男子隐瞒重大疾病登记结婚 法院：撤销婚姻关系 جىگىت اۋىر ناۋقاسىن جاسىرىپ ۇيلەنۋگە تىركەلگەن سوت مەكەمەسى: ۇيلەنۋ قاتىناسى كۇشىنەن قالدىرىلسىن
قول ۇستاسىپ، قوساعىمەن قوسا قارتايۋ ادامداردىڭ ۇيلەنۋ جونىندەگى تاماشا ارمانى. ەگەر ءبىر جاق ۇيلەنۋدەن بۇرىن اۋىر ناۋقاسىن جاسىرىپ، ەندى ءبىر جاقتىڭ جاعدايدان حاباردار بولۋ ۇقىعىنا قول سۇقسا، مۇنداي ۇيلەنۋدىڭ سوڭى نەگە اپارادى؟ تاياۋدا كورلا تەمىر جول تاسىمالى سوت مەكەمەسى وسى تەكتەس دەلونى قارادى.
شياۋمەي (وزگەرتىلگەن ەسىم) مەن شياۋچياڭ (وزگەرتىلگەن ەسىم) باسقالاردىڭ تانىستىرۋىمەن تانىسىپ، ءبىراز ۋاقىت ارالاسقاننان كەيىن ماحابباتتاسىپ ءسوز بايلاسادى. بيىل 1 ـ ايدا ەكەۋى كورلا قالاسىندا ۇيلەنۋگە تىركەلەدى. 3-ايدا شياۋمەي مەن شياۋچياڭ سىرت جەردە ساياحاتتاپ جۇرگەن كەزىندە ۇساق-تۇيەك ىستەرگە بولا شارماياقتاسىپ قالادى، ىزاعا بۋلىققان شياۋچياڭ ۇنەمى ءتۇن ورتاسىندا ايعايلايدى.
شياۋچياڭعا 2015 - جىلى سىڭار ەزۋلىك سيپاتتى ەسى اۋىسۋ اۋرۋىنا شالدىققان دەپ دياگنوز قويىلعانىن، ەمدەۋ ارقىلى تاۋىرلەنىپ قالعانىمەن، ءبىراق ءالى دە ءدارى - دارمەك ارقىلى ساقتاۋعا تۋرا كەلەتىنىن شياۋمەي سوندا عانا بىلەدى.
شياۋمەي بۇل شىندىقتى قابىلداي الماي، شياۋچياڭنىڭ ۇستىنەن كورلا تەمىر جول تاسىمالى سوت مەكەمەسىنە ارىز بەرىپ، شياۋچياڭمەن اراداعى ۇيلەنۋ قاتىناسىن كۇشىنەن قالدىرۋىن ءارى شياۋچياڭدى ءوزىنىڭ رۋحاني زيانى ءۇشىن 50 مىڭ يۋان جۇباتۋ قاراجاتىن تولەۋگە ۇكىم ەتۋىن تالاپ ەتەدى.
سوت مەكەمەسى دەلونى قابىلداعاننان كەيىن، زاڭ بويىنشا شياۋچياڭعا سوتقا كەلۋىن ۇقتىرادى، شياۋچياڭ سوتقا كەلمەي، تەك جازباشا اقتالۋ پىكىرىن عانا بەرىپ، ەكەۋىنىڭ ءوزارا ءبىرىن-ءبىرى ۇناتىپ ۇيلەنگەندىگىن، ۇيلەنۋدەن بۇرىن ەسى اۋىسۋ اۋرۋىنا شالدىققان جاعدايىن شياۋمەيگە ايتقاندىعىن، شياۋمەيمەن بىرگە تۇرمىس كەشىرە بەرگىسى كەلەتىندىگىن ايتادى.
سوت مەكەمەسى تەكسەرۋ ارقىلى بىلاي دەپ قارادى: شياۋچياڭنىڭ ەسى اۋىسۋ اۋرۋىنا شالدىعۋى زاڭدا بەلگىلەنگەن ۇيلەنۋگە بولمايتىن سالماقتى اۋرۋعا جاتادى. «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1053-تارماعىندا بىلاي دەپ بەلگىلەنگەن: ۇيلەنۋشىلەردىڭ ءبىر جاعىندا اۋىر ناۋقاس بولسا، ۇيلەنۋگە تىزىمدەلۋدەن بۇرىن ەندى ءبىر جاققا قاز-قالپىندا ايتۋى كەرەك؛ قاز-قالپىندا ايتپاسا، ەندى ءبىر جاقتىڭ حالىق سوتى مەكەمەسىنەن ۇيلەنۋدى كۇشىنەن قالدىرۋدى تالاپ ەتۋىنە بولادى.
زاڭداعى بەلگىلەمەلەرگە ساي، ناۋقاسىنىڭ ءتۇرىن، ناۋقاس جاعدايىن، سونداي-اق ەمدەلۋ جاعدايىن قاز-قالپىندا ناقتى، شىنايى، جان-جاقتىلى، ەگجەي-تەگجەيلى ايتۋى كەرەك. بۇل دەلودا شياۋچياڭ شياۋمەيدەن ەسى اۋىسۋ اۋرۋىنا شالدىققان اۋرۋ تاريحىن جاسىرعانىن تەرىسكە شىعارعان، ءبىراق ءوزى سوتقا كەلمەگەن، ءوز ءسوزىن دالەلدەي الاتىن قاتىستى دالەل-ىسپاتتاردى دا تاپسىرماعان، سوندىقتان بۇدان تۋعان زاڭدىق زارداپتى ارقالاۋى كەرەك.
سوڭىندا سوت مەكەمەسى: شياۋمەي مەن شياۋچياڭنىڭ ۇيلەنۋ قاتىناسى كۇشىنەن قالدىرىلسىن، شياۋچياڭ شياۋمەيدىڭ رۋحاني زيانى ءۇشىن 8000 يۋان جۇباتۋ قاراجاتىن تولەسىن،- دەپ ۇكىم شىعاردى.
سۋديانىڭ ەسكەرتۋى
ازاماتتىق زاڭنامانىڭ 1054 - تارماعىنىڭ بەلگىلەمەسىنە ساي، كۇشىنەن قالدىرىلعان ۇيلەنۋدىڭ تۋ باستان زاڭدىق تەجەم كۇشى بولمايدى. ۇيلەنۋدى كۇشىنەن قالدىرۋ تالابىن كۇشىنەن قالدىرۋ سەبەبىن بىلگەن نەمەسە بىلۋگە ءتيىستى بولعان كۇننەن باستاپ ءبىر جىل ىشىندە العا قويۋى كەرەك، بۇل مەزگەۋلى مەرزىمگە جاتادى، وعان ارىز-شاعىم بەرۋدىڭ كۇشكە يە ۋاقىتىن توقتاتۋ، ءۇزۋ جانە ۇزارتۋ جونىندەگى بەلگىلەمەلەر قولدانىلمايدى، وسى ۋاقىتتان اسىپ كەتسە، كۇشىنەن قالدىرۋ ۇقىعى جويىلادى، تەك اجىراسۋ تاسىلىمەن ۇيلەنۋ قاتىناسىن اياقتاتۋعا بولادى.
来源：新疆法治报
翻译：汤达娜·阿扎提
编辑：阿莱·赫亚克巴依
责编：叶克奋·沙布尔
监制：叶尔兰·努哈
