انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 22 - كۇنى ۇرىمجىدەن حابارلايدى. شينجياڭ دارىندىلاردى دامىتۋ توبى شەكتى جاۋاپكەرشىلىك سەرىكتەستىگى 11 - ايدىڭ 22 - كۇنى ماڭدايشالىق اشىپ قۇرىلدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماڭدايشالىق اشۋ سالتىنا قاتىناستى ءارى كاسىپورىننىڭ ماڭدايشالىعىن اشتى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماڭدايشالىق اشۋ سالتىنا قاتىناستى.
سالتتا قاتىستى جولداستار اۆتونوميالى رايوندىق حالىق ۇكىمەتىنىڭ شينجياڭ دارىندىلاردى دامىتۋ توبىن قۇرۋ جونىندەگى بەكىتۋىن وقىدى. شينجياڭ دارىندىلاردى دامىتۋ توبى شينجياڭنىڭ دارىندىلار ساياساتىن تياناقتاندىرۋدى ۇستىنە الاتىن، بۇكىل رايوننىڭ دارىندىلار كاسىپ سالاسىنىڭ دامۋىن، بازارلانعان اينالىمىن ءبىر تۇتاس جوسپارلايتىن مەملەكەت مەنشىگىندەگى تۇعىر. توپتىڭ قۇرىلۋى − اۆتونوميالى رايوندىق پارتكوم مەن ۇكىمەتتىڭ باس شۋجي شي جينپيڭنىڭ دارىندىلار قىزمەتى جونىندەگى ماڭىزدى بايىمداۋلارىن دايەكتىلەندىرۋىنىڭ، تياناقتاندىرۋىنىڭ ناقتى امالياتى، شينجياڭنىڭ دارىندىلار ءتۇزىلىس - مەحانيزمى رەفورماسىندا جانە دارىندىلارعا قىزمەت وتەۋ ۇلگىسىندە جاڭالىق اشۋدا شەشۋشى قادام تاستاعاندىعىنىڭ بەلگىسى.
قيمىل كەزىندە ما شيڭرۇي دارىندىلاردى دامىتۋ توبىنىڭ قىزمەت تانىستىرۋىن تىڭداپ، كاسىپورىننىڭ اينالىم، باسقارۋ جاعدايىن ىشكەرىلەي ۇعىستى. ول بىلاي دەپ باسا دارىپتەدى: شينجياڭ جاڭا جورىقتا جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە دارىندىلارعا بۇرىنعى ءارقانداي كەزدەگىدەن دە شۇعىل ءزارۋ بولىپ وتىر. دارىندىلاردى دامىتۋ توبى قىزمەت جاۋاپكەرشىلىگىن شىنايى ارقالاپ، دارىندىلار جاعىنداعى قۋاتتى رايون ستراتەگياسىن ىشكەرىلەي تياناقتاندىرىپ، فۋنكتسيالىق ورنىن ءدال يگەرىپ، نىسانا - مىندەتتەردى ايقىنداپ، قىزمەتتىڭ كىرىسۋ ءتۇيىنىن ءدال تاۋىپ، يدەيانى ازات ەتىپ، جىگەرلەنە جاڭالىق اشىپ، جەرگىلىكتى جاعدايعا قاراي ىستەپ، شىندىققا جۇگىنىپ ناقتى ءىس ىستەپ، جوعارى دەڭگەيدەگى دارىندىلار بيىگىن جانە دارىندىلاردى باۋراۋ، شوعىرلاندىرۋ تۇعىرىن جەدەل قۇرۋ كەرەك. شينجياڭنىڭ دارىندىلار قاجەتىن دالمە - ءدال يگەرىپ، دارىندىلارمەن قامداۋ - قاجەتسىنۋ كوپىرىن بەلسەنە قۇرىپ، دارىندى قابىلداۋ، اقىل - پاراسات ەنگىزۋ تورىن ورناتىپ، دارىندىلاردى باۋراۋ، دارىندىلاردى شوعىرلاندىرۋ، دارىندىلاردى تاربيەلەۋ، دارىندىلاردى قالدىرۋ، دارىندىلاردى ساقتاۋ قىزمەتتەرىن اشىق كوز ايامەن ويداعىداي ىستەپ، شينجياڭنىڭ جوعارى ساپالى دامۋدى ىلگەرىلەتۋىنە، جوعارى دەڭگەيدەگى ەسىك اشۋدى كەڭەيتۋىنە ۇيلەسەتىن دارىندىلار قىزمەت وتەۋ جۇيەسىن جەدەل ورناتۋ كەرەك. قىزمەت ءتۇيىنىن كورنەكتىلەندىرىپ، مۇناي، تابيعي گاز، كومىر، كەن ونىمدەرى، ءىرى اۋىل شارۋاشىلىعى سياقتى شينجياڭنىڭ كاسىپ سالاسى شوعىرى قۇرىلىسىنىڭ قاجەتىمەن تىعىز بايلانىستىرىپ، دارىندىلار قىزمەتىنىڭ باعىتتامالىلىعى مەن ناقتى ونىمدىلىگىن كۇش سالا جوعارىلاتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتىپ، شينجياڭنىڭ ەرەكشەلىگى مەن ابزالدىلىعىن ايگىلەيتىن وسىزاماندانعان كاسىپ سالاسى جۇيەسىن قۇرۋعا اناعۇرلىم پارمەندى دارىندىلار تىرەگىن ازىرلەۋ كەرەك.
چىن ۋيجۇن، قادەن كابەن، جين جىجىن سالتقا قاتىناستى، جۋ ليفان سالتتى باسقاردى. جۇڭجى توبى مەن شىنجىن دارىندىلار توبىنداعى، اۆتونوميالى رايوننىڭ قاتىستى تاراۋلارى مەن ءۇرىمجى قالاسىنداعى، ورتالىقتىڭ شينجياڭدا تۇراتىن كاسىپورىندارى مەن اۆتونوميالى رايوننىڭ قاتىستى كاسىپورىندارىنداعى جاۋاپتى جولداستار سالتقا قاتىناستى.
