ئاۋسترالىيە ھۆكۈمىتى چەتئەللىك ئوقۇغۇچىلارنىڭ كۆپىيىشىنى تىزگىنلەش، كۆچمەنلەرنىڭ سانىنى ئازايتىش ئۈچۈن، 19-دېكابىر چەتئەلگە چىقىپ ئوقۇش ۋىزىسى ئىلتىماسىنى بىر تەرەپ قىلىشنى ئالدىنلىق دەرىجىسى بويىچە ئىككى دەرىجىگە ئايرىيدىغانلىقىنى جاكارلىدى. مائارىپ ئورگانلىرىدىكى خەلقئارالىق ئوقۇغۇچىلار سانى ھۆكۈمەت نورمىسىنىڭ %80ىدىن ئېشىپ كەتكەندە، ۋىزا تەستىقلاش سۈرئىتى ئاستىلايدۇ، دەرىجىسىمۇ تۆۋەنلەيدۇ، شۇنىڭ بىلەن بىر ۋاقىتتا نورمىسى توشمىغان مائارىپ ئورگانلىرىنىڭ ۋىزا ئىلتىماسى ئالدىن تەكشۈرۈپ بېجىرىلىدۇ.
