女子“假死”逍遥法外9年
两协助人员获刑
ءبىر ايەل ”جالعان ءولىپ“ 9 جىل زاڭ قۇرىعىنان قۇتىلىپ ەمىن-ەركىن ءجۇردى ەكى سىبايلاسى زاڭ جازاسىنا تارتىلدى
زاڭ جازاسىنا تارتىلۋعا ءتيىستى دي x كەپىلگە بوساتىلعان مەزگىلدە ونىڭ تۋىسى باسقالارمەن بىرلەسىپ ونىڭ ءولىم ىسپاتىن جالعاننان جاساعان ءارى نوپوس داپتەرىنەن ءوشىرتىپ تاستاعان، ءسويتىپ، دي x توعىز جىل زاڭ تۇزاعىنان قۇتىلىپ، ەمىن-ەركىن جۇرگەن. 2021-جىلى 5-ايدا دي x يۇننان ولكەسىنىڭ كۇنميڭ قالاسىندا زاڭ تورىنا ءتۇستى، ال دي xتىڭ ”جالعان ولۋىنە“ كومەكتەسكەن ءاي x پەن ا x جۋىقتا حالىق سوتى مەكەمەسى جاعىنان جازاعا تارتىلدى.
2012-جىلى 7-ايدا دي x ەسىرتكى تاسۋ قىلمىسى كۇمانىمەن قوعام حاۋىپسىزدىگى ورگانى جاعىنان قولعا الىنادى، كەپىلگە بوساتىلعان مەزگىلدە دي xتىڭ تۋىسى ءاي x پەن ا xكە دي xتىڭ ولگەنى تۋرالى جالعان ىسپات شىعارىپ، دي xتى زاڭ جازاسىنان قۇتقارۋعا كومەكتەسۋدى تاپسىرادى. ا x ورىنسىز تاسىلمەن دي xتىڭ ولگەنى تۋرالى ىسپاتقا قول جەتكىزەدى، ونان سوڭ ءاي x وسى ءولىم ىسپاتىن الىپ بارىپ دي xتى نوپوس داپتەرىنەن ءوشىرتىپ تاستايدى. سونىمەن دي x ”ولگەن ادامعا“ اينالادى.
9 جىلدان كەيىن دي x كۇنميڭ قالاسىندا زاڭ تورىنا ءتۇسىپ، حالىق سوتى مەكەمەسى جاعىنان مەرزىمسىز قاماۋ جازاسىنا ۇكىم ەتىلەدى. حالىق ساقشىلارى دي xتىڭ دەلوسىن تەكسەرۋ بارىسىندا ا x پەن ءاي xتىڭ ءولىم ىسپاتىن جالعاننان جاساپ ءارى دي xكە كومەكتەسىپ ونى نوپوس داپتەرىنەن ءوشىرتىپ تاستاعاندىعىن بايقايدى.
بيىل 9-ايدا ەسىرتكى اتكەزشىلىگىمەن شۇعىلدانعان قىلمىسكەردى قورعاشتاۋ قىلمىسىنا شاتىلعاندىقتان، ءاي x پەن ا xتىڭ ۇستىنەن الەۋمەتتىك شاعىم ورگانى جاعىنان ارىز بەرىلدى. مارالباسى اۋداندىق حالىق سوتى مەكەمەسى زاڭ بويىنشا سوت اشىپ وسى دەلونى قارادى.
سوت مەكەمەسى تەكسەرۋ ارقىلى بىلاي دەپ قارادى: ءاي x پەن ا x مەملەكەت زاڭىن كوزگە ىلمەي، ەسىرتكى اتكەزشىلىگىمەن شۇعىلدانىپ قولعا الىنعاننان كەيىن كەپىلگە بوساتىلعان دي xتى نوپوس داپتەرىنەن ءوشىرتىپ، ونىڭ زاڭ جازاسىنان قاشىپ قۇتىلۋىنا كومەكتەسكەن، بۇل ەسىرتكى اتكەزشىلىگىمەن شۇعىلدانعان قىلمىسكەردى قورعاشتاۋ قىلمىسىن قالىپتاستىرىپ، ءادىليا ادىلدىگىنە اۋىر دارەجەدە كەدەرگىلىك جاساپ، قوعامدىق ءتارتىپتى بۇلدىرگەن، سيپاتى توتەنشە ناشار. ا x پەن ءاي x ءوز ەركىمەن قىلمىسىن مويىنداعانى سەبەپتى، احۋالعا قاراي كەڭشىلىكپەن ءبىر جاقتى ەتىلەدى. سوڭىندا ا x ءۇش جىل مەرزىمدى قاماۋ جازاسىنا، ءاي x ەكى جىل 6 اي مەرزىمدى قاماۋ جازاسىنا ۇكىم ەتىلدى.
来源：新疆法治报
编辑：阿莱·赫亚克巴依
责编：叶克奋·沙布尔
监制：叶尔兰·努哈
