شينحۋا اگەنتتىگىنىڭ 11 - ايدىڭ 19 - كۇنى برازيليادان بەرگەن حابارى (تىلشىلەر سۋ لياڭ، چىن حاۋچۋان). جەرگىلىكتى ۋاقىت 11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن برازيلياعا جەتىپ، برازيلياداعى مەملەكەتتىك ساپارىن باستادى.
ارناۋلى ۇشاق برازيليا اۋە ارمياسى بازاسىنا جەتكەندە، برازيليا زۇڭتۇڭ مەكەمەسىنىڭ باس مينيسترى كوستا، برازيليا اۋە ارمياسى بازاسىنىڭ سىليڭى ميگۋەل، ءادىليا مينيسترى لەۋاندوۆسكي، زۇڭتۇڭ مەكەمەسى ورگاندار قارىم - قاتىناس مينيسترى پاديللا قاتارلى جوعارى دارەجەلى ءمانساپتىلار اۋەجايدا ىستىق ىقىلاسپەن قارسى الىپ، لۋلا زۇڭتۇڭ مەن برازيليا ۇكىمەتى اتىنان ءتوراعا شي جينپيڭنىڭ ساپارلاي كەلگەندىگىن قىزۋ قارسى الدى.
ونداعان بادارا ونەرپازى برازيليا ەرەكشەلىگىنە يە قىزۋ مەرەيلى بارابان مۋزيكاسىن ورىندادى.
ساي چي، ۋاڭ ي قاتارلى سەرىك بولىپ بارعاندار وسى ۇشاقپەن بىرگە جەتتى.
شي جينپيڭ اۆتوكولىككە وتىرىپ اۋەجايدان ءوزى تۇسەتىن قوناق ۇيگە بارا جاتقان جولدا جەرگىلىكتى ورىنداعى حۋاچياۋلاردىڭ، حۋارىنداردىڭ، جۇڭگو قارجىلاندىرعان قۇرىلىمداردىڭ جانە شەتەلدە وقىپ جاتقان وقۋشىلاردىڭ ۋاكىلدەرى جولدىڭ ەكى جاعىندا جۇڭگو مەن برازيليا ەكى ەلدىڭ مەملەكەت تۋىن بۇلعاپ، ”ءتوراعا شي جينپيڭنىڭ برازيلياعا ساپارلاي كەلگەندىگىن قارسى الامىز“، ”جۇڭگو − برازيليا دوستىعى جاساسىن!“ دەگەن سياقتى قىزىل كەرمە تۋلاردى بيىك ۇستاپ، شي جينپيڭنىڭ ساپارلاي كەلگەندىگىن قىزۋ قارسى الدى.
شي جينپيڭ 20 ەل توبى باسشىلارىنىڭ 19 - رەتكى باسشىلار ءماجىلىسى قيمىلىن اياقتاتقان سوڭ، ريو - دە جانەيرودان اتتانىپ برازيلياعا جەتتى.
