全区政法队伍建设会议召开
着力锻造忠诚干净担当的新时代政法铁军
全力维护新疆社会稳定保障各族群众安宁
马兴瑞讲话
艾尔肯·吐尼亚孜主持 何忠友出席
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 23 - كۇنى ۇرىمجىدەن حابارلايدى. بۇكىل رايوننىڭ ساياسي - زاڭ قوسىنى قۇرىلىسى ءماجىلىسى 11 - ايدىڭ 23 - كۇنى اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ساياسي - زاڭ قوسىنى قۇرىلىسى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا جورىقتاعى شينجياڭ ساياسي - زاڭ قىزمەتىنىڭ بورىشىن، مىندەتىن دالمە - ءدال يگەرىپ، جاڭا داۋىردەگى ادال، كىرشىكسىز، جاۋاپكەرشىلىك ارقالايتىن ساياسي - زاڭ قۇرىش قوسىنىن تۇلعالاپ، مەملەكەتتىڭ ساياسي حاۋىپسىزدىگى مەن شينجياڭنىڭ قوعام ورنىقتىلىعىن باتىل قورعاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى حاۋىپسىزدىك قامتاماسىزدىعىن ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى، باس شۋجي شي جينپيڭ ساياسي - زاڭ قوسىنى قۇرىلىسىن كۇشەيتۋگە ايرىقشا ءمان بەرىپ، ءبىرقىدىرۋ ماڭىزدى نۇسقاۋ بەرىپ، جاڭا داۋىردەگى ساياسي - زاڭ قوسىنى قۇرىلىسىنىڭ بەتالىستىق سيپاتتى، جالپى جاعداي سيپاتتى، ءتۇبىرلى سيپاتتى ماسەلەلەرىن ىشكەرىلەي ءتۇسىندىردى. ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، شينجياڭ ساياسي - زاڭ قوسىنى قۇرىلىسىنىڭ ايرىقشا ماڭىزدىلىعىن جەتە تانىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جاڭا داۋىردەگى ساياسي - زاڭ قوسىنى قۇرىلىسىن جاپپاي كۇشەيتىپ، مەملەكەت حاۋىپسىزدىگىن، قوعامنىڭ تىنىشتىعىن، حالىقتىڭ اماندىعىن قورعاۋ كەلەلى جاۋاپكەرشىلىگىن شىنايى اتقارۋىمىز كەرەك.
ما شيڭرۇي بىلاي دەپ باسا دارىپتەدى: شينجياڭنىڭ ساياسي - زاڭ قوسىنى تۋى ايقىن تۇردە ساياسيدى دارىپتەپ، قاي - قاشان دا يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تارتىپكە جانە ساياسي قاعيداعا قاتاڭ بويسۇنىپ، شارتسىز ادال، شارتسىز كىرشىكسىز، شارتسىز سەنىمدى بولۋدى ورىنداۋى كەرەك. زاڭمەن باسقارۋ دەڭگەيىن ۇزدىكسىز جوعارىلاتىپ، شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، جەتە ءتۇسىنىپ، ءادىل، وركەنيەتتى زاڭ اتقارۋدى قاتاڭ ارناعا ءتۇسىرىپ، ءادىليا ۇقىعىن جۇرگىزۋدى ارناعا ءتۇسىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، شينجياڭدى جاپپاي زاڭمەن باسقارۋ تالابىن ساياسي - زاڭ قىزمەتىنىڭ تۇتاس بارىسىندا تياناقتاندىرۋى كەرەك. مامانداندىرۋ قۇرىلىسىن كۇشەيتىپ، ناقتى شايقاس، ناقتى پايدالانۋ، ناقتى ونىمدىلىك باعدارىن كورنەكتىلەندىرىپ، دالمە - ءدال سوققى بەرۋ قابىلەتىن شىڭداپ، حاۋىپ - قاتەردەن ساقتانۋ جانە ونى مەڭگەرۋ، بۇقارالىق قىزمەت، جوعارى ساپالى دامۋدى قامتاماسىز ەتۋ، عىلىم - تەحنيكانى قولدانۋ سياقتى جاقتاردا قابىلەتتى جوعارىلاتۋى كەرەك. ساياسي - زاڭ كۇشىن نەگىزگى ساتىعا ءتۇسىرۋدى ۇزدىكسىز ىلگەرىلەتىپ، ساقشى كۇشى بايلىعىن حاۋىپتى جاعداي كوپ، جاعدايى كۇردەلى، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر نەگىزگى ساتى ءبىرىنشى شەبىنە بەيىمدەۋگە تاباندى بولىپ، ساقشى بولىمشەسىنىڭ جۇمىس جۇرگىزۋ مەحانيزمىن ساپالىلاندىرىپ، نەگىزگى ساتىنى باسقارۋ دەڭگەيىن جوعارىلاتۋ كەرەك. پارتيانى قاتاڭ باسقارۋدى، ساقشى قوسىنىن قاتاڭ جونگە سالۋدى جاپپاي ىلگەرىلەتىپ، ءتۇزىم - مەحانيزمدى كەمەلدەندىرىپ، جاڭا داۋىردەگى ساياسي - زاڭ كادر - ساقشىلارىنا قاراتىلعان بولاتتاي تيىم - بۇيرىقتاردى قاتاڭ اتقارىپ، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تەرەڭدەتىپ، پارتيانى جاپپاي قاتاڭ باسقارۋدى ساياسي - زاڭ سالاسىندا ىشكەرىلەي ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: ساياسي - زاڭ قوسىنى − مەملەكەت حاۋىپسىزدىگى مەن قوعام ورنىقتىلىعىن قورعايتىن ارناۋلى كۇش، شينجياڭداعى ورنىقتىلىقتى قورعاۋ قىزمەتىنىڭ جاعدايىن، مىندەتىن ىشكەرىلەي يگەرىپ، حاۋىپ - قاتەردەن ساقتانۋ، حاۋىپسىزدىكتى قامتاماسىز ەتۋ، ورنىقتىلىقتى قورعاۋ قىزمەتتەرىن تىڭعىلىقتى، ويداعىداي ىستەۋ كەرەك. قاي - قاشان دا قوعام ورنىقتىلىعىن قورعاۋدى ماڭداي الدى ورىنعا قويىپ، ”ءۇش ءتۇرلى كۇشكە“ قاتاڭ سوققى بەرىپ جانە ودان قاتاڭ ساقتانىپ، شەكارا حاۋىپسىزدىگى بويىنشا ساقتانۋ - تىزگىندەۋ تورىن بەرىك ورناتىپ، حاۋىپسىزدىك، ورنىقتىلىق تومەنگى شەگىن باتىل ساقتاۋ كەرەك. ”قايشىلىقتاردى، حاۋىپ - قاتەردى ءبىر جاقتى ەتۋ، قوعام ورنىقتىلىعىن قورعاۋ“ ارناۋلى رەتتەۋ - وڭاۋىن ىشكەرىلەي ىلگەرىلەتىپ، قوعامدىق قايشىلىقتاردى، داۋ - شاردى اداقتاپ تەكسەرۋ، ءبىر جاقتى ەتۋ قىزمەتىن ناقتى، ەگجەي - تەگجەيلى ىستەپ، ءتۇيىندى ورىندار مەن ادامدار ءجيى شوعىرلانعان ورىندارداعى شارلاپ ساقتانۋدى، شارلاپ تىزگىندەۋدى كۇشەيتىپ، ۇشقارى دەلو - ۋاقيعالاردىڭ تۋىلۋىنان قاتاڭ ساقتانىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن قوعام ورنىقتىلىعىن بار كۇشپەن قامتاماسىز ەتۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار ساياسي - زاڭ قوسىنى قۇرىلىسىن ماڭىزدى كەڭەستىك كۇن تارتىپكە ەنگىزىپ، ساياسي - زاڭ قوسىنى قۇرىلىسىنىڭ ءتۇزىلىس سيپاتتى، مەحانيزم سيپاتتى قيىن ماسەلەلەرىن كۇش سالا شەشىپ، ءار جاقتا قولداۋ كورسەتۋدى، قامتاماسىز ەتۋدى كۇشەيتۋى كەرەك. ءار دارەجەلى ساياسي - زاڭ، ءتارتىپ تەكسەرۋ، ۇيىمداستىرۋ سياقتى تاراۋلار ءوز جاۋاپكەرشىلىگىن ادا ەتىپ، ساياسي - زاڭ قوسىنى قۇرىلىسىن كۇش بىرىكتىرە ىلگەرىلەتۋى كەرەك. جەر - جەر، تاراۋلار ساقشىلارعا مەيىر جەتكىزۋ، ساقشىلاردى قادىرلەۋ سەرپىنىن ارتتىرىپ، قيىنشىلىقتارىن، ماسەلەلەرىن دەر كەزىندە كومەكتەسىپ شەشىپ، تيپتەردى ۇگىتتەۋ سەرپىنىن ارتتىرىپ، ساياسي - زاڭ قىزمەتىن قولدايتىن، ساياسي - زاڭ كادر - ساقشىلارىنا كوڭىل بولەتىن قويۋ راي قالىپتاستىرۋى كەرەك.
ەركىن تۇنياز ءماجىلىستى باسقارعاندا بىلاي دەپ اتاپ كورسەتتى: ءبىر تۇتاس جوسپارلاپ سايكەستىرۋدى ويداعىداي يگەرىپ، قىزمەت بىرىككەن كۇشىن ۇيىستىرىپ، رەفورما جاساۋ وي جەلىسى جانە شاراسى ارقىلى جاڭا داۋىردەگى شينجياڭ ساياسي - زاڭ قوسىنى قۇرىلىسى قىزمەتىن جوسپارلاپ ىلگەرىلەتۋ كەرەك. قۋزاۋدى، جەتەكشىلىك ەتۋدى ويداعىداي يگەرىپ، ساياسي - زاڭ قوسىنى قۇرىلىسىن ساياسيدى قاداعالاۋ كولەمىنە ەنگىزىپ، پارتيانى جاپپاي قاتاڭ باسقارۋدى، ساقشى قوسىنىن جاپپاي قاتاڭ جونگە سالۋدى تەرەڭدەتۋ كەرەك. قىزمەت ونىمدىلىگىن جوعارىلاتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ورنىقتىلىقتى قورعاۋ قىزمەتتەرىن العان بەتتەن قايتپاي ويداعىداي يگەرىپ، ەسكى جىلدىڭ سوڭىندا، جاڭا جىلدىڭ باسىندا شينجياڭ قوعامى كەلەلى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتۋ كەرەك.
ورتالىق ساياسي - زاڭ كوميتەتى ساياسي - زاڭ زەرتتەۋ ورنىنىڭ ورىنباسار باستىعى جاۋ بيڭراڭ «جۇڭگو كوممۋنيستىك پارتياسىنىڭ ساياسي - زاڭ قىزمەت ەرەجەسى» جونىندە تۇسىنىك جاساپ، جەتەكشىلىك ەتتى.
تيان شياڭلي، چىن ميڭگو، ۋاڭ لين جەكە - جەكە ءسوز سويلەپ، قاتىستى قىزمەتتەر جونىندە ناقتى ورنالاستىرۋ جاسادى. تۇتاس رايونداعى ساياسي - زاڭ جۇيەسى قاتىستى ورىندارىنداعى جاۋاپتى جولداستار لەبىز ءبىلدىردى.
اۆتونوميالى رايوندىق ۇكىمەتتەگى جانە بيڭتۋانداعى قاتىستى باسشىلار، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايوننىڭ قاتىستى ورىندارىنداعى جاۋاپتى جولداستار، اۆتونوميالى رايوننىڭ ساياسي - زاڭ جۇيەسىندەگى ءارقايسى ورىن باسشىلىق القاسىنىڭ مۇشەلەرى جانە قاتىستى جاۋاپتى جولداستار، ءارقايسى ايماقتىق، وبلىستىق، قالالىق پارتكوم ساياسي - زاڭ كوميتەتتەرىندەگى نەگىزگى جاۋاپتى جولداستار قاتارلىلار نەگىزگى ءماجىلىس الاڭىندا ماجىلىسكە قاتىناستى. ءارقايسى ايماق، وبلىس، قالالاردا، اۋدان، قالا، رايونداردا، بيڭتۋان ورگاندارىندا جانە شى، قالالاردا، تۋان - الاڭدارىندا بولىمشە ءماجىلىس الاڭى ورنالاستىرىلدى.
