་འགན་མ་བཞེས་པའི་སྐྱོན་ཙམ་ལས། དེ་དཀའ་བ་སོགས་ཀྱི་གནད་ཆེ་བོ་མི་འདུག་པར། བསྡོམས་དེད་སྐབས་སུ་རྗེས་འཇུག་“ས་”ཡིག་སྦྱར་བའི་སྒྲ་ཙམ་ཐོན་ན་ཕལ་ཆེར་གནད་དོན་སེལ་ཐུབ་པ་འདོད།

བཞི། རྗེས་འཇུག་གི་སྐོར་ནས་ཆེས་སྒྲ་མི་གསལ་བ་ནི་ར་སྒྲ་དང་ལ་སྒྲ། མ་སྒྲ་དང་བ་སྒྲ་སོགས་མང་བོ་འདུག་སྟེ། དཔེར་ན། བཀག་ཅེས་པའི་སྒྲ་དང་བཀབ་ཅེས་པའི་སྒྲ་གཉི་ག་ཁྱད་མེད་པར“ཀབ་”ཀྱི་སྒྲ་ཙམ་འདོན་པ་དང་། དམ་དང་དན་གཉིས་“དན་”རང་འདོན་པ། འགྲན་དང་དྲན་གཉིས་“དྲན་”རང་འདོན་པ་སོགས་ཤིན་ཏུ་ཡིད་མི་ཆེས་པའི་གནས་བབས་འདི་འདྲ་ཡང་མཐོང་རྒྱུ་འདུག་ལ། དེ་བས་ར་སྒྲ་ལྕེ་རྩེ་དང་ཉེ་བར་འབྱིན་པ་དང་། མ་སྒྲ་མཆུ་བཙུམ་པ་སོགས་གང་ལ་ཅི་ནུས་ཀྱིས་གསལ་ཁ་དོད་པ་བྱེད་རྒྱུ་དང་། དེའང་ས་སྐྱ་བསོད་ནམས་རྩེ་མོས། “བ་མས་ཕུལ་ལ་ཐོག་མར་ནི། །མཆུ་བཙུམ་པ་ལ་ཁྱད་པར་སྣ། །”ཞེས་པའི་ཚེ་ན། རྗེས་འཇུག་བསྡུ་བ་ལ་སྒྲ་གསལ་བ་ལོས་གལ་ཆེ་སྟེ། མཐའ་ན་སྔོན་འཇུག་གི་དབང་གིས་ཀློག་པའི་ཚེ་ན་མཆུ་བཙུམ་དགོས་པ་སོགས་བསྟན་ཏེ། དཔེར་ན། “བཀྲ་”ཞེས་པའི་ཚེ་མཆུ་བཙུམ་པ་ཅན་ཡིན་ཡང་ང་ཚོའི་ས་ཕྱོགས་ཀྱིས་“བཀྲ་”ཞེས་ངག་ནས་བརྗོད་པའི་ཚེ་ན། སོ་དབར་ནས་དབྱུང་བ་ཁོ་ན་མ་གཏོགས་བཙུམ་པ་ནི་ཉིན་མོའི་སྐར་མ་བཞིན་སྣང་བས། བྱིངས་ན་སྒྲ་དག་པ་གལ་ཆེ་བ་རྟགས་འཇུག་སོགས་ལས་ཤེས་གསལ་ལྟར་མུ་ནས་འདི་ལྟར་ལྷག་ཚེ། འཆད་ཁྲིད་དང་། གྱེར་འདོན། སྒྲོག་འདོན་སོགས་བྱེད་པའི་སྐབས་ན་མི་རབས་ཕྱི་མ་སྐོར་ཅིག་ལྕེ་ཆད་པའི་ངང་ཚུལ་རང་མི་འགྲོ་བའི་ངེས་པར་མི་འདུག་ཕྱིན། མི་གསལ་བ་དང་། མ་དག་པ། སྒྲ་ཉམས་པ་སོགས་ཀྱི་སྐྱོན་མང་དུ་འབབ་པར་དོ་སྣང་བྱེད་དགོས་ཤིང་། ས་སྐྱ་བསོད་ནམས་རྩེ་མོས། “ངག་གིས་དེ་ལྟར་མ་ཤེས་ན། །ཡིད་ཀྱི་ཤེས་པས་ཅི་ཞིག་ཕན། །”ཞེས་གསུངས་པ་བཞིན་ནོ།།

ལྔ། ཅུང་རྒྱུན་མཐོང་མ་ཡིན་པའི་ཡི་གེ་སྐོར་ཞིག་ཀྱང་སློབ་ཆུང་དང་འབྲིང་གཉེར་རིམ་པའི་སློབ་མས་འདོན་མ་ཤེས་པའི་གནས་ཚུལ་ཡང་འཕྲད་དེ། དཔེར་ན་བགྱི་དང་། འགྱིག སྤྱིན། ཧྲུལ། ལྗིན། རྦད། སྦེད་ལྟ་བུ་སྐོར་ཞིག་མཐོང་བ་སོགས་ཉུང་དྲགས་པ་ཡིན་པ་འདྲ་སྟེ། འཕྲལ་དུ་འདོན་མི་ཐུབ་པ་དང་། འདོན་ན་ཡང་སྒྲ་མི་དག་པ། ཐེ་ཚོམ་གྱི་གནས་སུ་གྱར་བ་སོགས་ཀྱིས་དོགས་མི་བདེ་བའི་བསམ་པ་ཡང་ཡང་སྐྱེས་པ་དང་། འདི་ལ་བལྟས་ན་རང་ཅག་གི་བྱིས་པ་ཚོས། རང་སྐད་དང་ཉེ་བའི་དཔེ་ཆ་དང་། འདོན་ཆ། དག་ཡིག་སོགས་གཟིགས་རྒྱ་དང་མཁྱེན་རྒྱ་ཆུང་བའི་ངང་ཚུལ་ཞིག་ཤུགས་ཀྱིས་རྟོགས་ནུས་ཤིང་། ད་ལྟའི་གནས་བབས་སོགས་ལས་དེ་བས་ཀྱང་བེད་སྤྱོད་ཀྱི་བསམ་བློ་ཤིན་ཏུ་ཉག་ཕྲ་བའི་ལྟས་ཤིག་ཀྱང་མཐོང་ཕྱིན། དཔེ་ཀློག་དང་འབྲེལ་ནས་དཔེ་ཆ་མང་ཙམ་འོས་སྦྱོར་བྱེད་པ་དང་། དེའི་སྐོར་གྱི་ཐ་སྙད་གསོག་བསྡུ་ལ་ཤུགས་རྒྱག་རྒྱུ་གལ་ཆེ་བ་འདོད་ཅིང་། ལར་ལོ་རབས་བརྒྱད་ཅུ་པའི་ནང་ནས་བྱུང་བའི་བོད་ཀྱི་རྩོམ་པ་པོ་དང་། རིག་གནས་པ་སོགས་ཀྱི་རྨང་གཞི་འཇོག་སྟངས་ཀྱང་སློབ་གྲྭའི་ཀློག་འདོན་གྱི་གོ་རིམ་བརྒྱུད། ཞོར་དུ་རང་ངོས་ནས་(གེ་སར་གྱི་སྒྲུང་དང་། མི་ལའི་རྣམ་མགུར། བྱ་སྤྲེའུ་གཏམ་རྒྱུད། མི་རོ་རྩེ་སྒྲུང་)སོགས་ཀློག་པ་ཤིན་ཏུ་མཉེས་པའི་དབང་གིས་ཀློག་འདོན་དང་། གོ་བ་ལེན་སྟངས། ཐ་སྙད་ཀྱི་གསོག་འཇོག སྐད་ཆའི་འགྲོས་སོགས་ཆུང་ནས་སྐྱེས་སྟོབས་ཆེ་བ་ཞིག་ད་ནས་ཕྱིར་རྟོག་རེ་བྱས་ན་མཐོང་ཡོང་གིན་འདུག་མོད། འོན་ཀྱང་ད་ལྟ་དེ་འདྲ་ཞིག་མ་ཡིན་པའི་ཚོར་བ་ཞིག་ཡང་ནས་ཡང་དུ་སྐྱེ་བཞིན་འདུག

དྲུག དགོད་ཤོར་བ་ཞིག་ནི་གཏམ་དཔེ་ལ། “མགོ་མ་ཚོས་གོང་ལ་ལྕེ་བསྙབ་”ཅེས་པ་བཞིན་དགེ་རྒན་རེ་འགས། སྤྱིར་ཡིན་ན་གསལ་བྱེད་ཀ་ཁ་ནས་འགོ་བཙུགས་ཏེ། རིམ་བཞིན་དབྱངས་དང་། མགོ་འདོགས་བརྩེགས་གསུམ། སྔོན་རྗེས་མིང་གསུམ། སྔགས་ཡིག་སོགས་འབྲུ་དེད་ནས་རྨང་གཞི་གཏིང་ཚུགས་པར་བྱེད་དགོས་པ་དང་། དེའང་ལོ་ངོ་གསུམ་དང་བཞི་ཙམ་སྦྱོང་བ་ལྷོད་མེད་བྱས་ཚེ་བསྡོམས་དེད་རང་བཞིན་ཤུགས་ཀྱིས་འབྱུང་བ་ཡིན་ཏེ། དེའི་ཚེ་ན་དཔེ་ཆ་འདྲ་མིན་གང་ཞིག་ཀློག་ཀྱང་“ཡིག་རྐང་”ངམ་“ཡིག་རྩལ་”ཕུལ་དུ་ཕྱིན་པ་སོན་ཡོད་སྟབས། སྒྲ་མི་གསལ་བ་དང་འདོན་ནོར་འབྱུང་བ། ཐང་ལྷོད་བྱེད་པའི་སྐྱོན་སོགས་ཕལ་ཆེར་མི་འབྱུང་བ་སྔོན་གནས་ཀྱི་དགེ་རྒན་ཉམས་མྱོང་ཅན་དག་གིས་གསུངས་པ་ཐོས་ན་ཡང་། དེང་སྐབས་ཀླད་སྟོངས་སྐོར་ཞིག་གིས་སློབ་མ་ཚོས་འབྲུ་དེད་ཡག་པོ་མ་འཁྱོང་ཁར། རྡོ་ཆག་བཙན་བསྒྲིགས་ལྟ་བུ་བསྡོམས་དེད་བྱེད་དུ་བཅུག་པ་དང་། དེའང་མེ་ཏོག་དང་། གངས་རི། འབྲོག་ཕྲུག རོང་མོ་ལྟ་བུ་དག་ཨུ་ཚུགས་ཀྱིས་བློ་རུ་འཛིན་ཐབས་བྱེད་པའི་ཁྲིད་ཐབས་ཀྱི་རྣམ་པར་འདི་ནི། ཤ་རློན་མ་ཚོས་པ་ཁྱུར་མིད་བྱེད་དུ་བཅུག་པ་དང་འདྲ་ལ་དེའི་མཇུག་འབྲས་ཁོང་ནད་ཀུན་གྱི་རྒྱུ་མ་ཞུ་བ་གསོག་པ་ལྟར་ཡིན་པས། གོ་རིམ་དོན་དང་ལྡན་པར་བྱ་རྒྱུ་ཅིས་ཀྱང་རྒན་མིང་འཛིན་པ་རྣམས་ཀྱིས་ཉམས་འཇོག་རེ་གནང་དགོས་པ་ལས། འདི་ལྟར་བྱས་ཚེ། “རྒྱུད་ལས་མུན་ཁུང་འབེན་ལ་བརྡེག་པ་འདྲ། །”ཞེས་པའི་སྣང་ཚུལ་ཙམ་དུ་ཟད་པས། ཐོག་མའི་གོ་རིམ་འདི་ཞིབ་ཏུ་མ་ཡོང་ཚེ། རྗེས་སུ་སློབ་གཉེར་བ་དག་གིས་ཡི་གེ་རེ་འདོན་པའི་དུས་ན། རྒྱ་གླིང་འབུད་པ་ལྟ་བུ་མ་ཡིན་པ་ཁྱི་ཟུག་པ་ནང་བཞིན་འགྱུར་བ་དང་། རྐྱང་ཤེས་འགྲོས་ལྟར་མ་ཡིན་པ་འཐེང་པོ་འགྲོ་བ་ནང་བཞིན་འགྱུར་ངེས་རེད།

བདུན། གཞན་ད་དུང་བྲིས་གཟུགས་ཀྱི་བྲིས་ཁ་མི་ཤེས་པ་དང་། འབྲི་བའི་ཚེ་ན་ཤད་མི་འབྲི་བའི་གོམས་གཤིས་ཤིག་ཀྱང་མཐོང་བ་བདེན་ལ། འདི་དག་ཞིབ་ཅིང་ཕྲ་བ་ཕྱིས་སུ་དཔྱད་རྩོམ་རེ་ནས་མཇལ་འཕྲད་ཐུབ་ན་བསམ་པ་དང་། ལྷག་དོན་སློབ་ཆུང་ལ་ཀློག་འདོན་དང་འབྲིང་རིམ་ཚོ་ལ་བརྡ་དག་གི་ཆ་འདི་ཤིན་ཏུ་གལ་ཆེ་བ་ཕྲན་གྱི་“བསེ་ཚང་ཚང་གི་ཀ་རྩོམ་《བསླབ་པར་བྱ་བའི་གཏམ་》ཞེས་པའི་གལ་གནད་སྐོར་ཅུང་ཙམ་གླེང་བ་”ཞེས་པའི་ནང་དུ་ཅུང་བྲིས་ཡོད་པ་དེ་རུ་གསལ་བ་དང་།གཅིག་བྱས་ན་ཁོ་བོས་བྲིས་པའི་གནས་ཚུལ་འདི་དག་གང་ཟག་རེ་འགར་ཡིད་མི་ཆེས་པའི་དོགས་པ་ཡང་འཕྲད་སྲིད་ཀྱང་། ཁྱེད་ཅག་གིས་དལ་མོ་ཉམས་ཞིབ་བྱོས་དང་ཕྱིས་སུ་དེ་བས་ཀྱང་ཇེ་མང་དང་གནས་ཚུལ་ཛ་དྲག་ཏུ་འགྲོ་བ་གདོན་མི་ཟ་བ་འདུག་སྟེ། གཅིག་ན། དགེ་རྒན་གྱི་ངོས་ཐད་ནས་སྒྲ་མི་དག་པའི་ཁ་དིག་ཅན་མང་དུ་འབྱུང་མུས་སུ་ཡོད་པ་དང་། གཉིས་ན། རྒྱུན་མཐོང་གི་དཔེ་ཆ་དང་སྦྱོང་དེབ་རེ་འགའ་ལས་མིང་ཚིག་སླ་བ་ཡ་ཅན་(མིག)དང་། ཆ་ཅན་(ལག་པ)ལྟ་བུ་རེ་འགའ་ལས་མཐོང་རྒྱུ་ཉུང་བ་དང་། གསུམ་ན། རང་ཉིད་ཀྱི་མིང་བརྡ་སོགས་ཁ་བརྡ་དང་དཔེ་ལྟ་ཁྲོད་ནས་ཉམས་དམའ་བ་དང་བཀོལ་སྤྱོད་ཁྱབ་ཆུང་དུ་འགྲོ་བཞིན་པ་བཅས། གནད་དོན་འདི་དག་ཁོ་བོས་བསམ་ན་གནས་སྐབས་མེ་སྟག་ཙམ་ལས་མི་མཐོང་ན་ཡང་། ཉེན་འགོག་གི་འདུ་ཤེས་མཐོ་འདེགས་སུ་གཏོང་མ་ཐུབ་ཚེ་སྒྲ་ཡི་སྦྱོར་བའི་གསལ་དག་གི་ཟླ་བ་འདི་ཉིད་རེ་ཞིག་སྤྲིན་རིམ་གྱིས་བསྒྲིབ་པར་ཐག་མི་རིང་ཞིང་། “ཀྲུང་ཧྭ་རིག་གནས་ཀྱི་བང་མཛོད་བརྟན་སྲུང་གི་ཆེད་དང་། མི་རིགས་རིག་གནས་ཀྱི་དཔལ་ཡོན་ཆེད་དུ་”ཅིས་ཀྱང་བསམ་གཞིག་བྱེད་འོས་ལ་ཞེས་ཞུ་ན་འདོད་པ་ཡིན་ལ། དེ་ལྟར་ཟླ་བ་གཅིག་གི་མཐོང་ཐོས་ཙམ་ལས་མ་འདས་པས། གཞི་རྒྱ་ཆེ་བའི་ཞིབ་འཇུག་དང་ལྷག་བསམ་མཚོན་མི་ཐུབ་ན་ཡང་། དགེ་རྒན་དང་། སློབ་མ། ཁྱིམ་བདག་ཚང་མས་དོ་སྣང་བྱེད་འོས་པའི་གནད་འགའ་ཞིག་ཅིས་ཀྱང་འདུག་པས། གྱི་ན་བས་ཟིན་བྲིས་འདི་ཉིད་དག་བཅོས་དང་ཁ་སྐོང་བྱས་ཏེ་སླད་མ་བསམ་ཤེས་ཅན་རེ་ལ་སྐུལ་ལྕག་རེ་ཐེབས་ན་བསམ་པ་དང་བཅས་བྲིས་ཤིང་། དགུན་གནང་གི་ཟླ་བ་དེའི་ནང་དོན་འབྲས་ཆེ་ཞིག་མ་སྨིན་ན་ཡང་། ངས་ཁོང་ཅག་གི་ནོར་བ་དང་ཁ་སྐོང་གི་རི་མོ་དེ་དག་གསལ་བོ་ཞིག་བྲིས་རྗེས། ཕྱི་དྲོ་ཞིག་ལ་འདྲུལ་འཐེན་རྙིང་གོག་གཅིག་གི་ནང་དུ་མལ་གོས་དང་དཔེ་ཆ་སོགས་བཞག་ནས་སྤྲོ་སེམས་དང་བཅས་ཕྱིར་ཁྱིམ་དུ་ལོག་ཅིང་། ཉིན་གསུམ་གྱི་རྗེས་ནས་དར་མདོ་ལ་ཆས་པ་ཡིན།

2023 /11 /22ཉིན་མཇུག་གྲུབ།

http://mp.weixin.qq.com/s?__biz=MjM5MDUzNjAyMw==&mid=2650841299&idx=1&sn=ce037fa2c7bfd3039f30519bf11be73f

岭子藏文网站

ང་ཚོ་མཉམ་དུ་འཛོམས་པ་ནི། ལས་དབང་ཞིག་ཅི་ལ་མིན་ཨང་།

མདོ་སྔགས་རྩོད་སྤང་གཟུར་གནས་དགྱེས་པའི་ལེགས་བཤད།

འོས་སྦྱོར། རང་རེའི་ཚོང་བ་ཕལ་ཆེར་ཐེངས་གཅིག་གི་ཚོང་བ་རེད།

དགེ་དབང་མོ། ཟླ་གཅིག་རིང་གི་གསར་འགྱུར་སློབ་ཚན་གྱི་ནང་དོན་ཆ་ཚང་།

འོས་སྦྱོར། ཕྲག་དོག་གིས་གཞན་འདུལ་བར་བསམ་པ་ནི་གླེན་རྟགས་ཤིག་ཡིན།

རྨེ་གྲྭ་ཚེ་རིང་བསམ་འགྲུབ་ཀྱིས་འཆད་ཁྲིད་གནང་རྒྱུ་ཡིན་པས་ཕེབས།

རྩོམ་གསར། སྨར་ཁམས་གསེར་ལྡན་སྤྲུལ་སྐུའི་ནག་ཉེས་ཆེན་པོ་དགུ།

ཅ་ལག་སྤུས་ཡག་དང་གོང་རྩ་ལེན་དགོས་ན་འབྲེལ་བ་བྱོས།

དེང་སང་གི་ན་གཞོན་ཕོ་མོ་དག་ལ་མཁོ་ངེས་ཀྱི་བརྩེ་དུང་གི་གཏམ་དགུ།

རྩོམ་གསར། ཆེ་བ་བརྒྱད་ལྡན་གྱི་མཁན་ཆེན་ཚུལ་ཁྲིམས་བློ་གྲོས།

ང་ཚོས་ལྟ་ལོག་པ་དག་ལ་རྟགས་གསལ་བཏང་ནས་ཚར་མི་གཅོད་དོན་ཅི་ཡིན།

འོས་སྦྱོར། ཕྲག་དོག་གིས་གཞན་འདུལ་བར་བསམ་པ་ནི་གླེན་རྟགས་ཤིག་ཡིན།

གྲྭ་པས་ཆགས་སྡང་མ་རྩོད། མི་སྐྱ་ཕོ་མོ་ཚོས་རང་ཁ་རང་གསོ་ཡག་པོ་བྱོས།

ནང་པའི་གྲྭ་པ་འདི་ལ་ང་ཚོས་སློབ་སྦྱོང་བྱ་འོས། སྡེ་དགེའི་ཟླ་ཡག

གྲྭ་ལོག་བྱས་རྗེས་སུ་ངེས་པར་དུ་བསྲུང་དགོས་པའི་དམ་ཚིག་བཞི།

ཡིག་འབྲི་པ་ཚ་འབྲོག་རྒྱལ་སྲས་ལ་བཅར་འདྲི་བྱས་པ། གླིང་ལོ་མ་སེར་པོ།

འོས་སྦྱོར། པར་བརྐོས་ལག་རྩལ་ཐོན་རྫས། གཟུགས་གཞུག གཏོར་པར།གསེར་འོད།

འབོལ་རྩོམ། སངས་རྒྱས་འཕྲིན་ལས། རྩོམ་གསར།

གུ་རུ་རིན་པོ་ཆེས། བོད་ལ་དྲིན་ཆེ་བྱས་ཀྱང་དྲིན་མི་གོ། ཞེས་གསུངས།

མཁན་རིག་དར། བན་བོན་རྣམས་ཀྱི་འགྱུར་བ་ཡག་ཤོས་གསུམ། སྡུག་ཤོས་གསུམ།

འོས་སྦྱོར། བོད་ཀྱི་གྲྭ་ལོག་སྤྱན་འདྲེན་ལྕགས་ཀྱུ་མ་ཞེས་བྱ་བ་བཞུགས།

ཆོས་ལྡན་བོད་མི་ཡོངས་ཀྱི་ཞབས་འདྲེན་ཡིན། སེང་ལྡེ་མིག

ཁྲག་ཚིལ་མཐོ་བའི་ནད་པ་དག་གིས་ངེས་པར་དུ་གཟིགས་རོགས་གནང་ཞུ།

འགྲོགས་འདྲིས་རྩ་བ་ནས་མི་རུང་བའི་མི་བརྒྱད། ཀེ་རེའི་ལྷ་ཆེན་རྒྱལ།

རྫོང་སར་འཇམ་དབྱངས་མཁྱེན་བརྩེ་མཆོག་གི་གསུང་དུམ་ཐོར་བུ་འགའ།

བོད་ཀྱི་ལོ་རྒྱུས་ལ་ད་སྔོན་བྱུང་མ་མྱོང་བའི་མཁས་པ་མི་གསུམ།

གལ་ཏེ་གསོལ་འདེབས་བྱས་ན་ཁྱོད་ཀྱི་ནད་བཅོས་ཐུབ། ཚན་རིག

བཟའ་ཚང་བདེ་སྐྱིད་ཡོང་བར་ཉམས་སུ་ལེན་དགོས་པའི་དོན་ཚན་བརྒྱད།

དགེ་སློང་ཕ་ཚོགས་རྐྱང་བས་དགེ་སློང་མ་བསྒྲུབ་ཆོག་པའི་དོགས་གཅོད།

དོར་ཞི། སངས་རྒྱས་ཆོས་ལུགས་པས་ཤ་བཟའ་རུང་མི་རུང་གི་དོན་བཤད་པ།

སངས་རྒྱས་ཀྱི་བསྟན་པ་འདི་འཛམ་གླིང་ལ་ཉི་མ་ཤར་བ་ལྟ་བུ་ཞིག་དར་ཐུབ།

འོས་སྦྱོར། བོད་ཀྱི་དགེ་རྒན་ནི་འདི་འདྲ་ཞིག་ལ་ཟེར། ཨ་ལོང་།

སངས་རྒྱས་ཀྱི་བཀའ་དང་འགལ་བའི་ང་ཚོ་བོད་ཀྱི་བླ་སྤྲུལ་ཚོའི་བྱ་སྤྱོད།

མི་ཚད་ལྡན་ཞིག་བྱ་འདོད་ན་དོན་ཚན་འདི་དགུ་པོ་ལག་བསྟར་བྱོས།

སློབ་གསོ། སྐུ་ཞབས་ཞོགས་དུང་གི་སློབ་གསོའི་མན་ངག་ཁག་དགུ། ཚན་བཀོད།

སྲིད་འཛིན་ཕོ་འགྱིང་ལགས་འཛིན་བཟུང་བྱ་ཐུབ་མ་སོང་། དགོངས་དག་ཞུ།

བོད་མི་ཚོའི་འཚོ་བའི་ཁྲོད་ཀྱི་སྐྱུགས་བྲོ་བའི་དོན་ཚན་ཆེན་པོ་དགུ།

རྒྱལ་ཁབ་དང་ས་གནས་མི་འདྲ་བ་བདུན་ཅུ་ལྷག་གི་སྐུ་ཚབ་ཕེབས་རྒྱུ་རེད།

ངས་ཉེ་ལམ་ཆ་རྐྱེན་འདི་དག་ཚང་བའི་ཆུང་མ་ཞིག་འཚོལ་གྱིན་ཡོད།

གྲྭ་པས་ཆགས་སྡང་མ་རྩོད། མི་སྐྱ་ཕོ་མོ་ཚོས་རང་ཁ་རང་གསོ་ཡག་པོ་བྱོས།

འོས་སྦྱོར། མཁས་པ་ཚ་བ་མདའ་སྨྱུག་གིས་གླིང་བྲོའི་སྐོར་གླེང་བ།

བློ་མཐུན་མའོ་ཙེ་ཏུང་གི་ལེགས་བཤད་ཚན་པ་དགུ།

ནུབ་ཕྱོགས་པ་ནི་ཡོད་ཚད་ཀྱི་ཚད་ཤིང་ཡིན་ནམ།

རྩོམ་གསར། ཕ་མའི་དྲིན་གཟོ་ལ་སྐུལ་བའི་གཏམ།

བུད་མེད་རབ་འབྲིང་ཐ་གསུམ་ཀྱི་དབྱེ་བ་འབྱེད་སྟངས། འཛི་སྒར་མཁན་པོ།

བླ་མ་དང་བླ་ཟུར། བླ་ལོག བླ་རྫུན། ཇུམ་པ་བཅས་ཀྱི་དབྱེ་བ་དང་མཚན་ཉིད།

ལ་ལས་ཐ་མ་ཁ་འཐེན་ན་དམྱལ་བར་ལྟུང་ཞེས་བཤད།

འོས་སྦྱོར། ཞོགས་པར་སྔ་ལངས་བྱེད་པའི་ཐབས་ལམ་ལྔ། སྒང་རུ་དར།

སྐྱེས་པ་འདིས་མི་ལོ་སུམ་ཅུའི་རིང་ལ་བུད་མེད་ཁོ་ན་བྲིས།

རྩོམ་གསར། འབྲོག་ཐང་གི་སློབ་གྲྭ་ཞིག་ཏུ་བསྐྱོད་པའི་ཟིན་བྲིས།

分类

时事

民生

政务

教育

文化

科技

财富

体娱

健康

情感

旅行

百科

职场

楼市

企业

乐活

学术

汽车

时尚

创业

美食

幽默

美体

文摘

原创标签

时事社会财经军事教育体育科技汽车科学房产搞笑综艺明星音乐动漫游戏时尚健康旅游美食生活摄影宠物职场育儿情感小说曲艺文化历史三农文学娱乐电影视频图片新闻宗教电视剧纪录片广告创意壁纸头像心灵鸡汤星座命理教育培训艺术文化金融财经健康医疗美妆时尚餐饮美食母婴育儿社会新闻工业农业时事政治星座占卜幽默笑话独立短篇连载作品文化历史科技互联网

发布位置

广东北京山东江苏河南浙江山西福建河北上海四川陕西湖南安徽湖北内蒙古江西云南广西甘肃辽宁黑龙江贵州新疆重庆吉林天津海南青海宁夏西藏香港澳门台湾美国加拿大澳大利亚日本新加坡英国西班牙新西兰韩国泰国法国德国意大利缅甸菲律宾马来西亚越南荷兰柬埔寨俄罗斯巴西智利卢森堡芬兰瑞典比利时瑞士土耳其斐济挪威朝鲜尼日利亚阿根廷匈牙利爱尔兰印度老挝葡萄牙乌克兰印度尼西亚哈萨克斯坦塔吉克斯坦希腊南非蒙古奥地利肯尼亚加纳丹麦津巴布韦埃及坦桑尼亚捷克阿联酋安哥拉

​རྩོམ་གསར། འབྲོག་ཐང་གི་སློབ་གྲྭ་ཞིག་ཏུ་བསྐྱོད་པའི་ཟིན་བྲིས།

རྩོམ་གསར། འབྲོག་ཐང་གི་སློབ་གྲྭ་ཞིག་ཏུ་བསྐྱོད་པའི་ཟིན་བྲིས།