جەرگىلىكتى ۋاقىت 11 - ايدىڭ 21 - كۇنى كەشتە مەملەكەت ءتوراعاسى شي جينپيڭ برازيلياداعى مەملەكەتتىك ساپارىن اياقتاتىپ، ارناۋلى ۇشاقپەن ەلگە قايتار جولىندا كاسابلانكادا تەحنيكالىق ايالدادى. ماروككو پاتشاسى مۇحاممەد 6نىڭ ارنايى جىبەرۋىمەن ماروككو پاتشا مۇراگەرى حاسان، باس ءۋازىر احەننوۋش اۋەجايعا ارنايى بارىپ شي جينپيڭدى قارسى الدى ءارى اۋەجايدا قارسى الۋ سالتىن وتكىزدى. سۋرەتتە: شي جينپيڭ پاتشا مۇراگەرى حاسانمەن ىقىلاستى اڭگىمەلەسۋدە. □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 11 - ايدىڭ 21 - كۇنى ماروككو كاسابلانكادان بەرگەن حابارى (تىلشىلەر ياڭ يجۇن، لۋ جيافي). جەرگىلىكتى ۋاقىت 11 - ايدىڭ 21 - كۇنى كەشتە مەملەكەت ءتوراعاسى شي جينپيڭ برازيلياداعى مەملەكەتتىك ساپارىن اياقتاتىپ، ارناۋلى ۇشاقپەن ەلگە قايتار جولىندا كاسابلانكادا تەحنيكالىق ايالدادى.
ماروككو پاتشاسى مۇحاممەد 6نىڭ ارنايى جىبەرۋىمەن ماروككو پاتشا مۇراگەرى حاسان، باس ءۋازىر احەننوۋش اۋەجايعا ارنايى بارىپ شي جينپيڭدى قارسى الدى ءارى اۋەجايدا قارسى الۋ سالتىن وتكىزدى.
شي جينپيڭ پاتشا مۇراگەرى حاسانمەن ىقىلاستى اڭگىمەلەستى.
شي جينپيڭ پاتشا مۇراگەرى حاسانعا پاتشا مۇحاممەد 6عا ىقىلاستى سالەمى مەن ىزگى تىلەگىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: جۇڭگو مەن ماروككو ەكى ەل قارىم - قاتىناسىنىڭ دامۋى تاماشا، ەكى جاقتىڭ ناقتى سەلبەستىگى اسا ناتيجەلى بولىپ، ءار سالاداعى بارىس - كەلىسى كۇن سايىن تەبىندەي ءتۇستى. 2016 - جىلى پاتشا مۇحاممەد 6 جۇڭگودا مەملەكەتتىك ساپاردا بولدى، مەن ونىمەن اسا ناتيجەلى كەڭەس وتكىزىپ، جۇڭگو − ماروككو قارىم - قاتىناسىنىڭ تىڭ ساتىعا كوتەرىلۋىن ىلگەرىلەتتىك. جۇڭگو جاق ماروككونىڭ مەملەكەتتىڭ حاۋىپسىزدىگى مەن ورنىقتىلىعىن قورعاۋىن قولدايدى، ماروككو جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءبىرىن - ءبىرى باتىل قولداۋدى قالايدى. جۇڭگو جاق ماروككو جاقپەن جۇڭگو − افريكا سەلبەستىك تالقى مىنبەرى بەيجيڭ باسشىلار ءماجىلىسى مەن جۇڭگو − اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ جەتىستىكتەرىن ويداعىداي تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋ اياسىنداعى ءار سالاداعى ناقتى سەلبەستىكتە اناعۇرلىم كوپ جەتىستىككە قول جەتكىزۋدى ىلگەرىلەتۋدى قالايدى. ەكى جاق گۋمانيتارلىق اۋىس - كۇيىستى كەڭەيتىپ، ەكى ەلدىڭ دوستىق حالىق رايى نەگىزىن بەكەمدەپ، جۇڭگو مەن ماروككونىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋى كەرەك.
حاسان پاتشا مۇحاممەد 6نىڭ ءتوراعا شي جينپيڭگە جولداعان ىقىلاستى سالەمىن جانە قىزۋ قارسى الاتىندىعىن جەتكىزىپ مىنالاردى ءبىلدىردى: ماروككو − جۇڭگو ەكى ەلدىڭ قارىم - قاتىناسى تاماشا دامۋ ارىنىن ساقتادى، جۇڭگونىڭ جاڭا تيپتى ايدارشا ۆيرۋس ىندەتى كەزىندە ماروككو جاققا قىمباتتى قولداۋ كورسەتكەندىگىنە العىس ايتامىز، ماروككو حالقى مۇنى ماڭگى ۇمىتپايدى. ماروككو پاتشا اۋلەتى مەن ۇكىمەتى دەرلىك ماروككو − جۇڭگو قارىم - قاتىناسىن ونان ارى دامىتۋعا باتىل كۇش سالادى، جۇڭگو جاقپەن جوعارى جىكتەگىلەردىڭ بارىس - كەلىسىن ساقتاپ، ءار سالاداعى سەلبەستىكتى كۇشەيتۋدى قالايدى. حانزۋ ءتىلى مەن جۇڭگو مادەنيەتىن ماروككو حالقى قىزۋ قارسى الادى، ەكى ەلدىڭ گۋمانيتارلىق اۋىس - كۇيىسىن كۇشەيتۋدى ءۇمىت ەتەدى. ماروككو مەن جۇڭگو ەكى ەلدىڭ كوپتەگەن ماسەلەدەگى تۇرعىسى قارايلاس، ماروككو جاق جۇڭگو جاقپەن بىرگە ءبىر - ءبىرىنىڭ مەملەكەتتىڭ يەلىك ۇقىعى مەن حاۋىپسىزدىگىن، ورنىقتىلىعىن قورعاۋىن باتىل قولداۋدى قالايدى.
ساي چي، ۋاڭ ي قاتارلىلار كەزدەسۋگە قاتىناستى.
