يۇلتۇز ئۇ ئالماستۇر مەن ساڭا بەرگەن
ۋاڭ گوجېن
تۇرسۇن قۇربان كۈلپىتى تەرجىمىسى
قۇربىتىم يەتمەيدۇ قىممەت سوۋغىغا،
چۈنكى مەن يوقسۇلمەن، تولىمۇ يوقسۇل.
بىلىمەن، نامراتلىق كاتتا ئىش ئەمەس،
بىلگەيسەن ۋاقتىنچە تاپالمىغان يول.
ناھايىتى كۆپ سوۋغات بەرگۈم بولسىمۇ،
يوق مېنىڭ قولۇمدا كۆپ نەرسە ئەمما.
يۇلتۇز ئۇ ئالماستۇر مەن ساڭا بەرگەن،
مەن ساڭا بەرگەن ھەم باغچا، كەڭ دالا،
يەنە بۇ كۆڭلۈممۇ سوۋغاتتۇر ھەتتا.
مەن بىلەن ئۆتۈشنى خالىساڭ ئەگەر،
ئۆتۈنەي ئېيتىپ قوي ماڭا بىر ئېغىز.
مېنىڭمۇ ئېيتقۇم بار، ئېيتقۇم بار ساڭا،
بولسىمۇ يولدا گەر خوخا – تىكەنلەر،
ئېچىلار سېرىسمۇ زىنھار گۇمانسىز.
