ءۇرىمجى قالاسىنىڭ تۇرعىنى داي حانىم بىلاي دەپ كەڭەس سۇرادى: بيىل 5-ايدا ءبىر شوفەرلەر مەكتەبىنە وقۋعا تىزىمدەلدىم. ۇيىمە جاقىن بولىپ، اۆتوبۋزبەن بارۋىما قولايلى بولعاندىقتان، شوفەرلىكتى وسى مەكتەپتە ۇيرەنۋدى تاڭدادىم. شوفەرلىك ۇيرەنەتىن وقۋشىلار كوپ بولاتىن جازعى دەمالىس كەزىمەن قاباتتاسىپ قالماۋدى ويلاستىرا كەلە شوفەرلەر مەكتەبىمەن 9-ايدان باستاپ شوفەرلىك وقۋدى كەلىستىم. الايدا 7-ايدا وسى شوفەرلەر مەكتەبى ۇيىمنەن 10 نەشە كيلومەتر، قىزمەت ورنىمنان 30 نەشە كيلومەتر قاشىقتىققا كوشىپ كەتتى. مەيلى مەرەكە، دەمالىس كۇندەرى بولسىن، ۇيدەن، الدە قىزمەت ورنىمنان بولسىن، جاڭا اۆتوكولىك جۇرگىزۋگە جاتتىعۋ ورنىنا بارۋىم وتە قولايسىز بولدى. سونىمەن شوفەرلەر مەكتەبىنەن جاڭا اۆتوكولىك جۇرگىزۋگە جاتتىعۋ ورنىنىڭ وتە الىستىعىنان بارىپ-كەلۋىم قولايسىز بولعاندىقتان، وقۋ قاراجاتىمدى قايتارىپ بەرۋدى تالاپ ەتتىم، الايدا شوفەرلەر مەكتەبى قاراجاتتى قايتارۋ ءۇشىن، 1000 يۋاندى تارتىپ قالۋعا تۋرا كەلەتىندىگىن ايتتى. سۇرايىن دەگەنىم، بۇلاي ىستەۋ ورىندى ما؟
انار بۇلت زاڭدىق كومەك بەرۋ ۇجىمىنىڭ مۇشەسى، بەيجيڭ داچىڭ (ءۇرىمجى) ادۆوكاتتىق ورنىنىڭ ادۆوكاتى پان زىڭحۇي بىلاي دەدى: شوفەرلەر مەكتەبىنىڭ قاراجاتتى قايتاراتىن كەزىندە 1000 يۋاندى تارتىپ قالۋى ورىنسىز. ”جۇڭحۋا حالىق رەسپۋبليكاسىنىڭ تۇتىنۋشىلاردىڭ ۇقىق-مۇددەسىن قورعاۋ زاڭىن اتقارۋ ەرەجەسىنىڭ“ قاتىستى بەلگىلەمەلەرىندە بىلاي دەلىنگەن: شارۋاشىلىق جۇرگىزۋشى كاسىبىن توقتاتۋدى نەمەسە قىزمەت وتەۋ ورنىن كوشىرۋدى بەكىتسە، 30 كۇن بۇرىن شارۋاشىلىق جۇرگىزۋ ورنى، سايت، توراپ دۇكەنىنىڭ باس بەتى سياقتىلاردىڭ كورنەكتى جەرىنە شارۋاشىلىق جۇرگىزۋشىنىڭ جارامدى بايلانىس ءتاسىلى قاتارلى ينفورماتسيالارىن حابارلاندىرۋى كەرەك. شارۋاشىلىق جۇرگىزۋشى كاسىبىن توقتاتۋدى نەمەسە قىزمەت وتەۋ ورنىن كوشىرۋدى بەكىتسە، تۇتىنۋشىلارعا الدىن الا ايتىپ قويۋى ءارى حابارلاندىرۋ شىعارۋ بورىشىن وتەۋى كەرەك. تۇتىنۋشىلار مەملەكەتتىڭ قاتىستى بەلگىلەمەلەرىنە نەمەسە توقتام كەلىسىمدەرىنە ساي، ءالى ىستەتىلىپ بولماعان الدىن الا تولەگەن اقشاسىنىڭ قالعانىن قايتارىپ الۋدى تالاپ ەتۋگە ۇقىقتى.
سونىمەن قاتار توقتامنىڭ اتقارىلۋ شارتىندا تۋىلعان وزگەرىستى ويلاستىرا كەلە، سونداي-اق توقتامعا كەلىسۋشى جاق بولعان سىزگە اۋىر ىقپال جاساعاندىقتان، شوفەرلىككە تاربيەلەۋ توقتام ماقساتىن جۇزەگە اسىرۋعا كەلمەيدى، ءسىز توقتامدى كۇشىنەن قالدىرۋدى ءارى بارلىق اقشاڭىزدى قايتارىپ الۋدى تالاپ ەتۋىڭىزگە بولادى. ءسىزدىڭ شوفەرلەر مەكتەبىمەن تاعى دا اقىلداسىپ كەلىسۋىڭىزدى ۇسىنامىز. ەگەر شوفەرلەر مەكتەبى تاعى دا اقشاڭىزدى تارتىپ قاالاتىندىعىن ايتسا، وندا ءسىزدىڭ 12315 تۇتىنۋشىلاردىڭ شاعىم ايتۋ، اشكەرەلەۋ ارناۋلى تەلەفونىنا تەلەفون شالۋىڭىزعا نەمەسە حالىق سوتى مەكەمەسىنە ارىز بەرىپ، زاڭ قارۋى ارقىلى ۇقىق-مۇددەڭىزدى قورعاۋىڭىزعا بولادى.
来源：新疆法治报
编辑：阿莱·赫亚克巴依
责编：叶克奋·沙布尔
监制：叶尔兰·努哈
