انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 22 - كۇنى ۇرىمجىدەن حابارلايدى. ساۋداگەر شاقىرۋ مەكەمەسى شينجياڭ تەكسەرۋ - ولشەۋ تەحنيكاسىن زەرتتەۋ ورنى شەكتى سەرىكتەستىگى 11 - ايدىڭ 22 - كۇنى ماڭدايشالىق اشىپ قۇرىلدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، ساۋداگەر شاقىرۋ مەكەمەسى توبىنىڭ باس ديرەكتورى شى داي ماڭدايشالىق اشۋ سالتىنا قاتىناسىپ، كاسىپورىننىڭ ماڭدايشالىعىن بىرگە اشتى.
ساۋداگەر شاقىرۋ مەكەمەسى شينجياڭ تەكسەرۋ - ولشەۋ تەحنيكاسىن زەرتتەۋ ورنى شەكتى سەرىكتەستىگى اۆتونوميالى رايوندىق حالىق ۇكىمەتى مەن ساۋداگەر شاقىرۋ مەكەمەسى توبى سەلبەسىپ، اۆتونوميالى رايوننىڭ بۇرىنعى ساپانى تەحنيكالىق باقىلاۋ - تەكسەرۋ ورنى، ولشەۋ ورنى، ەرەكشە جابدىقتاردى تەكسەرۋ - زەرتتەۋ ورنى، تالشىق توقىماشىلىق ورتالىعى سياقتى 4 تەكسەرۋ - ولشەۋ ءىسورنىن كاسىپورىنعا وزگەرتىپ قۇرىلىمىن جاڭالاۋدان نەمەسە ءىسورىن مەن كاسىپورىندى بولۋىنەن قۇرىلعان، مەملەكەت بويىنشا تۇڭعىش ولكە دارەجەلى NQI (مەملەكەتتىك ساپا نەگىزدىك قۇرىلعىسى) ءبىر تۇلعالاندىرىپ كاسىپورىنعا وزگەرتىپ قۇرىلىمىن جاڭالاۋدىڭ جانە ورتالىق كاسىپورىندارى مەن جەرگىلىكتى ورىننىڭ سەلبەستىك رەفورماسىنىڭ تابىستى ۇلگىسى سانالادى.
ەركىن تۇنياز ماڭدايشالىق اشۋ سالتىندا ارناۋ ءسوز سويلەدى. ول مىنالاردى ءبىلدىردى: ساۋداگەر شاقىرۋ مەكەمەسى شينجياڭ تەكسەرۋ - ولشەۋ تەحنيكاسىن زەرتتەۋ ورنى شەكتى سەرىكتەستىگىنىڭ قۇرىلۋى باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ماڭىزدى بايىمداۋلارىن دايەكتىلەندىرۋدەگى ناقتى شارا، ول شينجياڭنىڭ تەكسەرۋ - ولشەۋ ىستەرىنىڭ جاڭا جاعدايىن اشتى. كاسىپورىننىڭ بايلىق كۇشىن بىرىكتىرىپ، بازارلاندىرۋ وي جەلىسىن ورناتىپ، حالىقارالىق كوز ايانى كەڭەيتىپ، تەكسەرۋ، كۋالاندىرۋ جاعىنداعى باستاماشى كاسىپورىندى قۇلشىنا قۇرۋىن ءۇمىت ەتەمىن. ساۋداگەر شاقىرۋ مەكەمەسى توبىنىڭ شينجياڭنىڭ دامۋىن ۇزدىكسىز قولداپ، ناقتى ىستەر سەلبەستىگىن، ءوزارا پايدا جەتكىزىپ تەڭ يگىلىككە كەنەلۋدى ىلگەرىلەتۋىن ءۇمىت ەتەمىن. شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ونان ارى تۇلعالاپ، ءتۇرلى كاسىپورىننىڭ شينجياڭدا قارجى قوسىپ دامۋىنا قىزمەت وتەيدى جانە ونى قامتاماسىز ەتەدى.
شى داي ارناۋ سوزىندە مىنالاردى ءبىلدىردى: ساۋداگەر شاقىرۋ مەكەمەسى شينجياڭ تەكسەرۋ - ولشەۋ تەحنيكاسىن زەرتتەۋ ورنى شەكتى سەرىكتەستىگىنىڭ وزەكتى قابىلەتتى جەتىلدىرۋىن، ەرەكشە باسىمدىقتى قالىپتاستىرۋىن، كۇشەيۋىن، ساپالىلانۋىن، زورايۋىن بار كۇشپەن قولدايمىز. كاسىپورىننىڭ شينجياڭنىڭ ەرەكشە، باسىمدىققا يە كاسىپ سالاسى شوعىرى قۇرىلىسىمەن تىعىز ۇشتاستىرىپ، تەكسەرۋ - ولشەۋ بايلىقتارىن بىرىكتىرىپ، ساپا نەگىزدىك قۇرىلعىلارىمەن قامتاماسىز ەتۋ قابىلەتىن كۇشەيتىپ، ”ءبىر بەلدەۋ، ءبىر جولدى“ بىرگە قۇراتىن ەلدەر بازارىن بەلسەنە كەڭەيتىپ، شينجياڭنىڭ، سونداي - اق ءوڭىردىڭ جوعارى ساپالى دامۋىن جەبەۋگە تىرەك بولۋىن ءۇمىت ەتەمىن. ساۋداگەر شاقىرۋ مەكەمەسى توبى شينجياڭدا قارجى قوسۋدى ورنالاستىرۋ سەرپىنىن ۇزدىكسىز ارتتىرىپ، شينجياڭعا اناعۇرلىم كوپ ”ساۋداگەر شاقىرۋ كۇشىن“ قوسادى.
قيمىل كەزىندە ما شيڭرۇي ساۋداگەر شاقىرۋ مەكەمەسى شينجياڭ تەكسەرۋ - ولشەۋ تەحنيكاسىن زەرتتەۋ ورنى شەكتى سەرىكتەستىگىنىڭ قىزمەت تانىستىرۋىن تىڭدادى ءارى شينجياڭ ساۋدا زات اينالىمى توبىنا قاراستى ولشەم بويىنشا تەكسەرىلەتىن ونىمدەردى تەكسەرۋ، كۋالاندىرۋ شەكتى سەرىكتەستىگىنە بارىپ تەكسەرۋ - زەرتتەۋ جۇرگىزىپ، كاسىپورىننىڭ دامۋ، باسقارۋ ونىمدىلىگىن ۇعىسىپ، تاجىريبەحانانىڭ اينالىم جاعدايىن تەكسەردى. ول بىلاي دەپ باسا دارىپتەدى: تەكسەرۋ - ولشەۋدى ويداعىداي يگەرۋ شينجياڭنىڭ ءونىم ساپاسىن جوعارىلاتۋدا، كاسىپ سالاسىنىڭ دارەجەسىن جوعارىلاتۋدى ىلگەرىلەتۋدە، جوعارى ساپالى دامۋدى جەدەلدەتۋدە ماڭىزدى رول اتقارادى. وسى رەتكى بازارلاندىرۋ رەفورماسىن قوزعاۋشى كۇش ەتىپ، باسقارۋ مەحانيزمى رەفورماسىن جانە كاسىپتە جاڭالىق اشۋدى ۇزدىكسىز تەرەڭدەتىپ، كەشەندى ناقتى قۋات پەن وزەكتى باسەكەلىك قۋاتتى جوعارىلاتىپ، شينجياڭنىڭ، سونداي - اق ءوڭىردىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك ازىرلەۋ كەرەك. شينجياڭنىڭ كاسىپ سالاسى شوعىرىنىڭ دامۋىنا بەلسەنە قىزمەت وتەپ، جاڭاشا تەكسەرۋ - ولشەۋ تاجىريبەحاناسىن قۇرىپ، ساپالى بايلىقتى توپتاپ، تەحنيكالىق تىرەكتى كۇشەيتىپ، شينجياڭ كاسىپ سالاسىنىڭ تيبىن جاڭالاپ، دارەجەسىن جوعارىلاتۋىنا، دامىپ زورايۋىنا دەم بەرىپ، شينجياڭ ونىمدەرىنىڭ بازارىن اناعۇرلىم كەڭەيتۋ كەرەك. شينجياڭنىڭ ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋ ورايىنان ويداعىداي پايدالانىپ، جوعارى دەڭگەيدە ەسىك اشۋدى بەلسەنە كەڭەيتىپ، حالىقارالىق ولشەممەن ءتۇيىلىسىپ، توڭىرەكتەگى ەلدەرمەن تەحنيكالىق اۋىس - كۇيىستى تەرەڭدەتىپ، ورتا ازياعا باعىتتالعان حالىقارالىق تەكسەرۋ - ولشەۋ بيىگىن تۇلعالاۋ كەرەك.
چىن ۋيجۇن، ءيۇسۇپجان مامەت، قادەن كابەن، جۋ ليفان، جين جىجىن، ساۋداگەر شاقىرۋ مەكەمەسى توبىنداعى قاتىستى جاۋاپتى جولداستار، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى، كاسىپورىندارداعى جانە ءۇرىمجى قالاسىنداعى جاۋاپتى جولداستار قاتىستى قيمىلدارعا قاتىناستى.
