شينحۋا اگەنتتىگىنىڭ 11 - ايدىڭ 21 - كۇنى برازيليادان بەرگەن حابارى (تىلشىلەر جاۋ يان، مياۋ شياۋجۋان). جەرگىلىكتى ۋاقىت 11 - ايدىڭ 21 - كۇنى تۇستەن بۇرىن مەملەكەت ءتوراعاسى شي جينپيڭ 20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسىپ ءارى برازيلياداعى مەملەكەتتىك ساپارىن اياقتاتقاننان كەيىن ارناۋلى ۇشاقپەن ەلگە قايتتى.
برازيليادان اتتاناردا برازيليا اۋىل شارۋاشىلىعى مينيسترلىگىنىڭ مينيسترى فاۋارو، كەن ونىمدەرى جانە ەنەرگيا مينيسترلىگىنىڭ مينيسترى سيلۋەرا، پورت جانە اۋەجاي مينيسترلىگىنىڭ مينيسترى كوستا جانە برازيليا اۋە ارمياسى بازاسىنىڭ سىليڭى ميگۋەل قاتارلى جوعارى دارەجەلى ءمانساپتىلار اۋەجايعا بارىپ اتتاندىرىپ سالدى.
شي جينپيڭ اۆتوكولىكپەن اۋەجايعا بارا جاتقان جولدا حۋاچياۋلاردىڭ، حۋارىنداردىڭ، جۇڭگو قارجىلاندىرعان قۇرىلىمداردىڭ، شەتەلدە وقىپ جاتقان وقۋشىلاردىڭ ۋاكىلدەرى جۇڭگو مەن برازيليا ەكى ەلدىڭ مەملەكەت تۋىن بۇلعاپ، ”دوستىق جاساسىن“ دەپ ۇرانداپ، ءتوراعا شي جينپيڭنىڭ ساپارىنىڭ تولىق تابىستى بولعاندىعىن قۇتتىقتادى.
ساي چي، ۋاڭ ي قاتارلى سەرىك بولىپ بارعاندار سول ۇشاقپەن بىرگە اتتاندى.
