ەرلى-زايىپتى اجىراسقان كەزدە ەكى جاق تا بالانىڭ باعىپ-قاعۋ ۇقىعىن تالاپ ەتەدى، سوت مەكەمەسى ۇكىم شىعاراتىن كەزدە بالانىڭ ەڭ تاماشا مۇددەسىن ويلاستىرۋ كەرەك. تاياۋدا چەرشەن اۋداندىق حالىق سوتى مەكەمەسى قۇشساتما حالىق سوتى باعىپ-قاعۋ ۇقىعىن وزگەرتۋ جونىندەگى ءبىر داۋ-شاردى جاراستىردى.
ا x پەن گۋ2014x -جىلى اجىراسۋ راسمياتىن ءبىتىرىپ، 3 جاستاعى ۇلى ءا x شەشەسى گۋ xپەن بىرگە تۇرمىس كەشىرەدى. بيىل 9-ايدىڭ سوڭىندا ا x ءوزىنىڭ قازىرگى شارت-جاعدايى باعىپ-قاعۋ ۇقىعىن وزگەرتۋدىڭ سايكەستى تالابىنا ۇيلەسەدى دەپ قاراپ، حالىق سوتى مەكەمەسىنە ارىز تاپسىرىپ، ءا xتى باعىپ-قاعۋ ۇقىعىن وزگەرتۋدى تالاپ ەتەدى.
سۋديا تۇڭعىش رەت ءا xتەن پىكىر العان كەزدە ءا x اكەسىمەن بىرگە تۇرمىس كەشىرۋدى ءتىپتى دە قالايتىندىعىن ايقىن بىلدىرگەن ەدى. بۇعان گۋ x بۇل بالانىڭ شىنايى ويى ەمەستىگىن، ويتكەنى ءا xتىڭ وزىمەن بىرگە 10 جىلدان استام ۋاقىت تۇرمىس كەشىرگەندىگىن، شەشەسى مەن بالاسىنىڭ سۇيىسپەنشىلىگى تەرەڭ ەكەندىگىن ايتادى.
سونىمەن سۋديا ءا xپەن تاعى دا سويلەسەدى.
”مەن باعىپ-قاعۋ ۇقىعىنىڭ نە ەكەنىن بىلمەيمىن، تەك اكەم مەنىڭ وزىمەن بىرگە تۇرمىس كەشىرۋدى قالايتىن-قالامايتىنىمدى تالاي رەت سۇرادى ءارى بىرگە تۇرمىس كەشىرسەم ماعان قول تەلەفون ساتىپ الىپ بەرەتىندىگىن جانە باسقا دا تۇرمىس قاجەتتەرىمدى قاناعاتتاندىراتىندىعىن ايتىپ ۋادە بەردى. الايدا شەشەمنەن ايرىلعىم كەلمەيدى“،-دەدى ءا x.
سۋديا ءا xكە باعىپ-قاعۋ ۇقىعىن جانە باعىپ-قاعۋ ۇقىعىن وزگەرتكەننەن كەيىن، ءا xتىڭ تۇرمىسىندا تۋىلاتىن وزگەرىستەردى ەگجەي-تەگجەيلى ءتۇسىندىرىپ بىلاي دەدى: ”بالانى باعىپ-قاعۋ ۇقىعى — اتا-انانىڭ بالانى باعىپ-قاعۋ جانە قامقورشى بولۋداعى زاڭدا بەلگىلەنگەن ۇقىعى، ول بالانىڭ كۇندەلىكتى تۇرمىسى، تاربيەسى جانە زاڭدىق قورعاۋى سياقتى كوپ جاقتارعا سايادى. ەگەر باعىپ-قاعۋ ۇقىعىن وزگەرتسەڭ، كەيىن اكەڭمەن بىرگە تۇرمىس كەشىرەسىڭ، سەنىڭ كۇندەلىكتى تۇرمىسىڭا اكەڭ جاۋاپتى بولادى، تاربيە تاسىلىندە دە بۇرىلىس بولۋى مۇمكىن“. ءا x باعىپ-قاعۋ ۇقىعىن وزگەرتۋدىڭ ءمانىن بىرتىندەپ ءتۇسىندى ءارى كوپ ويلانىپ-تولعانعاننان كەيىن سۋدياعا: ”مەن شەشەممەن بىرگە تۇرمىس كەشىرە بەرەمىن“،-دەدى.
”ازامات جاسىنا تولماعان پەرزەنتتەر مۇددەسىنىڭ ەڭ ۇلكەن پرينسيبى“ − باعىپ-قاعۋ قاتىناسى وزگەرۋىنىڭ تەتىگى بولماق. سۋديا كوپ جاقتى فاكتورلاردى جيناقتاي كەلە بىلاي دەپ قارادى: وسى 10 جىلدان بەرى ءا xتىڭ تۇرمىسى مەن ۇيرەنۋ جاعدايى ورنىقتى، جاقسى بولىپ كەلگەن، گۋ xتىڭ قىزمەتى مەن كىرىسى دە ءبىرشاما تۇراقتى، ونىڭ ۇستىنە گۋ x ا xتىڭ بالانى كورۋ ۇقىعىن، سونداي-اق بالاسىنىڭ اكە مەيىرىنە بولەنۋ ۇقىعىن تولىق قامتاماسىز ەتتى.
وسىدان ءا xتىڭ ۇزدىكسىز گۋ xپەن بىرگە تۇرمىس كەشىرۋى ەشبىر ۇيلەسىمسىز ەمەس ەكەندىگىن كورۋگە بولادى. سۋديانىڭ بايىپپەن ءناسيحات ايتۋىمەن ا x ارىز-شاعىمىن قايتارىپ الدى.
سۋديانىڭ ايتارى
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1084-تارماعىندا بىلاي دەلىنگەن: اجىراسقاننان كەيىن، 2 جاسقا تولماعان بالانى شەشەسى ءوزى باعىپ-قاعۋ پرينسيپ ەتىلەدى. 2 جاسقا تولعان بالاسىن باعىپ-قاعۋ ماسەلەسى جونىندە اكە-شەشەسى كەلىسە الماسا، حالىق سوتى مەكەمەسى ەكى جاقتىڭ ناقتى جاعدايىنا قاراي، كامەلەتكە تولماعان بالاعا ەڭ ءتيىمدى بولۋ پرينسيبى بويىنشا ۇكىم شىعارادى. بالا 8 جاسقا تولسا، ونىڭ شىنايى ەركىنە قۇرمەت ەتۋ كەرەك.
باعىپ-قاعۋ ۇقىعىن وزگەرتۋدە ازامات جاسىنا تولماعانداردىڭ شىنايى تىلەگىنە قۇرمەت ەتۋ، ياعني ازامات جاسىنا تولماعانداردىڭ سىرتقى دۇنيەنىڭ نەمەسە ءۇشىنشى ادامنىڭ كەدەرگىسىنە ۇشىراماعان جاعدايدا بىلدىرگەن شىنايى تىلەگى بولۋ كەرەك. الايدا، 8 جاسقا تولعان ازامات جاسىنا تولماعاندار ازاماتتىق ىستەر ارەكەتى قابىلەتىن شەكتەيتىن ادام رەتىندە بەلگىلى تانىم، پارىقتاۋ جانە تۇجىرىم جاساۋ قابىلەتىنە يە، سونىمەن بىرگە بۇل قابىلەتى دە كەمەلدى ەمەس، سوندىقتان تىلەگىنە قۇرمەت ەتۋ ءالى دە ازامات جاسىنا تولماعان بالالاردىڭ اقاۋسىز ەسەيىپ-ەرجەتۋىنە ءتيىمدى بولۋ پرينسيبى نەگىزىندە قۇرىلادى، باعۋشىنىڭ جالپىلىق جاعدايىن تولىق ويلاستىرۋ ارقىلى بەلگىلەۋ كەرەك.
来源：新疆法治报
翻译：唐努尔·赛力克
编辑：阿莱·赫亚克巴依
责编：叶克奋·沙布尔
监制：叶尔兰·努哈
